ନୂଆଦିଲ୍ଲୀ, ୧୧/୦୯: ଜାତୀୟ ନିଯୁକ୍ତି ସଂସ୍ଥା (NRA) ଆସନ୍ତା ବର୍ଷରୁ କେନ୍ଦ୍ରର ଗ୍ରୁପ୍ ବି ଓ ସି ପଦ ଲାଗି କମନ୍ ଏଲିଜିବିଲିଟି ଟେଷ୍ଟ (CET) ପରୀକ୍ଷା ଆରମ୍ଭ କରିବ । ପ୍ରାରମ୍ଭରେ ମେ-ଜୁନରେ ସ୍ନାତକ ସ୍ତରର କମନ୍ ଏଲିଜିବିଲିଟି ଟେଷ୍ଟ ହୋଇପାରେ । ଏହି ପରୀକ୍ଷା ଦେଶର ୧୧୭ ଜିଲ୍ଲାର ଏକ ହଜାରରୁ ଅଧିକ ପରୀକ୍ଷା କେନ୍ଦ୍ରରେ ହେବ । ଏଥିରେ ସବୁ ଜିଲ୍ଲାର ମୁଖ୍ୟାଳୟକୁ ସାମିଲ୍ କରାଯିବ ।
ସିଇଟି ସ୍କୋର୍ ଆଧାରରେ କେନ୍ଦ୍ର, ରାଜ୍ୟ ସରକାର, ପିଏସୟୁ ଏବଂ ଘରୋଇ ସଂସ୍ଥା ନିଯୁକ୍ତି ପ୍ରଦାନ କରି ପାରିବେ । ସିଇଟି ସ୍କୋର୍ ୩ ବର୍ଷ ଲାଗି ବୈଧ ରହିବ । ଗୋଟିଏ ବର୍ଷରେ ୨ ଥର ଆୟୋଜିତ ହେବ କମନ୍ ଏଲିଜିବିଲିଟି ଟେଷ୍ଟ ।
ଆସନ୍ତା ୧୦ ଦିନରେ ରାଜ୍ୟରେ ଦୁଇଟି ଲଘୁଚାପ ସମ୍ଭାବନା, ୧୨ରୁ ବଢ଼ିବ ବର୍ଷା
ଏହି ପରୀକ୍ଷା ଏବେ ଯାଏ ସର୍ଭିସ୍ ସିଲେକ୍ସନ୍ କମିଶନ, ରେଲୱେ ରିକ୍ୟୁଟମେଣ୍ଟ ବୋର୍ଡ ଓ ଇନଷ୍ଟିଚ୍ୟୁଟ୍ ଅଫ୍ ବ୍ୟାଙ୍କିଂ ପର୍ସନାଲ୍ ସିଲେକ୍ସନ ଭଳି ଅଲଗା ଅଲଗା ଏଜେନ୍ସି ମାଧ୍ୟମରେ କରାଯାଉଥିଲା । ଏନ୍ଆରଏ ସୂତ୍ର ଅନୁସାରେ, ସିଇଟିର ସିଲାବସ୍, ପରୀକ୍ଷା ଫି ଆଦି ସ୍ଥିର ଲାଗି ବିଶେଷଜ୍ଞ ପରାମର୍ଶ କମିଟି ରିପୋର୍ଟ ଦେଇ ସାରିଛି ।
ପରୀକ୍ଷା ଲାଗି ଡିଜିଟାଲ୍ ପରୀକ୍ଷଣ କାମ ଶେଷ ପର୍ଯ୍ୟାୟରେ ପହଞ୍ଚିଛି । ରେଲୱେ ବୋର୍ଡ, ବ୍ୟାଙ୍କିଂ ସଂସ୍ଥା ଓ ସେବା ଚୟନ ଆୟୋଗ ଏନେଇ ଆଲୋଚନା କରୁଛନ୍ତି । ଗତମାସରେ ସଂସଦର ସ୍ଥାୟୀ ସମିତିର ରିପୋର୍ଟ ଏହାକୁ ନେଇ ଚର୍ଚ୍ଚା ଆରମ୍ଭ କରିଥିଲେ ।
ଜି-୨୦ ସମ୍ମିଳନୀର ସଫଳତା ପାଇଁ ମୋଦିଙ୍କୁ ପ୍ରଶଂସା କଲେ ଶାହାରୁଖ, ଟ୍ୱିଟ୍ କରି ଲେଖିଲେ ଏମିତି କିଛି
ଏନ୍ଆରଏର ବରିଷ୍ଠ ଅଧିକାରୀଙ୍କ ଅନୁସାରେ, ଏବେ ଭିନ୍ନ ଭିନ୍ନ ଏଜେନ୍ସି ୫୦ରୁ ଅଧିକ ପରୀକ୍ଷା ଆୟୋଜିତ କରୁଛନ୍ତି । ବିଜ୍ଞପ୍ତିରୁ ନେଇ ଚୟନ ପ୍ରକ୍ରିୟା ପାଇଁ ୧୨ରୁ ୧୮ ମାସ ସମୟ ଲାଗୁଛି । ଗୋଟିଏ କମନ୍ ଟେଷ୍ଟ କରାଗଲେ ଏହି ସମୟ କମିଯିବ ।
