ପାପଡାହାଣ୍ଡି ୩୦/୧୧ (ଆପ୍ର)ପାପଡାହାଣ୍ଡି ବ୍ଲକ ପ୍ରଧାନୀଗୁଡା ଏସାର ପେଟ୍ରୋଲ ପମ୍ପ ନିକଟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ପୂର୍ବ ଶତ୍ରୁତାକୁ କେନ୍ଦ୍ରକରି  ହତ୍ୟାକାଣ୍ଡ ହୋଇଥିବା ପୋଲିସ ସୂଚନା ଦେଇଛି । ସୂଚନା ଅନୁଯାୟୀ ଗୁରୁବାର ସକାଳ ପ୍ରାୟ ସାଢେ ୧୦ ଟା ସମୟରେ ପ୍ରଧାନୀଗୁଡା ଗ୍ରାମର ଜଗ ଗୌଡ଼ଙ୍କୁ ସେହି ଗ୍ରାମର ଲଛମନ ଗୌଡ଼ ଏକ ଟାଙ୍ଗିଆରେ ଆକ୍ରମଣ କରିଥିଲା । ଯୁକ୍ତିତର୍କ କରିବା ମଧ୍ୟରେ ଜଗ ଗୌଡ଼କୁ ଲଛମନ ଧରିଥିବା ଟାଙ୍ଗିଆରେ ଆକ୍ରମଣ କରିଥିଲା । କିନ୍ତୁ ଉକ୍ତ ଟାଙ୍ଗିଆକୁ ଟାଣି ଜଗ ଗୌଡ଼ ଲଛମନକୁ ପାଲଟା ଆକ୍ରମଣ କରିଥିଲା । ଏହି ସମୟରେ ଲଛମନଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା ଏବଂ ଘଟଣା ସ୍ଥଳରେ ହିଁ ମୃତ୍ୟୁ ହୋଇଥିଲା । ପାପଡାହାଣ୍ଡି ପୋଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଛେଦ ପାଇଁ ପଠାଇବା ସହ ଅଭିଯୁକ୍ତକୁ ଗିରଫ କରିଛି । କେସ ନଂ 204/23 ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି ।