ନୂଆଦିଲ୍ଲୀ,୪/୨ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ବିଜେପି ଉପରେ ଅଭିଯୋଗ ଲଗାଇ କହିଛନ୍ତି କି ତାଙ୍କୁ ବିଜେପିରେ ସାମିଲ ହେବା ଲାଗି ଚାପ ପକାଯାଉଛି । ସେ କହିଛନ୍ତି କି ବିଜେପି ତାଙ୍କୁ ପ୍ରଲୋଭନ ଦେଖାଉଛି କି ଯଦି ସେ ବିଜେପିରେ ସାମିଲ ହେବେ ତ ତାଙ୍କ ବିରୋଧରେ ସବୁ ଅଭଯୋଗ ଫେରସ୍ତ ନିଆଯିବ । ମୋତେ ବିଜେପି ନିଜ ଦଳକୁ ଡାକୁଛି କିନ୍ତୁ ମୁଁ ଯିବି ନାହିଁ । କେଜ୍ରିଓ୍ବାଲ କହିଛନ୍ତି କି, ସେ ବିଜେପିର ଏହି ପ୍ରସ୍ତାବକୁ ମନା କରିଦେଇଛନ୍ତି ଏବଂ ସେ କେବେ ବି ବିଜେପିରେ ସାମିଲ ହେବେ ନାହିଁ । ସେ କୌଣସି ଭୂଲ କାମ କରି ନାହାନ୍ତି ଏବଂ ସେ କୌଣସି ଚାପରେ ନଇଁବେ ନାହିଁ । 

କେଜ୍ରିଓ୍ବାଲ ଏହା ବି କହିଛନ୍ତି ବିଜେପି ତାଙ୍କୁ ଏବଂ ତାଙ୍କ ମନ୍ତ୍ରୀଙ୍କ ବିରୁଦ୍ଧରେ ମିଛ ଅଭିଯୋଗ ଲଗାଉଛି । ଦିଲ୍ଲୀର ଉପମୁଖ୍ୟମନ୍ତ୍ରୀ ମନୀଷ ସିସୋଦିୟାଙ୍କୁ ମିଥ୍ୟା ଅଭିଯୋଗରେ ଜେଲ୍ ପଠାଇଦିଆଯାଇଛି । ବିଜେପି ଦେଶରେ ଲୋକତନ୍ତ୍ରକୁ ଶେଷ କରିବାକୁ ପ୍ରୟାସ କରୁଛି । ବିଜେପି ବିପକ୍ଷ ଦଳକୁ ଚପାଇବାକୁ ଏବଂ ତାଙ୍କୁ ସ୍ବରକୁ ବନ୍ଦ କରିବା ଲାଗି ପ୍ରୟାସ କରୁଛି ।