ଇମ୍ଫାଲ୍, ୦୮/୧୧: ମଣିପୁରରେ ଉତ୍ତେଜନା ଲାଗି ରହିଥିବା ବେଳେ ହିଂସାକାରୀ ୪ ଜଣଙ୍କୁ ଅପହରଣ କରି ନେଇଛନ୍ତି । ମଙ୍ଗଳବାର ପଶ୍ଚିମ ଇମ୍ପାଲରେ ସଶସ୍ତ୍ର ଲୋକ ଅପହରଣ କରିନେବା ପରେ ମଣିପୁରର ଏକାଧିକ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି । ୨ ଛାତ୍ର ନିଖୋଜର ଦିନକ ପରେ ୪ ଜଣଙ୍କୁ ଅପହରଣ କରାଯାଇଥିବା ମାମଲା ଆସିଛି । ତେବେ ଏହି ମାମଲାକୁ ନେଇ କୁକି ସମ୍ପ୍ରଦାୟକୁ ଦାୟୀ କରିଛନ୍ତି ମୈତେଇ ।

ଏହି ଘଟଣା ପରେ ମଙ୍ଗଳବାର ଠାରୁ ଉତ୍ତେଜନା ଲାଗି ରହିଛି । ହିଂସାକାରୀ ଉପରକୁ ଗୁଳି ଚାଳନା କରିଛନ୍ତି ସୁରକ୍ଷାକର୍ମୀ । ଏକ କାରରେ ଲେମଖଙ୍ଗରୁ ପଶ୍ଚିମ ଇମ୍ଫାଲର ଚୁରାଚାନ୍ଦପୁରକୁ ୩ ପୁରୁଷ ଓ ୨ ମହିଳା ଯାଉଥିବା ବେଳେ ହିଂସାକାରୀ ଆକ୍ରମଣ କରିଥିଲେ । ୫ ଜଣଙ୍କ ମଧ୍ୟରୁ ଜଣେ ଖସି ଆସିଥିବା ବେଳେ ହିଂସାକାରୀ ଜଣଙ୍କୁ ଅପହରଣ କରି ନେଇଛନ୍ତି ।

ଗାଈକୁ ଧକ୍କା ଦେଇ ଲାଇନଚ୍ୟୁତ୍ ହେଲା ଝାରସୁଗୁଡ଼ା-ସମ୍ବଲପୁର ମେମୁ, ସମସ୍ତ ଯାତ୍ରୀ ସୁରକ୍ଷିତ

କୁକୁ-ଜୁମି ସମ୍ପ୍ରଦାୟ ପକ୍ଷରୁ କୁହାଯାଇଛି, ଅପହୃତା ମହିଳାଙ୍କ ବୟସ ୫୫ ଏବଂ ହୋଇଥିବା ବେଳେ ପୁରୁଷଙ୍କ ବୟସ ୨୫ ଓ ୪୦ ବର୍ଷ । ମଣିପୁର ପୋଲିସର ସୂଚନା ଅନୁସାରେ, ଏକ କାରରେ ୫ ଜଣ କୁକି ସମ୍ପ୍ରଦାୟର ଲୋକ ଯାତ୍ରା କରୁଥିବା ବେଳେ ସେମାନଙ୍କୁ ବଳପୂର୍ବକ ଅପହରଣ କରାଯାଇଛି ।

ଅନ୍ୟ ଜଣଙ୍କୁ ଆହତ ଅବସ୍ଥାରେ ଉଦ୍ଧାର କରିଛନ୍ତି ସୁରକ୍ଷାକର୍ମୀ । ଅବସ୍ଥା ଗୁରୁତର ଥିବାରୁ ତାଙ୍କୁ ହେଲିକପ୍ଟର ଯୋଗେ ଦିମାପୁରକୁ ତୁରନ୍ତ ଏୟାରଲିଫ୍ଟ କରାଯାଇଛି । ଅପହୃତ ହୋଇଥିବା ୪ ଜଣଙ୍କୁ ଉଦ୍ଧାର କରିବା ଲାଗି ସୁରକ୍ଷାକର୍ମୀ ସର୍ଚ୍ଚ ଅପରେସନ୍ ଜାରି ରଖିଛନ୍ତି । ପଶ୍ଚିମ ଇମ୍ଫାଲରୁ ୧୬ ଓ ୧୯ ବର୍ଷୀୟ ୨ ଛାତ୍ର ନିଖୋଜର ଦିନକ ପରେ ୪ ଜଣଙ୍କ ଅପହରଣ ହୋଇଛି ।

ଦିଲ୍ଲୀ ଅପେକ୍ଷା ମୁମ୍ବାଇରେ ବାୟୁ ପ୍ରଦୂଷଣ ଉତ୍କଟ ହେବାରେ ଲାଗିଛି, ଚିନ୍ତା ବଢ଼ାଇଲା ନୂଆ ରିପୋର୍ଟ