ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ତୃତୀୟ ଟେଷ୍ଟରେ ଖେଳିବେ ସରଫରାଜ୍‌ ଖାନ, ଆଉ ଜଣେ ଖେଳାଳି ବି କରିପାରନ୍ତି ଡେବ୍ୟୁ

ନୂଆଦିଲ୍ଲୀ: ଫେବୃଆରୀ ୧୫ରେ ହେବାକୁ ଥିବା ଭାରତ ବନାମ ଇଂଲଣ୍ଡ ତୃତୀୟ ଟେଷ୍ଟ ମ୍ୟାଚ୍‌ରେ ସରଫରାଜ୍‌ ଖାନଙ୍କୁ ଡେବ୍ୟୁ ପାଇଁ ସୁଯୋଗ ମିଳିବ । ସରଫ୍‌ରାଜଙ୍କ ବ୍ୟତୀତ ଓ୍ବିକେଟକିପର ବ୍ୟାଟର ଧ୍ରୁବ ଜୁରେଲ ମଧ୍ୟ ଡେବ୍ୟୁ କରିପାରନ୍ତି । ସେପଟେ ଆହତ କାରଣରୁ କେଏଲ ରାହୁଲ ତୃତୀୟ ଟେଷ୍ଟ ଖେଳିପାରିବେ ନାହିଁ । ତାଙ୍କ ସ୍ଥାନରେ ଦ୍ବିତୀୟ ଟେଷ୍ଟରେ ସାମିଲ ଥିବା ରଜତ ପାଟିଦାର ପ୍ଲେଇଂ ଇଲେଭେନ୍‌ରେ ଅପରିବର୍ତ୍ତିତ ରହିବେ । ହେଲେ ଦେବଦତ୍ତ ପାଡିକଲଙ୍କୁ ଡେବ୍ୟୁ କରିବାକୁ ହେଲେ ଆହୁରି ଅପେକ୍ଷା କରିବାକୁ ହେବ ।

 ଶେଷ ୩ଟି ଟେଷ୍ଟ ଲାଗି କେଏଲ ରାହୁଲଙ୍କୁ ଦଳରେ ସାମିଲ କରାଯାଇଥିଲା । ହେଲେ ତାଙ୍କ ଫିଟନେସକୁ ନେଇ ସସପେନ୍ସ ଲାଗି ରହିଥିଲା । ଆଉ ଆଜି ସ୍ପଷ୍ଟ ହୋଇଛି ଯେ, କେଏଲ ରାହୁଲ ତୃତୀୟ ଟେଷ୍ଟରୁ ବାଦ ପଡ଼ିଛନ୍ତି । ସେପଟେ ଖରାପ ଫର୍ମରେ ଥିବା ଯୋଗୁ ଶ୍ରେୟସ ଆୟରଙ୍କୁ ଦଳରୁ ବାଦ ଦିଆଯାଇଛି । ଏଭଳି ସ୍ଥିତିରେ ସରଫରାଜ୍‌ ଖାନଙ୍କୁ ଡେବ୍ୟୁ କରିବାକୁ ମଉକା ଦେବା ବ୍ୟତୀତ ଆଉ କୌଣସି ବିକଳ୍ପ ରହିବ ନାହିଁ । ତୃତୀୟ ଟେଷ୍ଟରେ ସରଫରାଜ୍‌ ଖାନ ଚାରି ନମ୍ବର ସ୍ଥାନରେ ବ୍ୟାଟିଂ କରିପାରନ୍ତି । 

ଅନ୍ୟପଟେ ତୃତୀୟ ଟେଷ୍ଟରେ ଓ୍ବିକେଟକିପର ବ୍ୟାଟର କେଏସ୍‌ ଭରତଙ୍କୁ ଡ୍ରପ୍‌ କରାଯାଇପାରେ ।  କେଏସ ଭରତ ଏବେ ସୁଦ୍ଧା ଟିମ ଇଣ୍ଡିଆ ଲାଗି ୭ଟି ଟେଷ୍ଟ ମ୍ୟାଚ୍‌ ଖେଳିଛନ୍ତି । ହେଲେ ଦଳ ପାଇଁ ସେ ଗୋଟିଏ ମଧ୍ୟ ଅର୍ଦ୍ଧଶତକ କରିନାହାନ୍ତି । ଭରତଙ୍କ ବ୍ୟତୀତ ଟିମରେ ଧ୍ରୁବ ଜୁରେଲ୍‌ ରହିଛନ୍ତି । କେଏସ୍‌ ଭରତଙ୍କ ଖରାପ ପ୍ରଦର୍ଶନକୁ ଦେଖି ଟିମ୍‌ ମ୍ୟାନେଜମେଣ୍ଟ ଏବେ ଜୁରେଲଙ୍କୁ ଡେବ୍ୟୁ କରିବାକୁ ସୁଯୋଗ ଦେବ ବୋଲି ସ୍ପଷ୍ଟ ହୋଇଛି । କେବଳ ତୃତୀୟ ନୁହେଁ ବରଂ ବାକି ୩ଟି ଟେଷ୍ଟ ମ୍ୟାଚ୍‌ରେ ଟିମ୍‌ ମ୍ୟାନେଜମେଣ୍ଟ ଧ୍ରୁବଙ୍କୁ ଖେଳିବାକୁ ଦେଇପାରେ ।

 

  • Indian cricket team
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.