କୋଝିକୋଡ – କେରଳର କୋଝିକୋଡ ଜିଲ୍ଲାରେ ନିପା ଭାଇରସରେ ୨ଜଣ ଲୋକଙ୍କ ମୃତ୍ୟୁ ହୋଇଛି। କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରୀ ମନସୁଖ ମଣ୍ଡାଭିୟା ମଙ୍ଗଳବାର ( ୧୨ ସେପ୍ଟେମ୍ୱର)ରେ ଏହା ସ୍ପଷ୍ଟ କରିଛନ୍ତି। ନ୍ୟୁଜ ଏଜେନ୍ସି ପିଟିଆଇର ରିପୋର୍ଟ ଅନୁସାରେ , ପ୍ରଥମ ମୃତ୍ୟୁ ୩୦ ଅଗଷ୍ଟରେ ଓ ଦ୍ୱିତୀୟ ମୃତ୍ୟୁ ସୋମବାର ( ୧୧ ସେପ୍ଟେମ୍ୱର)ରେ ହୋଇଛି । ସ୍ୱାସ୍ଥ୍ୟ ମନ୍ତ୍ରୀ ମଣ୍ଡାଭିୟା କହିଛନ୍ତି କି ସ୍ଥିତି ବିଷୟରେ ଜାଣିବା ଓ ନିପା ଭାଇରସ ମ୍ୟାନେଜମେଣ୍ଟରେ ରାଜ୍ୟ ସରକାରଙ୍କ ସାହାଯ୍ୟ ପାଇଁ ଏକ କେନ୍ଦ୍ରୀୟ ଟିମ୍ କେରଳ ପଠାଯାଇଛି।
ରାଜ୍ୟ ସରକାର କୋଝିକୋଡ ଜିଲ୍ଲାରେ ୨ଜଣ ଲୋକଙ୍କ ଅପ୍ରାକୃତିକ ମୃତ୍ୟୁ ବିଷୟରେ ଜାଣିବା ପରେ ୫ ସାମ୍ପଲ ଯାଞ୍ଚ ପାଇଁ ପୁଣେ ସ୍ଥିତ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଭାୟରୋଲଜି ପଠାଇ ଥିଲେ। ଏହି ସାମ୍ପଲ ଏଥିପାଇଁ ପଠାଯାଇ ଥିଲା , ଏହାକି ଏହି କଥା ବିଷୟରେ ଜାଣିପାରିବା କି ନିପା ଭାଇରସରେ ସଂକ୍ରମିତ କି ନାହିଁ। ଏହି ୫ ଟି ମଧ୍ୟରୁ ଗୋଟିଏ ସାମ୍ପଲ ମୃତକଙ୍କର ଥିଲା । ଆଉ ୪ଟି ତାଙ୍କ ସଂପର୍କୀୟଙ୍କର। ଏହା ବ୍ୟତୀତ ରାଜ୍ୟ ସ୍ୱାସ୍ଥ୍ୟ ବିଭାଗ ଏହି ୨ ଜଣ ଲୋକଙ୍କ ମୃତ୍ୟୁ ପରେ ସୋମବାର ( ୧୧ ସେପ୍ଟେମ୍ୱର)ର ଆଲର୍ଟ ମଧ୍ୟ ଜାରି କରିଥିଲେ। 
କେରଳର କୋଝିକୋଡ ଜିଲ୍ଲାରେ ୨୦୧୮ ଓ ୨୦୨୧ ରେ ମଧ୍ୟ ନିପା ଭାଇରସରେ ମୃତ୍ୟୁ ମାମଲା ସାମନାକୁ ଆସିଥିଲା। ଦକ୍ଷିଣ ଭାରତରେ ନିପା ଭାଇରସର ପ୍ରଥମ ମାମଲା ୧୯ମେ ୨୦୧୮ରେ କୋଝିକୋଡରେ ସାମନାକୁ ଆସିଥିଲା।
