ନୂଆଦିଲ୍ଲୀ : ଭାରତ ସରକାର କତାରର ଜେଲ୍ରେ ବନ୍ଦୀ ଥିବା ୮ଜଣ ପୂର୍ବତନ ନେଭି ଅଫିସରଙ୍କୁ ମୁକ୍ତ କରାଇ ଦେଇଛନ୍ତି। ଏଥିରୁ ୭ଜଣ ଅଫିସର ଭାରତ ଫେରି ଆସିଛନ୍ତି। ଗତ ବର୍ଷ ଡିସେମ୍ୱରରେ କତାରର କୋର୍ଟ ଅଲ୍ ଦାହରା ଗ୍ଲୋବାଲ କେସ୍ରେ ଏହି ଅଫିସରଙ୍କୁ ମୃତଦଣ୍ଡର ସଜା ଶୁଣାଇ ଥିଲେ। ଯାହା ପରେ ଆଜୀବନ କାରାଦଣ୍ଡକୁ ବଦଳାଇ ଦିଆ ଯାଇଥିଲା। ଏହି ଅଫିସରମାନେ ଗୁଇନ୍ଦାଗିରି ଅଭିଯୋଗରେ ସଜାର ସାମନା କରୁଥିଲେ।
ଅଫିସରଙ୍କ ପୁଣି ଭାରତ ଫେରିବାରେ ବିଜେପି ନେତା ସୁବ୍ରମଣ୍ୟମ ସ୍ୱାମୀ କହିଛନ୍ତି କି, ଏହି ମୁକ୍ତିରେ ବଲିଉଡ ଅଭିନେତା ଶାହରୁଖ ଖାନଙ୍କ ହାତ ଅଛି। ଏବେ ଶାହରୁଖ ଖାନଙ୍କ ଟିମ୍ ସୋସିଆଲ ମିଡ଼ିଆରେ ପୋଷ୍ଟ ସେୟାର କରି ଏହା ସ୍ପଷ୍ଟ କରି ଦେଇଛନ୍ତି କି, ନେଭି ଅଫିସରଙ୍କ ମୁକ୍ତିରେ ଅଭିନେତା ଶାହରୁଖ ଖାନ୍ଙ୍କର କୌଣସି କନେକ୍ସନ ନାହିଁ। ପୂରା ଦେଶ ପରି ସେ ନିଜେ ଅଫିସରଙ୍କ ଭାରତକୁ ଫେରିବା ନେଇ ଖୁବ୍ ଖୁସି।
Modi should take Cinema star Sharuk Khan to Qatar with him since after MEA and NSA had failed to persuade the Shiekhs of Qatar, Modi pleaded with Khan to intervene , and thus got an expensive settlement from the Qatar Shiekhs to free our Naval officers.
— Subramanian Swamy (@Swamy39) February 13, 2024
ଶାହରୁଖ ଖାନଙ୍କ ଟିମ୍ ଇନଷ୍ଟାଗ୍ରାମ୍ରେ ନିଜର ବୟାନ ସେୟାର କରିଛନ୍ତି। ଏଥିରେ କୁହାଯାଇଛି କି, କତାରରୁ ନେଭି ଅଫିସରଙ୍କ ମୁକ୍ତି ହେବାରେ ଶାହରୁଖ ଖାନଙ୍କ ହାତ ଥିବା କୁହାଯାଉଛି। ଆମେ ସ୍ପଷ୍ଟ କରିବାକୁ ଚାହୁଁ କି ଏଥିରେ ତାଙ୍କର କୌଣସି ହାତ ନାହିଁ। ଏହି ମୁକ୍ତି କେବଳ ଭାରତୀୟ ସରକାରଙ୍କ କାରଣରୁ ହୋଇଛି। ଏଥରେ ମିଷ୍ଟର ଖାନଙ୍କ କୌଣସି ସଂପର୍କ ନାହିଁ।
ଏହାସହ ଆମେ ଏହା ବି କହିବାକୁ ଚାହୁଁଛୁ କି ଡିପ୍ଲୋମସି ଓ ଶାସନ କଳା ଆମ ଦେଶର ଲିଡର୍ସଙ୍କୁ ଭଲ ଭାବେ ଆସେ। ମିଷ୍ଟର ଖାନ୍ , ଅନ୍ୟ ଭାରତୀୟଙ୍କ ପରି ନେଭି ଅଫିସରଙ୍କ ସୁରକ୍ଷିତ ଫେରିବା ନେଇ ଖୁସି ଅଛନ୍ତି ଏବଂ ତାଙ୍କୁ ଶୁଭକାମନା ଦେଇଛନ୍ତି।
ଉକ୍ତ ପୋଷ୍ଟକୁ ଶାହରୁଖ ଖାନଙ୍କ ମ୍ୟାନେଜର ପୂଜା ଦଦଲାନି ନିଜର ଅଫିସିଆଲି ଇନଷ୍ଟାଗ୍ରାମ୍ ହ୍ୟାଣ୍ଡେଲରୁ ସେୟାର କରିଛନ୍ତି।
