ନୂଆଦିଲ୍ଲୀ,୧୩/୦୯ : କେମିକାଲ ଫ୍ୟାକ୍ଟ୍ରିରେ ଭୟଙ୍କର ବିସ୍ଫୋରଣ । ଫଳରେ  ଜଳିଗଲେ ୩ ଜଣ ଶ୍ରମିକ।  ତେବେ ମହାରାଷ୍ଟ୍ରର ରାଏଗଡ଼ ଜିଲ୍ଲାରେ ଘଟିଛି ଏହି ଘଟଣା। ସେହିପରି ଏହି ଦୁର୍ଘଟଣାରେ ଅନେକ ଆହତ ହୋଇଥିବା ସୂଚନା ମିଳିଛି। 

ପୋଲିସର ସୂଚନା ଅନୁଯାୟୀ, ଗତକାଲି  ଫ୍ୟାକ୍ଟ୍ରିରେ  କାମ ଚାଲିଥିବା ବେଳେ ହଠାତ୍‌ ବିସ୍ଫୋରଣ ହୋଇଥିଲା। ଫଳରେ ଉକ୍ତ ସ୍ଥାନରେ କାମ କରୁଥିବା ୩ ଜଣ ଶ୍ରମିକ ଜିଅନ୍ତା ଜଳି ଯାଇଥିଲେ। ତେବେ ମୃତ ଶ୍ରମିକମାନେ ଉତ୍ତରପ୍ରଦେଶର ବୋଲି ଜଣାଯାଇଛି। ଖବର ପାଇ ତୁରନ୍ତ ପୋଲିସ୍‌ ଓ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ। ଏହାପରେ ଫ୍ୟାକ୍ଟ୍ରିରେ ଛାନଭିନ କରି ବହୁ ଶ୍ରମିକ ଜଳି ଯାଇ ଗୁରୁତର ହୋଇଥିବା ଦେଖିବାକୁ ମିଳିଛି। ସେମାନଙ୍କୁ ତୁରନ୍ତ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ଅବସ୍ଥା ସଙ୍କଟାପନ୍ନ ଥିବା ଜଣାଯାଇଛି । ତେବେ  କାହିଁକି ଓ କେଉଁ ପରିସ୍ଥିତିରେ ଏହି ଦୁର୍ଘଟଣା ଘଟିଲା ପୋଲିସ୍‌ ଏହାର ତଦନ୍ତ ଜାରି ରଖିଥିବା ବେଳେ ଫ୍ୟାକ୍ଟ୍ରିର ମାଲିକ ଓ ବରିଷ୍ଠ ଅଧିକାରୀଙ୍କୁ ପଚରାଉଚରା ଚାଲିଥିବା ଜଣାପଡିଛି ।