ରାୟପୁର,୦୧/୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟି -୨୦ ସିରିଜର ଚତୁର୍ଥ ମ୍ୟାଚ୍ରେ ଭାରତୀୟ ଦଳ ପ୍ରଥମେ ବ୍ୟାଟିଂ କରି ୯ ୱିକେଟ୍ ହରାଇ ୧୭୪ ରନ୍ ହାସଲ କରିଛି। ଓପନିଂ ଯୋଡ଼ି ଟିମ୍ ଇଣ୍ଡିଆକୁ ଭଲ ଆରମ୍ଭ ଦେଇଥିଲେ ସୁଦ୍ଧା ପରେ ଲଗାତାର ୱିକେଟ୍ ଯିବା ଯୋଗୁ ଦଳୀୟ ସ୍କୋର ମାନ୍ଦା ପଡ଼ିଥିଲା। ପରେ ରିଙ୍କୁ ସିଂ ଏବଂ ଜିତେଶ ଶର୍ମା ଇନିଂସ ସମ୍ଭାଳିଥିଲେ।
ରାୟପୁରର ସହିଦ ବୀର ନାରାୟଣ ସିଂ ଆନ୍ତର୍ଜାତୀୟ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ଅଷ୍ଟ୍ରେଲୀୟ ଅଧିନାୟକ ମାଥ୍ୟୁ ୱେଡ ଟସ୍ ଜିତି ପ୍ରଥମେ ବୋଲିଂ ନିଷ୍ପତ୍ତି ନେଇଥିଲେ। ଭାରତୀୟ ଓପନର୍ ଯଶସ୍ବୀ ଜୟସୱାଲ ଏବଂ ରୁତୁରାଜ ଗାଇକୱାଡ ଭଲ ଆରମ୍ଭ କରି ପ୍ରଥମ ୱିକେଟ୍ ସୁଦ୍ଧା ୬ ଓଭରରେ ୫୦ ରନ୍ ଯୋଡ଼ିଥିଲେ। ଯଶସ୍ବୀ ଜୟସଓ୍ବାଲ (୩୭), ଋତୁରାଜ ଗାଏକଓ୍ବାଡ଼(୩୨), ରିଙ୍କୁ ସିଂ (୪୬) ଏବଂ ଜିତେଶ ଶର୍ମା (୩୫) ରନ୍ କରିଛନ୍ତି। ଅନ୍ୟ କୌଣସି ଖେଳାଳୀ ୧୦ ରନ୍ ବି ଛୁଇଁପାରି ନାହାନ୍ତିି।
