ନୂଆଦିଲ୍ଲୀ : ଭାରତର ମହାନ କ୍ରିକେଟର ସଚିନ ତେନ୍ଦୁଲକର ନିଜ ପରିବାରକୁ ନେଇ କାଶ୍ମୀର ଭ୍ରମଣରେ ଅଛନ୍ତି। ସଚିନ ସୋସିଆଲ ମିଡ଼ିଆରେ ନିଜର ଟ୍ରିପ୍ ବେଳେ ଅନେକ ଫଟୋ ସେୟାର କରିଛନ୍ତି। ନିକଟରେ ସେ ବ୍ୟାଟ୍ ତିଆରି କରୁଥିବା ଏକ ଫ୍ୟାକ୍ଟ୍ରିକୁ ଯାଇଥିଲେ ଏବଂ ସଡ଼କରେ ଷ୍ଟ୍ରିଟ୍ କ୍ରିକେଟ୍ ଖେଳିବା ନଜର ଆସିଥିଲେ। ଶନିବାର ସଚିନ ତେନ୍ଦୁଲକର ଜମ୍ମୁ-କାଶ୍ମୀର ପାରା କ୍ରିକେଟ୍ ଟିମ୍ର ଅଧିନାୟକ ଅମିର ହୁସୈନ ଲୋନ୍ଙ୍କୁ ସାକ୍ଷାତ୍ କରିଥିଲେ ଏବଂ ତାଙ୍କୁ ନିଜର ସାଇନ୍ କରିଥିବା ବ୍ୟାଟ୍ ଗିଫ୍ଟରେ ଦେଇଥିଲେ।
ସଚିନ ତେନ୍ଦୁଲକର ଏକ୍ସରେ ଟ୍ୱିଟ୍ କରି ଏକ ଭିଡ଼ିଓ ସେୟାର କରିଛନ୍ତି। ଯେଉଁଥିରେ ସେ ଅମିରଙ୍କ ସହ କଥାବାର୍ତ୍ତା କରିବାର ଦେଖିବାକୁ ମିଳୁଛି। ସଚିନ୍ ଅମିରଙ୍କୁ ପଚାରୁଛନ୍ତି କି ,ଏବେ କଣ କରୁଛ, ଅମିତ କହୁଛନ୍ତି , କ୍ରିକେଟ୍ ଖେଳୁଛି ସାର୍। ଆଜି ମୋତେ ବହୁତ ଖୁସି ଲାଗୁଛି। ଜୀବନରେ ଆଶା ହାରି ନାହିଁ , ଏହି ଭାବନାରେ ଚାଲିଛି।
To Amir, the real hero. Keep inspiring!
— Sachin Tendulkar (@sachin_rt) February 24, 2024
It was a pleasure meeting you. pic.twitter.com/oouk55lDkw
ସଚିନ୍ ଅମିରଙ୍କ ଜର୍ନି ବିଷୟରେ କହୁଛନ୍ତି। ଅମିରଙ୍କ ୮ବର୍ଷ ବୟସରେ ଆକ୍ସିଡେଣ୍ଟ ହୋଇଥିଲା , ନିଜ ପିତାଙ୍କ ମିଲ୍ରେ ଏକ ଦୁର୍ଘଟଣାରେ ଆମିର ଲୋନ୍ ନିଜର ଦୁଇ ହାତ ହରାଇ ଦେଇ ଥିଲେ। ଅମିର ୨୦୧୩ରୁ ପେଶାଦାର ଭାବେ କ୍ରିକେଟ୍ ଖେଳୁଛନ୍ତି। ଜଣେ ଶିକ୍ଷକ ତାଙ୍କର କ୍ରିକେଟ୍ ପ୍ରତିଭାକୁ ଆବିଷ୍କାର କରିଥିଲେ ଏବଂ ତାଙ୍କୁ ପାରା କ୍ରିକେଟ୍ ସହ ପରିଚିତ କରାଇ ଥିଲେ।
And Amir has made the impossible possible. I am so touched watching this! Shows how much love and dedication he has for the game.
— Sachin Tendulkar (@sachin_rt) January 12, 2024
Hope I get to meet him one day and get a jersey with his name. Well done for inspiring millions who are passionate about playing the sport. https://t.co/s5avOPXwYT
ଅମିର ସଚିନଙ୍କୁ କହିଥିଲେ , ଦୁର୍ଘଟଣା ପରେ ମୁଁ ଆଶା ହରାଇ ନଥିଲି ଏବଂ ଖୁବ୍ ପରିଶ୍ରମ କଲି। ମୁଁ ପ୍ରତି ଜିନିଷକୁ ନିଜେ କରିପାରୁ ଥିଲି ଏବଂ ଅନ୍ୟ କାହା ଉପରେ ନିର୍ଭର ନୁହେଁ। ୨୦୧୩ରେ ମୋତେ ଜମ୍ମୁ କାଶ୍ମୀର ପାରା କ୍ରିକେଟ୍ ଟିମ୍ ପାଇଁ ଚୟନ କରାଗଲା। ଆପଣ ମୋର ପ୍ରେରଣା ହୋଇ ରହିଛନ୍ତି।