ଚଣ୍ଡିଗଡ଼ : ଡେରା ସଚ୍ଚା ସୌଦା ପ୍ରମୁଖ ଗୁରମିତ ରାମ ରହିମ ସିଂହ ପୁଣି ଥରେ ଜେଲ୍ରୁ ବାହାରିବେ। ଏହି ଥର ତାଙ୍କୁ ୨୧ ଦିନିଆ ପାରୋଲ ମିଳିଛି। ସୂଚନା ଯେ,୨ ସାଧ୍ୱୀଙ୍କୁ ଦୁଷ୍କର୍ମ ଅଭିଯୋଗରେ ଗୁରମିତ ସଜା କାଟୁଛନ୍ତି। ଏହା ପୂର୍ବରୁ ଚଳିତ ବର୍ଷ ଜାନୁୟାରୀରେ ଡେରା ମୁଖ୍ୟଙ୍କୁ ୪୦ ଦିନିଆ ପାରୋଲ ମିଳିଥିଲା। ଗତ ବର୍ଷ ଅକ୍ଟୋବରରେ ମଧ୍ୟ ସେ ୪୦ ଦିନ ପାଇଁ ଜେଲ୍ ବାହାରକୁ ଆସିଥିଲେ। ହେଲେ ଏହି ଥର ସେ ପାରୋଲରେ ବାହାରକୁ ଆସୁଛନ୍ତି। କିଛି ଦିନ ପୂର୍ବେ ଏହି ଖବର ସାମନାକୁ ଆସିଥିଲା କି, ରାମ ରହିମ୍ ପୁଣି ଜେଲ୍ରୁ ବାହାରକୁ ଆସି ପାରନ୍ତି।
କହି ରଖୁଛି କି, ପାରୋଲର ଅର୍ଥ କୌଣସି କଏଦୀକୁ ସ୍ୱତନ୍ତ୍ର ଉଦ୍ଦେଶ୍ୟ ପାଇଁ ଅସ୍ଥାୟୀ ଭାବେ ବା ସଜାର ଶେଷ ପୂର୍ବରୁ ଭଲ ବ୍ୟବହାର ପ୍ରଦର୍ଶନ ପରେ ମୁକ୍ତ କରିବା। ପାରୋଲରେ କୌଣସି ଦୋଷୀକୁ ଜେଲ୍ରୁ ଅସ୍ଥାୟୀ ଭାବେ ମୁକ୍ତ କରାଯାଇ ଥାଏ।
ଗୁରମିତ ରାମ ରହିମ୍ ଏହି ୨୧ ଦିନର ପାରୋଲ ବେଳେ ଉତ୍ତର ପ୍ରଦେଶର ବାଗପତରେ ଏକ ଆଶ୍ରମରେ ରହିବେ। ଜାନୁୟାରୀରେ ରାମ ରହିମଙ୍କୁ ୪୦ ଦିନିଆ ପାରୋଲ ମିଳିବା ନେଇ ବିବାଦ ସୃଷ୍ଟି ହୋଇଥିଲା। ଏହାକୁ ନେଇ ହରିଆଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର କହିଥିଲେ କି , ପ୍ରକ୍ରିୟା ଗୁଡ଼ିକୁ ପାଳନ କରି ପାରୋଲ ପାଇବା ଡେରା ସଚ୍ଚା ସୌଦା ମୁଖ୍ୟଙ୍କ ଅଧିକାର।
ଉଲ୍ଲେଖନୀୟ ଯେ, ଜାନୁୟାରୀରେ ମିଳିଥିବା ଏହି ପାରୋଲ ବେଳେ ରାମ ରହିମଙ୍କର ଏକ ଭିଡ଼ିଓ ସାମନାକୁ ଆସିଥିଲା , ଯାହାକୁ ନେଇ ଖୁବ୍ ହଙ୍ଗାମା ସୃଷ୍ଟି ହୋଇଥିଲା। ଡେରା ପ୍ରମୁଖ ସିରସା ମୁଖ୍ୟାଳୟର ସଂପ୍ରଦାୟ ମୁଖ୍ୟ ଅନେକ ଅନଲାଇନ୍ ସତସଙ୍ଗ ଆୟୋଜିତ କରିଥିଲେ। ଏହାକୁ ନେଇ ମଧ୍ୟ ସୋସିଆଲ ମିଡ଼ିଆ ୟୁଜର ପ୍ରଶ୍ନ କରିଥିଲେ। ଲୋକଙ୍କ କହିବା ଥିଲା କି, ଯେଉଁ ବ୍ୟକ୍ତିଙ୍କୁ ଦୁଷ୍କର୍ମ ଭଳି ମାମଲାରେ ଦୋଷୀ ସାବ୍ୟସ୍ତ କରାଯାଇ ଥାଏ , ସେ ବାହାରକୁ ଆସି ସତସଙ୍ଗ କେମିତି କରି ପାରିବେ।
