ମୁମ୍ବାଇ, ୦୬/୦୯: କ୍ରିକେଟ୍ ପ୍ରେମୀଙ୍କ ପାଇଁ ଖୁସି ଖବର । ଆଗାମୀ ବିଶ୍ୱକପ୍ ପାଇଁ ବିସିସିଆଇ ୪ ଲକ୍ଷ ଟିକେଟ୍ ବିକ୍ରି କରିବ । ଆପଣ ଚାହିଁଲେ ଅନଲାଇନରେ ଟିକେଟ୍ ବୁକ୍ କରି ପାରିବେ । ଏନେଇ ବିସିସିଆଇ ସୂଚନା ଦେବା ସହ ଟିକେଟ୍ ଚାହିଦା ଥିବା ଦର୍ଶାଇଛି ।

ପାକିସ୍ତାନର ବ୍ୟାଟିଂ ବେଳେ ବନ୍ଦ ହୋଇଗଲା ଫ୍ଲଡଲାଇଟ୍, ପ୍ରାୟ ଅଧଘଣ୍ଟା ବନ୍ଦ ରହିଲା ଖେଳ

ବିସିସିଆଇ କହିଛି, ଚାହିଦାକୁ ଦେଖି ଟିକେଟ୍ ସଂଖ୍ୟା ବଢ଼ାଇବା ଲାଗି ନିଷ୍ପତ୍ତି ନିଆଯାଇଛି । ଆଗାମୀ ପର୍ଯ୍ୟାୟରେ ପ୍ରାୟ ୪ ଲକ୍ଷ ଟିକେଟ୍ ବିକ୍ରି କରାଯିବ । ଏଥିପାଇଁ ସେପ୍ଟେମ୍ବର ୮ ତାରିଖରୁ ଆରମ୍ଭ ହେବ ଅନଲାଇନ୍ ଟିକେଟ୍ ବୁକିଂ ।

🚨 NEWS 🚨

BCCI set to release 400,000 tickets in the next phase of ticket sales for ICC Men's Cricket World Cup 2023. #CWC23

More Details 🔽https://t.co/lP0UUrRtMz pic.twitter.com/tWjrgJU51d

— BCCI (@BCCI) September 6, 2023

https://tickets.cricketworldcup.com ୱେବସାଇଟକୁ ଯାଇ କ୍ରିକେଟ ପ୍ରେମୀ ଟିକେଟ୍ ବୁକ୍ କରି ପାରିବେ । ସେପ୍ଟେମ୍ବର ୮ ରାତି ୮ଟାରୁ ଆରମ୍ଭ ହେବ ଟିକେଟ୍ ବୁକିଂ । ଏହା ହେବ ଦ୍ୱିତୀୟ ପର୍ଯ୍ୟାୟ ଟିକେଟ୍ ବୁକିଂ । ତୃତୀୟ ପର୍ଯ୍ୟାୟ ବୁକିଂ ହେଲେ ବିସିସିଆଇ ଆଗୁଆ ସୂଚନା ଦେବ । 

ଏସିଆ କପ୍-୨୦୨୩: ସୁପର-୪ର ପ୍ରଥମ ମ୍ୟାଚ୍ ଜିତିଲା ପାକିସ୍ତାନ

ସୂଚନାଯୋଗ୍ୟ ଅକ୍ଟୋବର ୫ ତାରିଖରୁ ଆରମ୍ଭ ହେବ ଆଇସିସି ପୁରୁଷ କ୍ରିକେଟ ବିଶ୍ୱକପ୍ । ଭାରତୀୟ କ୍ରିକେଟ୍ ଦଳ ଅଷ୍ଟ୍ରେଲିଆ ବିପକ୍ଷ ମ୍ୟାଚରୁ ବିଶ୍ୱକପ୍ ଅଭିଯାନ ଆରମ୍ଭ କରିବ । ଅକ୍ଟୋବର ୮ରେ ଚେନ୍ନାଇରେ ଅଷ୍ଟ୍ରେଲିଆକୁ ଭେଟିବ ଭାରତ । ଅହମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ନଭେମ୍ବର ୧୯ରେ ଖେଳାଯିବ ବିଶ୍ୱକପର ଫାଇନାଲ୍ ମ୍ୟାଚ୍ ।