ଚାନ୍ଦିପୁର, ୬/୧୧ : ବାଲେଶ୍ୱର ଉପକୂଳସ୍ଥ ଚାନ୍ଦିପୁରଠାରେ ରବିବାର ମିଳିତ ହୋଇଥିଲେ ଏମପିସି ମହାବିଦ୍ୟାଳୟ ୧୯୮୫-୯୦ବର୍ଷ ସମୂହର ବିଜ୍ଞାନ ଛାତ୍ରଛାତ୍ରୀ I ବାର୍ଷିକ ବନ୍ଧୁମିଳନ-୨୦୨୩ ଅବସରରେ ପ୍ରାୟ ୭୫ରୁ ଅଧିକ ସଦସ୍ୟ ସପରିବାର ମିଳିତ ହୋଇ ପୁରୁଣା ସ୍ମୃତିର ରୋମନ୍ଥନ କରିବା ସହ ବିଭିନ୍ନ କାର୍ଯ୍ୟକ୍ରମର ଏବଂ ପ୍ରତିଯୋଗିତାର ମଜା ନେଇଥିଲେ I
"ସାଗର କିନାରେ" (ସାଗର କୂଳରେ) ନାମରେ ନାମିତ ହୋଇଥିବା ଏହି କାର୍ଯ୍ୟକ୍ରମରେ ଭାରତର ବିଭିନ୍ନ ପ୍ରାନ୍ତରୁ ଆସିଥିବା ସଦସ୍ୟମାନେ ଭାଗନେଇ ଖୁସି ମନାଇଥିଲେ ଏବଂ ଏଥିରେ ସେମାନଙ୍କ ପିଲାମାନେ, ପତ୍ନୀ, ସ୍ୱାମୀ ତଥା ପରିବାରର ଅନ୍ୟ ସଦସ୍ୟମାନେ ମଧ୍ୟ ଭାଗ ନେଇଥିଲେ I ସେମାନେ ପାଖରେ ଥିବା ସମୁଦ୍ର କୂଳ ଯାହାକି ୫ କିମି ପଛକୁ ଚାଲିଯାଇପାରେ ଏହାକୁ ଦେଖିଥିଲେ I
କଲେଜ ଜୀବନରେ ବିତିଥିବା ପୁରୁଣା ସ୍ମୃତିର ରୋମନ୍ଥନ ସହିତ ବାରିପଦାର ବାସ୍ନା ପୁଣି ସମସ୍ତଙ୍କ ମନରେ ଆଣିବା ପାଇଁ ଖାଦ୍ୟପେୟ ସହିତ ପ୍ରସିଦ୍ଧ ମୁଢି ମାଂସ ମଧ୍ୟ ପରସା ଯାଇଥିଲା I ଚାନ୍ଦିପୁରର ସ୍ମୃତିକୁ ଆହୁରି ଉଜ୍ଜୀବିତ କରି ରଖିବାପାଇଁ ବାଲେଶ୍ୱରର ପ୍ରସିଦ୍ଧ ଲାଖ କଣ୍ଢେଇ ସମସ୍ତ ସଦସ୍ୟମାନଙ୍କୁ ଉପହାର ଆକାରରେ ଦିଆଯାଇଥିଲା I ଏହି ଲାଖ କଣ୍ଢେଇ ବାଲେଶ୍ୱରର ପ୍ରସିଦ୍ଧ ଲାଖ ଶିଳ୍ପୀ ଏବଂ ସଂସ୍କୃତି ପ୍ରେମୀ କେଶୁ ଦାସ ତିଆରି କରିଥିବାର ବାଲେଶ୍ୱରର ସ୍ଥାନୀୟ ସଦସ୍ୟ ମାନେ ପ୍ରକାଶ କରିଥିଲେ I ବିଭିନ୍ନ ପ୍ରତିଯୋଗିତାରେ ଜିତିଥିବା ସଦସ୍ୟ ଅଥବା ତାଙ୍କ ପରିବାର ସଦସ୍ୟମାନଙ୍କୁ ପୁରସ୍କୃତ କରାଯାଇଥିଲା I
