ଚେନ୍ନାଇ: ତାମିଲନାଡୁ ମନ୍ତ୍ରୀ ତଥା ଡିଏମକେ ନେତା ଉଦୟନିଧି ଷ୍ଟାଲିନ୍‌ ସନାତନ ଧର୍ମକୁ ନେଇ ଦେଇଥିବା ମନ୍ତବ୍ୟରେ ଅଟଳ ରହିଛନ୍ତି । ଏହାକୁ ନେଇ ମାଡ୍ରାସ ହାଇକୋର୍ଟ ଉଦୟନିଧିଙ୍କୁ କାହିଁକି ଗିରଫ କରାଯାଇନାହିଁ ବୋଲି ପୋଲିସକୁ ପ୍ରଶ୍ନ କରିଥିଲେ । ସନାତନ ବିରୋଧୀ ମନ୍ତବ୍ୟ ଦେଇଥିବା ବେଳେ ଉଦୟନିଧି ଏବଂ ପିକେ ସେକର ବାବୁଙ୍କୁ କାହିଁକି ଗିରଫ କରଗଲାନି ବୋଲି ପୋଲିସକୁ ପଚାରିବା ସହ ତାତ୍ସଲ୍ୟ କରିଥିଲେ ହାଇକୋର୍ଟ । କୌଣସି ଧର୍ମକୁ ଟାର୍ଗେଟ କରିବା କିମ୍ବା କୌଣସି ପ୍ରଥାକୁ ନଷ୍ଟ କରିବା ଭଳି ମନ୍ତବ୍ୟ କେହି ବ୍ୟକ୍ତି ଦେଇପାରିବେ ନାହିଁ ବୋଲି କୋର୍ଟ କହିଥିଲେ । 

ଏୟାରପୋର୍ଟରେ ନମାଜ ପଢାକୁ ନେଇ ଫ୍ରାନ୍ସରେ ବିବାଦ , ଉତ୍ତ୍ୟକ୍ତ ହେଲେ ଲୋକେ ; କ୍ଷମା ମାଗିଲା ଅଥୋରିଟି

ସନାତନ ଧର୍ମ ଡେଙ୍ଗୁ ଏବଂ ମ୍ୟାଲେରିଆ ସହ ତୁଳନା କରିବା ସହ ଏହାକୁ ସମୂଳ ନାଶ କରିବାକୁ ମନ୍ତବ୍ୟ ଦେଇଥିଲେ । ଯାହାକୁ ନେଇ ଏବେ ବି ବିବାଦ ଥମିନାହିଁ । ହେଲେ ସନାତନ ଧର୍ମକୁ ନେଇ ସେ ବିଲକୁଲ ଠିକ୍‌ କହିଛନ୍ତି ବୋଲି ଉଦୟନିଧି ଦାବି କରିଛନ୍ତି । ଏନେଇ ତାଙ୍କ ବିରୁଦ୍ଧରେ ଯେକୌଣସି କାର୍ଯ୍ୟାନୁଷ୍ଠାନକୁ ସେ ସାମ୍ନା କରିପାରିବେ ବୋଲି କହିଛନ୍ତି ।

ସେ କହିଛନ୍ତି, ‘ମୁଁ କିଛି ଭୁଲ କହିନାହିଁ। ଯାହା କହିଛି ଠିକ୍‌ କହିଛି ଏବଂ ଏଥିପାଇଁ ଯାହା କାର୍ଯ୍ୟାନୁଷ୍ଠାନ ହେବ ମୁଁ ସାମ୍ନା କରିବି। ମୁଁ ମୋ ବିଚାରାଧାରା ସଂପର୍କରେ କହିଛି । ମୁଁ, ଆମ୍ବେଦକର କିମ୍ବା ପେରିୟାରଙ୍କ ଠାରୁ କିଛି ଅଧିକ କହିନାହିଁ । ମୁଁ ଆଜି ଜଣେ ଏମଏଲଏ, ମନ୍ତ୍ରୀ ଏବଂ ଯୁବମୋର୍ଚ୍ଚା ସଂପାଦକ । ହୁଏତ କାଲି ମୋ ପାଖରେ କିଛି ପଦବୀ ନଥିବ । ହେଲେ ମଣିଷ ପଣିଆ ରହିବା ଅଧିକ ଗୁରୁତ୍ବପୂର୍ଣ୍ଣ ।’ 

ଏହା ସହ କିଛି ବର୍ଷ ହେଲା ଆମେ ସନାତନ ଧର୍ମ ସଂପର୍କରେ କହିଆସୁଛି । ହେଲେ NEET ପ୍ରସଙ୍ଗ ମାତ୍ର ୬ ବର୍ଷ ହେଲା ଆରମ୍ଭ ହୋଇଛି । ସନାତନ ଧର୍ମ ଏହା ଠାରୁ ଆଉ କିଛି ବର୍ଷ ପୁରୁଣା । ଆମେ ଏହା(ସନାତନ ଧର୍ମ)କୁ ସର୍ବଦା ବିରୋଧ କରିବୁ ବୋଲି ଉଦୟନିଧି କହିଛନ୍ତି । ଗତ ସେପ୍ଟେମ୍ବର ମାସରେ ସନାତନ ଧର୍ମକୁ ସମୂଳ ନାଶ କରିବାକୁ ଆହ୍ବାନ ଦେଇଥିଲେ ଉଦୟନିଧି ଷ୍ଟାଲିନ୍।  ସନାତନ ଧର୍ମ ସାମାଜିକ ଅଧିକାର ଏବଂ ସମାନତା ବିରୋଧୀ ବୋଲି ମଧ୍ୟ ସେ ଅଭିଯୋଗ କରିଥିଲେ ।