ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

WPL-2024: ମୁମ୍ବାଇ ଇଣ୍ଡିଆନ୍ସର ଦ୍ୱିତୀୟ ବିଜୟ, ଗୁଜରାଟ ଜାଏଣ୍ଟ୍‌ସକୁ ୫ ୱିକେଟ୍‌ରେ ହରାଇଲା

ବେଙ୍ଗାଲୁରୁ,୨୬/୦୨: ଚଳିତ ମହିଳା ପ୍ରିମିୟର ଲିଗ୍‌ରେ ଡିଫେଣ୍ଡିଂ ଚାମ୍ପିଅନ୍‌ ମୁମ୍ବାଇ  ଇଣ୍ଡିଆନ୍ସ କ୍ରମାଗତ ଦ୍ୱିତୀୟ ବିଜୟ ହାସଲ  କରିଛି । ରବିବାର ଅନୁଷ୍ଠିତ ମ୍ୟାଚ୍‌ରେ ମୁମ୍ବାଇ ଇଣ୍ଡିଆନ୍ସ ୫ ୱିକେଟ୍‌ରେ ଗୁଜରାଟ ଜାଏଣ୍ଟ୍‌ସକୁ  ହରାଇଥିଲା । ଏହି ମ୍ୟାଚ୍‌ରେ ପ୍ରଥମେ ବ୍ୟାଟିଂ  କରି ଗୁଜରାଟ ଜାଏଣ୍ଟ୍‌ସ ୯ ୱିକେଟ୍‌ ବିନିମୟରେ  ୧୨୬ ରନ୍‌ ସଂଗ୍ରହ କରିଥିଲା । ଜବାବରେ ମୁମ୍ବାଇ  ଇଣ୍ଡିଆନ୍ସ ୧୮.୧ ଓଭରରେ ୫ ୱିକେଟ୍‌ ହରାଇ  ଆବଶ୍ୟକ ରନ୍‌ ସଂଗ୍ରହ କରି ନେଇଥିଲା ।  

ଟସ୍‌ ଜିତି ମୁମ୍ବାଇ ଇଣ୍ଡିଆନ୍ସ ଫିଲ୍ଡିଂ ନିଷ୍ପତ୍ତି  ନେଇଥିଲା । ଦକ୍ଷିଣ ଆଫ୍ରିକୀୟ ପେସ୍‌ ବୋଲର  ସବନିମ ଇସମାଇଲ ଘାତକ ବୋଲିଂ କରି ପ୍ରାରମ୍ଭିକ  ବିପର୍ଯ୍ୟୟ ଘଟାଇଥିଲେ । ବେଦା କ୍ରିଷ୍ଣମୂର୍ତ୍ତୀ ଖାତା  ଖୋଲିପାରି ନଥିବା ବେଳେ ହର୍ଲିନ ଦେଓଲ ୮ରନ୍‌  କରିଥିଲେ । ଅନ୍ୟ ଓପନର ବେଥ ମୁନି ସତର୍କତାର  ସହ ଖେଳି ୨୪ ରନ୍‌ କରିଥିଲେ ହେଁ ସେ ଶେଷରେ  ସବିନମଙ୍କ ଶୀକାର ସାଜିଥିଲେ । 

ନ୍ୟୁଜିଲାଣ୍ଡ ଲେଗ ସ୍ପିନର ଆମେଲିଆ କେର ମଧ୍ୟ ଭାଗ ବ୍ୟାଟରଙ୍କୁ  ସହଳ ପାଭିଲିୟନ ପଠାଇଥିଲେ । ଫଳରେ  ଗୁଜରାଟ ୧୨୬ ରନ୍‌ରେ ଅଟକି ଯାଇଥିଲା।  ଅନ୍ୟମାନଙ୍କ ମଧ୍ୟରେ ତନୁଜା କୱଁର ୨୮, କାଥରିନ  ବ୍ରାଇସ ଅପରାଜିତ ୨୫ ଓ ଆସଲି ଗାର୍ଡନର ୧୫  ରନ୍‌ କରିଥିଲେ । ଅନ୍ୟ କେହି ଦୁଇ ଅଙ୍କ ଛୁଇଁ ପାରି  ନଥିଲେ । ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଆମେଲିଆ ୧୭  ରନ୍‌ରେ ୪ଟି ୱିକେଟ୍‌ ନେଇଥିଲେ । ସେହିପରି  ଇସମାଇଲ ୩ଟି ୱିକେଟ୍‌ ଅକ୍ତିଆର କରିଥିଲେ ।  

ଜବାବରେ ମୁମ୍ବାଇ ଇଣ୍ଡିଆନ୍ସ ସହଳ  ୩ଟି ୱିକେଟ୍‌ ହରାଇଥିଲା । ମାତ୍ର ହର୍ମନପ୍ରୀତ  ଗୋଟିଏ ପଟେ ଦୃଢ ବ୍ୟାଟିଂ ଜାରି ରଖି ଦଳକୁ ବିଜୟୀ କରାଇଥିଲେ । ସେ ୫ଚୌକା ଓ ୧ ଛକା  ବଳରେ ଅପରାଜିତ ୪୨ ରନ୍‌ କରିଥିଲେ ।  ଅନ୍ୟମାନଙ୍କ ମଧ୍ୟରେ ଆମେଲିଆ କେର ୩୧  ଓ ନାତାଲି ସ୍କିଭର-ବ୍ରଣ୍ଟ ୨୨ ରନ୍‌ କରିଥିଲେ ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.