ନୂଆଦିଲ୍ଲୀ,୦୭/୧୨:  ଅଷ୍ଟ୍ରେଲିଆ ବିପକ୍ଷରେ ଘରୋଇ ଟି-ଟ୍ୱେଣ୍ଟି ସିରିଜ୍‌ ଜିତିବା ପରେ ଭାରତୀୟ ଦଳ ଦକ୍ଷିଣ ଆଫ୍ରିକା ଗସ୍ତରେ ବାହାରି ଯାଇଛି । ଏହି ଗସ୍ତରେ ଦଳ ୩ଟି ଟି-ଟ୍ୱେଣ୍ଟି, ୩ଟି ଦିନିକିଆ ଏବଂ ୨ଟି ଟେଷ୍ଟ  ମ୍ୟାଚ୍‌ ଖେଳିବାର ସୂଚୀ ରହିଛି । 

ବୁଧବାର ଡର୍ବାନରେ ଭାରତୀୟ ଦଳ ପହଞ୍ଚିବା  ପରେ ଯୁବ ତାରକା ଯଶସ୍ୱୀ ଜୈସ୍ୱାଲ ସାଥି  ଋତୁରାଜ ଗାଏକୱାଡଙ୍କ ସହ ସେଲ୍‌ଫି  ନେଇ ସୋସିଆଲ ମିଡିଆରେ ଫଟୋ  ସେୟାର କରିଥିଲେ । ଘରୋଇ ଦକ୍ଷିଣ ଆଫ୍ରିକା ବିପକ୍ଷରେ  ଟି-ଟ୍ୱେଣ୍ଟି ସିରିଜ୍‌ରୁ ଭାରତ ଅଭିଯାନ  ଆରମ୍ଭ କରିବ । 

ପ୍ରଥମ ଟି-ଟ୍ୱେଣ୍ଟି ଆସନ୍ତା  ୧୦ ତାରିଖରେ ଡର୍ବାନରେ ଖେଳାଯିବ ।  ସୂର୍ଯ୍ୟକୁମାର ଯାଦବଙ୍କୁ ଦଳର ନେତୃତ୍ୱ ପ୍ରଦାନ  କରାଯାଇଛି। ତାଙ୍କ ନେତୃତ୍ୱରେ ଘରୋଇ ମାଟିରେ  ଦଳ ଅଷ୍ଟ୍ରେଲିଆକୁ ପରାଜିତ କରିଥିଲା । ଆସନ୍ତା  ୧୨ ତାରିଖରେ ଦ୍ୱିତୀୟ ଏବଂ ୧୪ ତାରିଖରେ  ତୃତୀୟ ଟି-ଟ୍ୱେଣ୍ଟି ଶେଷ ହେବା ପରେ ୧୭ ତାରିଖରୁ  ଦିନିକିଆ ସିରିଜ୍‌ ଆରମ୍ଭ ହେବ ।