ଭୁବନେଶ୍ୱର,୦୧/୦୨: ରାଜ୍ୟ ସରକାର ଆଇପିଏସ୍ ସ୍ତରରେ ଏକ ଛୋଟ ଅଦଳ ବଦଳ କରିଛନ୍ତି । ବରିଷ୍ଠ ଆଇପିଏସ୍ ତଥା ଅତିରିକ୍ତ ପୁଲିସ ମହାନିର୍ଦ୍ଦେଶକ (ଏଡିଜିପି) ଦୟାଲ ଗଙ୍ଗୱାର ଏଡିଜିପି (ପୁଲିସ ଆଧୁନିକରଣ) ହୋଇଛନ୍ତି । ୧୯୯୮ ବ୍ୟାଚ୍ର ଦୟାଲ ରେଳବାଇ ଓ ତଟବର୍ତ୍ତୀ ସୁରକ୍ଷା ଦାୟିତ୍ୱରେ ଥିଲେ । ସେହି ବ୍ୟାଚ୍ ଆଇପିଏସ୍ ତଥା ଏଡିଜିପି (ପୁଲିସ ଆଧୁନିକରଣ) ରାଜେଶ କୁମାରଙ୍କୁଏଡିଜିପି ରେଳବାଇ ଓ ତଟବର୍ତ୍ତୀ ସୁରକ୍ଷାର ଦାୟିତ୍ୱ ମିଳିଛି ।
ତା’ ସହ ସେ ରାଜ୍ୟ ଅପରାଧ ବିଧି ବିଜ୍ଞାନଗାର(ଏସ୍ଏଫ୍ଏସ୍ଏଲ୍) ର ନିର୍ଦ୍ଦେଶକ ଭାବେ ଅତିରିକ୍ତ ଦାୟିତ୍ୱ ତୁଲାଇବେ । ୨୦୦୭ ବ୍ୟାଚ୍ ଆଇପିଏସ୍ ତଥା ଡିଆଇଜି (ଏସ୍ଏପି) ଅବିନାଶ କୁମାର କମିଶନରେଟ୍ ପୁଲିସର ଅତିରିକ୍ତ ପୁଲିସ କମିଶନର (ସିପି)ର ଦାୟିତ୍ୱ ମିଳିଛି । ଅତିରିକ୍ତ ପୁଲିସ କମିଶନର (ସିପି) ଥିବା ଡିଆଇଜି ବ୍ରିଜେଶ କୁମାର ରାୟଙ୍କୁ ମାତ୍ର ୩ ମାସରେ ବଦଳି କରାଯାଇଛି । ୨୦୦୯ ବ୍ୟାଚ୍ର ଏହି ଆଇପିଏସ୍ଙ୍କୁ ଡିଆଇଜି (ସୁରକ୍ଷା ଶାଖା) ଦାୟିତ୍ୱ ମିଳିଛି।
Also Read :-
