ଭୁବନେଶ୍ୱର,୧୨/୦୨: ଗାଁ ରୁ ସହର ଯୋଡି ହେବ । ପରିବହନ କ୍ଷେତ୍ର ଆହୁରି  ଆଗକୁ ବଢିବ ରାଜ୍ୟ । ଏନେଇ ଲକ୍ଷ୍ମୀ ଯୋଜନାର ସୋମବାର ଆଉ ୫ ଜିଲ୍ଲାରେ ବସ୍‌ ସେବା  ଶୁଭାରମ୍ଭ ହେବ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହାର ଶୁଭାରମ୍ଭ କରିବେ । 

ସୋମବାର  ମୟୁରଭଞ୍ଜ, ବଲାଙ୍ଗୀର, ବରଗଡ, କେନ୍ଦୁଝର ଓ ସୁନ୍ଦରଗଡ  ଜିଲ୍ଲାରେ ଲକ୍ଷ୍ମୀ ବସ୍‌ ସେବା ଆରମ୍ଭ ହେବ । ମୋଟ୍‌ ୪୨୫ଟି ବସ୍‌କୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ । ଏନେଇ ବାଣିଜ୍ୟ  ଓ ପରିବହନ ବିଭାଗ ପକ୍ଷରୁ ସମସ୍ତ ପ୍ରସ୍ତୁତି ସରିଛି । ପୂର୍ବରୁ ଏକାଧିକ ଜିଲ୍ଲାରେ ଏହି ବସ୍‌  ସେବା ଆରମ୍ଭ ହୋଇ ସାରିଛି । ମହିଳା, ଛାତ୍ରଛାତ୍ରୀ ଏବଂ ସ୍ଥାନୀୟ ସମ୍ପ୍ରଦାୟକୁ ଶସକ୍ତ କରିବା  ଏହି ବସ୍‌ ସେବାର ମୂଳ ଲକ୍ଷ୍ୟ । ମହିଳା ମାନଙ୍କ ପାଇଁ ବସ୍‌ ଟିକେଟ୍‌ ମୂଲ୍ୟ ମାତ୍ର ୫ ଟଙ୍କା  ରଖାଯାଇଛି । ଆସନ୍ତା ୧୬ ତାରିଖରେ ଆଉ ୫ ଜିଲ୍ଲାରେ ଲକ୍ଷ୍ମୀ ବସ୍‌ ସେବା ଆରମ୍ଭ ହେବ ।