ନୂଆଦିଲ୍ଲୀ, ୧୧/୧୧: ଦିଲ୍ଲୀ ଉପମୁଖ୍ୟମନ୍ତ୍ରୀ ଓ ବରିଷ୍ଠ ଆପ୍ ନେତା ମନୀଷ ସିସୋଦିଆ ଶନିବାର ତାଙ୍କ ଅସୁସ୍ଥ ପତ୍ନୀଙ୍କୁ ଭେଟିବା ଲାଗି ତିହାର୍ ଜେଲରୁ ଘରେ ପହଞ୍ଚିଛନ୍ତି । ଦିଲ୍ଲୀର ଏକ କୋର୍ଟ ସିସୋଦିଆଙ୍କୁ ଶୁକ୍ରବାର ସୁରକ୍ଷା ସହ ପତ୍ନୀଙ୍କୁ ଭେଟିବାକୁ ଅନୁମତି ଦେଇଥିଲେ । ଦିନ ୧୦ରୁ ୫ଟା ଯାଏ ପତ୍ନୀଙ୍କୁ ଭେଟିବାକୁ ସମୟ ଦେଇଛନ୍ତି କୋର୍ଟ ।

ଦିଲ୍ଲୀ ମଦ ନୀତି ମାମଲାରେ ଆର୍ଥିକ ଅନିୟମିତତା ଅଭିଯୋଗରେ ସିସୋଦିଆଙ୍କୁ ଗତ ଫେବ୍ରୁଆରୀରେ ଗିରଫ କରିଥିଲା ସିବିଆଇ । ଏବେ ସିସୋଦିଆ ବିଚାରଧୀନ କଏଦୀ ଭାବେ ତିହାର୍ ଜେଲରେ ଅଛନ୍ତି । ଆଜି ସିସୋଦିଆ ଜେଲ୍ ଭ୍ୟାନରେ ସୁରକ୍ଷା ଭିତରେ ମଥୁରା ରୋଡ୍ ସ୍ଥିତ ଘରେ ପହଞ୍ଚିଥିଲେ ।

ଭାରତ ଓ ଆମେରିକା ମିଳିତ ଭାବେ ନିର୍ମାଣ କରିବେ ଯୁଦ୍ଧ ବାହାନ, ଚୀନକୁ କାଉଣ୍ଟର ପାଇଁ ପ୍ରସ୍ତୁତି

ଅସୁସ୍ଥ ପତ୍ନୀଙ୍କୁ ଭେଟିବା ଲାଗି କୋର୍ଟଙ୍କୁ ୫ ଦିନ ସମୟ ମାଗିଥିଲେ ସିସୋଗିଆ । ଆବେଦନରେ ମନୀଷ ସିସୋଦିଆ ଦର୍ଶାଇଥିଲେ, ପତ୍ନୀ ଅସୁସ୍ଥ ଅଛନ୍ତି । ସିସୋଦିଆଙ୍କ ଆବେଦନକୁ ବିଚାରକୁ ନେଇ ଦିଲ୍ଲୀର ରାଉଜ ଆଭେନ୍ୟୁ କୋର୍ଟ କେବଳ ୭ ଘଣ୍ଟା ପାଇଁ ଅନୁମତି ଦେଇଥିଲେ । କହିଥିଲେ ଏହି ସମୟରେ ସିସୋଦିଆ ଗଣମାଧ୍ୟମ ସହ କଥା ହେବେ ନାହିଁ କି କୌଣସି ରାଜନୈତିକ କାର୍ଯ୍ୟକଳାପରେ ସାମିଲ୍ ହେବେ ନାହିଁ ।

ଏହା ପୂର୍ବରୁ ଜୁନ୍ ମାସରେ ମଧ୍ୟ ପତ୍ନୀଙ୍କୁ ଭେଟିବା ଲାଗି ସିସୋଦିଆଙ୍କୁ ଅନୁମତି ମିଳିଥିଲା । କିନ୍ତୁ ସେତେବେଳେ ପତ୍ନାଙ୍କ ସ୍ୱାସ୍ଥ୍ୟାବସ୍ଥା ଆହୁରି ଖରାପ ହେବାରୁ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଫଳରେ ସିସୋଦିଆ ଭେଟି ପାରି ନଥିଲେ ।

ଜମି ବଦଳରେ ଚାକିରି ମାମଲାରେ ଇଡିର କାର୍ଯ୍ୟାନୁଷ୍ଠାନ, ଲାଲୁଙ୍କ ଘନିଷ୍ଠ ଅମିତ୍ ଗିରଫ