ନୂଆଦିଲ୍ଲୀ, ୧୦/୧୧: ଇଣ୍ଡିଆର ଟପ୍ ଏୟାରଲାଇନ୍ ଇଣ୍ଡିଗୋର ପରିଚାଳନା କରୁଥିବା ଇଣ୍ଟରଗ୍ଲୋବ୍ ଏଣ୍ଟରପ୍ରାଇଜେସ୍ ଏବଂ ଆମେରିକାର ଆର୍ଚର ଆଭିଏସନ୍ ଭାରତରେ ଆରମ୍ଭ କରିବ ଇ-ଟ୍ୟାକ୍ସି । ୨୦୨୬ ସୁଦ୍ଧା ଭାରତରେ ଇଲେକ୍ଟ୍ରିକ୍ ଏୟାର ଟ୍ୟାକ୍ସି ଆରମ୍ଭ ହୋଇପାରେ । ଯାହାକି ଅନ୍-ରୋଡ୍ ସର୍ଭିସ୍ ଖର୍ଚ୍ଚ ସହ ପ୍ରାୟ ସମାନ ରହିବ ବୋଲି କହିଛି କମ୍ପାନୀ ।

ଏବେ କମ୍ପାନୀର ଇ-ଏୟାର ଟ୍ୟାକ୍ସିକୁ ସମସ୍ତ କ୍ଲିୟରାନ୍ସ ମିଳିନାହିଁ । କମ୍ପାନୀର ଲକ୍ଷ୍ୟ ହେଉଛି ଜନସଂଖ୍ୟା ଦୃଷ୍ଟିରୁ ବିଶ୍ୱର ସର୍ବବୃହତ ଦେଶ ଭାରତର ସଡ଼କରେ ଟ୍ରାଫିକ୍ କମ୍ କରିବା । ଏବଂ ମେଟ୍ରୋ ସିଟି ଗୁଡ଼ିକରେ ଯାନବାହାନ ପ୍ରଦୂଷଣ କମାଇବା ।

ବିଦ୍ୟୁତ୍ ଆଘାତରେ ଗଲା ୪ ଜୀବନ, ଜଣେ ଅନ୍ୟ ଜଣଙ୍କୁ ବଞ୍ଚାଇବାକୁ ଯାଇ ବାପାମାଆଙ୍କ ସହ ଆଖି ବୁଜିଲେ ଭାଇଭଉଣୀ

ଇଲେକ୍ଟ୍ରିକ୍ ଭର୍ଟିକାଲ୍ ଟେକ୍ଅଫ୍ ଆଣ୍ଡ ଲ୍ୟାଣ୍ଡିଂ (eVTOL)ର ନିର୍ମାଣ କରିଛି ଆମେରିକାର ଆର୍ଚର ଆଭିଏସନ୍ । ଯାହାକି ଭବିଷ୍ୟତରେ ପରିବହନ କ୍ଷେତ୍ରରେ ଗୁରୁତ୍ୱପୂର୍ଣ୍ଣ ଭୂମିକା ବହନ କରିବ । ଏହି ଇ-ଏୟାରକ୍ରାଫ୍ଟକ ଏକ ସମୟରେ ପାଇଲଟଙ୍କ ସହ ୪ ଜଣଙ୍କୁ ନେଇ ୧୦୦ ମାଇଲ୍ (ପ୍ରାୟ ୧୬୧ କିଲୋମିଟର) ପର୍ଯ୍ୟନ୍ତ ଉଡ଼ାଣ କରି ପାରିବ ।

କମ୍ପାନୀ ଲକ୍ଷ୍ୟ ରଖିଛି ପ୍ରାୟ ୨୦୦ଟି ଏୟାରକ୍ରାଫ୍ଟକୁ ନେଇ ଭାରତରେ ସେବା ଆରମ୍ଭ କରିବ । ରାଷ୍ଟ୍ରୀୟ ରାଜଧାନୀ ଦିଲ୍ଲୀ, ଦେଶର ଆର୍ଥିକ ରାଜଧାନୀ ମୁମ୍ବାଇ ସହ ସିଲିକନ୍ ଭ୍ୟାଲି ବେଙ୍ଗଲୁରୁରେ କମ୍ପାନୀ ସେବା ଯୋଗାଇବାକୁ ପ୍ରସ୍ତୁତ ହେଉଛି । କମ୍ପାନୀ ଅନୁସାରେ, କାରରେ ଯେଉଁ ଯାତ୍ରା ପାଇଁ ଦିଲ୍ଲୀରେ ୬୦ରୁ ୯୦ ମିନିଟ୍ ସମୟ ଲାଗେ ଏୟାର ଟ୍ୟାକ୍ସି ଏହାକୁ ୭ ମିନିଟରେ ପୂରା କରିବ ।

ରାଜସ୍ଥାନ କଂଗ୍ରେସକୁ ଝଟକା, ନାମାଙ୍କନ ପ୍ରତ୍ୟାହାର କରି ବିଜେପିରେ ସାମିଲ୍ ହେଲେ ମୁଖ୍ୟମନ୍ତ୍ରୀ ଗେହଲଟଙ୍କ ଘନିଷ୍ଠ

ଇଣ୍ଡିଗୋର ପ୍ୟାରେଣ୍ଟ କମ୍ପାନୀ ଇଣ୍ଟରଗ୍ଲୋବ୍ ଏଣ୍ଟରପ୍ରାଇଜେସ୍ ଇ-ଏୟାରକ୍ରାଫ୍ଟର ବ୍ୟବହାର କାର୍ଗୋ, ଲଜିଷ୍ଟିକ୍, ମେଡିକାଲ, ଜରୁରୀକାଳୀନ ସେବା ଏବଂ ଚାର୍ଟର ସର୍ଭିସ୍ ଲାଗି କରିବାକୁ ଯୋଜନା କରିଛି ।