ପ୍ରମୂଖ ଖବର
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ପାକିସ୍ତାନକୁ ମିଳିଲେ ନୂଆ ପ୍ରଧାନ ବିଚାରପତି, ଜଷ୍ଟିସ୍‌ ଇସାଙ୍କ ସାମ୍ନାରେ ଅନେକ ଆହ୍ବାନ

Image Courtesy: indiatoday

ଇସଲାମାବାଦ, ୧୭/୦୯: ପାକିସ୍ତାନ ସୁପ୍ରିମକୋର୍ଟର ନୂଆ ପ୍ରଧାନ ବିଚାରପତି ଭାବେ ଦାୟିତ୍ବ ଗ୍ରହଣ କଲେ ଜଷ୍ଟିସ୍‌ କ୍ବାଜି ଫୈଜ୍‌ ଇସା । ରବିବାର ୨୯ ତମ ସିଜେପି ଭାବେ କ୍ବାଜି ଫୈଜ୍‌ ଇସା ଦାୟିତ୍ବ ଗ୍ରହଣ କରିଥିବା ଜଣାପଡ଼ିଛି । ସେ ୨୪ ଅକ୍ଟୋବର ୨୦୨୪ (୧୩ ମାସ) ପର୍ଯ୍ୟନ୍ତ ଦାୟିତ୍ବରେ ରହିବେ ।  ଇସଲାମାବାଦରେ ଆୟୋଜିତ ଏକ କାର୍ଯ୍ୟକ୍ରମରେ କ୍ବାଜି ଫୈଜ୍‌ ଇଶାଙ୍କୁ ସୁପ୍ରମକୋର୍ଟ ପ୍ରଧାନ ବିଚାରପତି ଭାବେ ନିଯୁକ୍ତ କରାଇଛନ୍ତି ରାଷ୍ଟ୍ରପତି ଆରିଫ ଅଲଭି । ଏହି କାର୍ଯ୍ୟକ୍ରମରେ ଦେଶର କାମଚଳା ପ୍ରଧାନମନ୍ତ୍ରୀ ଅନଓ୍ବାରଉଳ୍‌ କାକର ଉପସ୍ଥିତ ଥିଲେ । 

ଏହା ବ୍ୟତୀତ ସେନା ମୁଖ୍ୟ ଅସୀମ ମୁନିର, ମନ୍ତ୍ରୀ ଏବଂ ଅନ୍ୟ ଅଧିକାରୀ ସେଠାରେ ଉପସ୍ଥିତ ଥିଲେ । ୬୩ ବର୍ଷୀୟ ଜଷ୍ଟିସ୍‌ କ୍ବାଜି ଫୈଜ୍‌ ଇସାଙ୍କ ଶପଥ ଗ୍ରହଣ ଉତ୍ସବରେ ତାଙ୍କ ପତ୍ନୀ ସରୀନାଙ୍କ ଉପସ୍ଥିତିକୁ ନେଇ ଚର୍ଚ୍ଚା ଲାଗିରହିଛି । ୨୦୧୯ରେ ବାଡ଼ି ଧରି ତଦନ୍ତ ଏଜେନ୍ସି ମୁଖ୍ୟାଳୟରେ ସରୀନା ପହଞ୍ଚିଥିଲେ । ତାଙ୍କ ନାଁରେ ଟ୍ୟାକ୍ସ ଠକେଇ ନେଇ ମାମଲା ରୁଜୁ ହୋଇଥିଲା । ଜଷ୍ଟିସ୍‌ ଇସା ନିଜର କାର୍ଯ୍ୟଶୈଳୀ ପାଇଁ ବେଶ ପରିଚିତ । ଅନେକ ଅପରାଧୀଙ୍କୁ ସେ ସାବାଡ କରିଛନ୍ତି । ହେଲେ ତାଙ୍କୁ ମଧ୍ୟ ଆଇନର ସାମ୍ନା କରିବାକୁ ପଡ଼ିଥିଲା । 

ଦୁର୍ନୀତି ନେଇ ତାଙ୍କ ବିରୁଦ୍ଧରେ ମାମଲା ରୁଜୁ ହୋଇଥିଲା । ହେଲେ ସୁପ୍ରିମକୋର୍ଟଙ୍କ ଦ୍ବାରା ତାଙ୍କ ବିରୁଦ୍ଧରେ ଆସିଥିବା ସମସ୍ତ ଅଭିଯୋଗକୁ ରଦ୍ଦ କରିଦିଆଯାଇଥିଲା । ପାକିସ୍ତାନରେ ଆର୍ଥିକ ଏବଂ ରାଜନୈତିକ ଅସ୍ଥିରତା ଲାଗିରହିଥିବା ବେଳେ ଜଷ୍ଟିସ୍‌ କ୍ବାଜି ଫୈଜ୍‌ ଇସାଙ୍କ ନିଯୁକ୍ତି ଚର୍ଚ୍ଚାର ପ୍ରସଙ୍ଗ ପାଲଟିଛି ।  ଅଗଷ୍ଟ ୯ରେ ନ୍ୟାସନାଲ ଆସେମ୍ବଲି ଭଙ୍ଗ ହୋଇଥିବା ବେଳେ ୯୦ ଦିନ ମଧ୍ୟରେ ସାଧାରଣ ନିର୍ବାଚନ କରାଇବା ତାଙ୍କ ପାଇଁ ଚ୍ୟାଲେଞ୍ଜ ହେବ । 

ସେପଟେ ପୂର୍ବତନ ପ୍ରଧାନ ବିଚାରପତି ଉମର ଆତା ବନ୍ଦିଆଲଙ୍କର ଇମ୍ରାନ ଖାନଙ୍କ ପ୍ରତି ନରମ ଭାବାମୂର୍ତ୍ତୀକୁ ନେଇ ଯେଉଁ ଅଭିଯୋଗ ହୋଇଛି ତାକୁ ସ୍ବଚ୍ଛ କରିବା ଜଷ୍ଟିସ୍‌ କ୍ବାଜି ଫୈଜ୍‌ ଇସାଙ୍କ ମୁଖ୍ୟ କାର୍ଯ୍ୟ ହେବ । ନଚେତ ଏହା ଶୀର୍ଷ ଅଦାଲତଙ୍କ ପାଇଁ ଅପମାନ ହେବ ବୋଲି ମତ ପ୍ରକାଶ ପାଇଛି । 

ସବୁଠୁ ବଡ଼ କଥା ହେଉଛି ପାକିସ୍ତାନ ସୁପ୍ରିମକୋର୍ଟରେ ୫୬ ହଜାରରୁ ଅଧିକ ମାମଲା ପଡ଼ିରହିଛି । ଏମିତି କିଛି ମାମଲା ଅଛି ଯେଉଁଗୁଡ଼ିକର ଥରେ ହେଲେ ବି ଶୁଣାଣି ହୋଇନାହିଁ । ଜଷ୍ଟିସ୍‌ କ୍ବାଜି ଫୈଜ୍‌ ଇସା ୨୬ ଅକ୍ଟୋବର ୧୯୫୯ରେ କ୍ବେଟାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା କ୍ବାଜି ମହମ୍ମଦ ଇସା ପାକିସ୍ତାନ ଗଠନ ଆନ୍ଦୋଳନରେ ମୁଖ୍ୟ ଭୂମିକା ନେଇଥିବା ବେଳେ ମହମ୍ମଦ ଅଲି ଜିନ୍ନାଙ୍କ ନିକଟତର ଥିଲେ । 

  • Pakistan
  • Supreme Court
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.