ଯାଜପୁର,୬।୧୧  : ଯାଜପୁର ଜିଲ୍ଲା ସୁକିନ୍ଦା ଥାନା ବନ୍ଧୁଗାଁ ଗ୍ରାମ ନିକଟ ରେଙ୍ଗାଲି କେନାଲକୁ ଗାଧୋଇବାକୁ ଯାଇ ୨ ନାବାଳକ ନିଖୋଜ ହୋଇଛନ୍ତି। । ଏନେଇ ପରିବାର ପକ୍ଷରୁ ଥାନାରେ ଅଭିଯୋଗ ହେବାପରେ ଅଗ୍ନିଶମ ବାହିନୀ ପକ୍ଷରୁ ଖୋଜାଖୋଜି ଆରମ୍ଭ ହୋଇଛି। ଏପର୍ଯ୍ୟନ୍ତ ନିଖୋଜ ନାବାଳକଙ୍କ କୌଣସି ପତ୍ତା ମିଳିନାହିଁ। 

ସୂଚନା ମୁତାବକ ସ୍ଥାନୀୟ ଗୁହାଳଡି ଗ୍ରାମର ଟୁକୁନା ମୁଣ୍ଡାଙ୍କ ୭ ବର୍ଷର ପୁଅ ସୋମା ମୁଣ୍ଡା ଏବଂ ସେହି ଗ୍ରାମର ରଘୁ ମୁଣ୍ଡାଙ୍କ ୬ ବର୍ଷର ପୁଅ ହାପି ମୁଣ୍ଡା ଉଭୟେ ରେଙ୍ଗାଲି କେନାଲକୁ ଗାଧୋଇବାକୁ ଯାଇଥିଲେ। ସେ  ଘରକୁ ଫେରି ନଥିଲେ। ବିଳମ୍ବ ହେବାରୁ ପରିବାର ଲୋକେ ବହୁ ସମୟ ଧରି ଖୋଜାଖୋଜି କରିଥିଲେ ହେଁ ୨ ନାବାଳକଙ୍କ କୌଣସି ପତ୍ତା ମିଳି ନଥିଲା। ପରେ ଏନେଇ ପରିବାର ଲୋକେ ସୁକିନ୍ଦା ଥାନାରେ ଅଭିଯୋଗ କରିବା ପରେ ସ୍ଥାନୀୟ ଅଗ୍ନିଶମ ବାହିନୀ କର୍ମଚାରୀ ଘଟଣାସ୍ଥଳରେ ପହଞ୍ଚି ଖୋଜାଖୋଜି ଆରମ୍ଭ କରିଛନ୍ତି।