ଅହମ୍ମଦାବାଦ,୨୧/୦୫: କୋଲକାତା ନାଇଟ୍ ରାଇଡର୍ସ ଆଇପିଏଲ୍ ୨୦୨୪ ର ପ୍ରଥମ କ୍ବାଲିଫାୟର ମ୍ୟାଚରେ ସନରାଇଜର୍ସ ହାଇଦ୍ରାବାଦକୁ ୮ ୱିକେଟ୍ରେ ପରାଜିତ କରିଛି। କେକେଆର୍ ଛୋଟ ପାର୍ଟନରସିପ୍ କରିଥିଲେ ବି ଶେଷରେ ଭେଙ୍କଟେଶ ଆୟର୍ ଏବଂ ଶ୍ରେୟସ୍ ଆୟରଙ୍କ ମଧ୍ୟରେ ୯୭ ରନ୍ର ପାର୍ଟନରସିପ୍ ଆଧାରରେ ଦଳ କ୍ବାଲିଫାୟର ମ୍ୟାଚ୍ ଜିତି ଆଇପିଏଲ୍ ୨୦୨୪ ର ଫାଇନାଲରେ ପ୍ରବେଶ କରିଛି।
ସନ୍ ରାଇଜର୍ସ ହାଇଦ୍ରାବାଦ ଟସ୍ ଜିତି ପ୍ରଥମେ ଖେଳି ୧୯.୩ ଓଭରରେ ସମସ୍ତ ଓ୍ବିକେଟ ହରାଇ ୧୫୯ ରନ୍ରେ ଅଟକି ଥିଲା। ରାହୁଲ ତ୍ରିପାଠୀ ଦଳ ପକ୍ଷରୁ ୫୫ ରନ୍ର ଏକ ଗୁରୁତ୍ୱପୂର୍ଣ୍ଣ ଅର୍ଦ୍ଧଶତକୀୟ ପାଳି ଖେଳିଥିଲେ। ଦଳ ପକ୍ଷରୁ ପ୍ୟାଟ୍ କମିନ୍ସ ମଧ୍ୟ ୩୦ ରନ୍ କରିଥିଲେ। ଯେତେବେଳେ କୋଲକାତା ଟାର୍ଗେଟକୁ ପିଛା କରିବା ଆରମ୍ଭ କଲା,ଏଥର ଫିଲ୍ ସଲ୍ଟ ଓପନିଙ୍ଗ କରିନଥିଲେ, ଏବଂ ତାଙ୍କ ସ୍ଥାନରେ ରହମାନୁଲ୍ଲା ଗୁରୁବାଜ ସୁନୀଲ ନାରିନଙ୍କ ସହ ଓପନର୍ ଥିଲେ। ଗୁରୁବାଜ ଏବଂ ନାରିନଙ୍କ ମଧ୍ୟରେ ୪୪ ରନର ଉଦଘାଟନୀ ଭାଗିଦାରୀ କୋଲକାତା ପକ୍ଷରୁ ସ୍ଥିର ଆରମ୍ଭ କରିଥିଲା ଏବଂ ବାକି କାମ ଭେଙ୍କଟେଶ ଆୟର ଏବଂ ଶ୍ରେୟାସ ଆୟରଙ୍କ ଇନିଂସରେ କରାଯାଇଥିଲା।
୧୬୦ ରନ୍ର ଟାର୍ଗେଟକୁ ପିଛା କରି ସୁନୀଲ ନାରିନ ଏବଂ ରହମାନୁଲ୍ଲା ଗୁରୁବାଜ କେକେଆରକୁ ଏକ ଆକର୍ଷଣୀୟ ଆରମ୍ଭ ଦେଇଥିଲେ। ଦଳ ଚତୁର୍ଥ ଓଭରରେ ଗୁରୁବାଜ ୧୪ ବଲରେ ୨୩ ରନ୍ ସ୍କୋର କରିବା ପରେ ଆଉଟ୍ ହୋଇଥିଲେ। ଏହି ଦୃଢ଼ ପ୍ରାରମ୍ଭ ଆଧାରରେ କୋଲକାତା ନାଇଟ୍ ରାଇଡର୍ସ ପାୱାରପ୍ଲେ ଓଭର ମଧ୍ୟରେ ଗୋଟିଏ ୱିକେଟ୍ ହରାଇ ୬୩ ରନ୍ ସଂଗ୍ରହ କରିଥିଲେ। ପାୱାରପ୍ଲେ ଶେଷ ହେବା ପରେ ମଧ୍ୟ କେକେଆରର ରନ୍ ହାର ମନ୍ଥର ହୋଇନଥିଲା। ୧୦ ଓଭର ଶେଷ ସୁଦ୍ଧା କୋଲକାତା ୨ ୱିକେଟ୍ ହରାଇ ୧୦୭ ରନ୍ ସଂଗ୍ରହ କରିଥିଲା ଏବଂ ଜିତିବାକୁ ଦଳକୁ ୬୦ ବଲରେ ୫୩ ରନ୍ ସ୍କୋର କରିଥିଲା। ଏହାରି ଭିତରେ ଭେଙ୍କଟେଶ ଆୟର ୨୮ ବଲରେ ନିଜର ଅର୍ଦ୍ଧଶତକ ପୂରା କରିଥିବାବେଳେ ଅଧିନାୟକ ଶ୍ରେୟସ ଆୟର ୨୩ ବଲରେ ଅର୍ଦ୍ଧଶତକ ପୂରଣ କରିଥିଲେ। ଭେଙ୍କଟେଶ ଆୟର ଏବଂ ଶ୍ରେୟସଙ୍କ ମଧ୍ୟରେ ୯୭ ରନ୍ର ଅପରାଜିତ ଭାଗିଦାରୀ କୋଲକାତା ନାଇଟ୍ ରାଇଡର୍ସକୁ ୮ ୱିକେଟ୍ରେ ବିଜୟ ନିଶ୍ଚିତ କରିଛି।
