ଭୁବନେଶ୍ୱର,୧୦/୧୨: ଆଜି ନୂଆଦିଲ୍ଲୀରେ ଆରମ୍ଭ ହେବ ପ୍ରଥମ ଖେଲୋ ଇଣ୍ଡିଆ ପାରା କ୍ରୀଡ଼ା । ଏଥିରେ ଓଡ଼ିଶାରୁ ୧୫ଜଣିଆ ଦଳ ଭାଗ ନେବେ । ଓଡ଼ିଆ ପ୍ରତିଯୋଗୀମାନେ ୩ଟି କ୍ରୀଡ଼ା ଇଭେଣ୍ଟ ଯଥା ବ୍ୟାଡ଼ମିଣ୍ଟନ, ଆଥଲେଟିକ୍ସ ଏବଂ ଶକ୍ତିଉତ୍ତୋଳନରେ ପ୍ରତିଦ୍ୱନ୍ଦ୍ୱିତା କରିବେ। ପାରାଲିମ୍ପିକ୍ ଏବଂ ଏସୀୟ କ୍ରୀଡ଼ା ଚାମ୍ପିଅନ୍ ପ୍ରମୋଦ ଭଗତ, ଷ୍ଟାର୍ ଆଥଲେଟ୍ ଜୟନ୍ତୀ ବେହେରା, ସୁଚିତ୍ରା ପରିଡ଼ାଙ୍କ ସମେତ ବ୍ୟାଡ଼ମିଣ୍ଟନ ଖେଳାଳି ଦୀପ୍ ରଞ୍ଜନ ବିଶୋଇଙ୍କଠୁ ପଦକ ଆଶା କରାଯାଉଛି ।
ଓଡ଼ିଶା ଦଳର ନୂଆଦିଲ୍ଲୀ ଯାତ୍ରା ପୂର୍ବରୁ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗର ଯୁଗ୍ମ ସଚିବ ଶୈଳେନ୍ଦ୍ର କୁମାର ଜେନା ପାରା ଆଥଲେଟଙ୍କୁ ଭେଟିବା ସହ ଶୁଭକାମନା ଜଣାଇଥିଲେ । ଖେଲୋ ଇଣ୍ଡିଆ ପାରା କ୍ରୀଡ଼ାର ପ୍ରଥମ ସଂସ୍କରଣରେ ୩୨ଟି ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳ ସମେତ ସର୍ଭିସେସ ସ୍ପୋର୍ଟ୍ସ କଣ୍ଟ୍ରୋଲ୍ ବୋର୍ଡ଼ରୁ ମୋଟ ୧୪୦୦ଜଣ ପ୍ରତିଯୋଗୀ ୭ଟି କ୍ରୀଡ଼ା ଇଭେଣ୍ଟରେ ଭାଗ ନେବେ ।
ଓଡ଼ିଶା ଦଳ: ବ୍ୟାଡ଼ମିଣ୍ଟନ- ପ୍ରମୋଦ ଭଗତ, ଦୀପ୍ ରଞ୍ଜନ ବିଷୋଇ, ନୁରୁଲ ହୋସେନ ଖାନ୍, ଜି ଦିଲେଶ୍ୱର ରାଓ, ଶୁଭ୍ରଜିତ ମହାରଣା³ ଆଥଲେଟ୍ ଜୟନ୍ତୀ ବେହେରା, ଅର୍ଜୁନ ଭତ୍ରା, ଲାଲ ପ୍ରସାଦ ସୋରେନ, ମଙ୍ଗତ ହେମ୍ବ୍ରମ, ନିକ୍ଲାସ ପ୍ରଧାନ, ପଙ୍କଜ ଭୁଏ, ପ୍ରଫୁଲ୍ଲ କୁମାର ଖଣ୍ଡାୟତରାୟ, ସୁଚିତ୍ରା ପରିଡ଼ା³ ଶକ୍ତିଉତ୍ତୋଳନ- ଗଦାଧର ସାହୁ, ଚନ୍ଦନ କୁମାର ବେହେରା ।
