ରାୟଗଡ଼ା, ୪।୦୨: ସ୍ୱାମୀଙ୍କ ଛୁରା ମାଡ଼ରେ ସ୍ତ୍ରୀ ଗୁରୁତର । ଏପରି ଅଭାବନୀୟ ଘଟଣା ଘଟିଛି ରାୟଗଡ଼ା ସହର ନଦି ସାହିରେ । ଅଭିଯୋଗ ଅନୁସାରେ, କୌଣସି କାରଣବଶତଃ ସ୍ୱାମୀ ପ୍ରଦୀପ ବେହେରା ଓ ସ୍ତ୍ରୀ ବାସନ୍ତିଙ୍କ ମଧ୍ୟରେ ଝଗଡ଼ା ଲାଗି ଦାଣ୍ଡ ବାହାରକୁ ଆସି ପାଟିତୁଣ୍ଡ କରିଥିଲେ । ଏତିକି ବେଳେ ସ୍ୱୀମୀ ପ୍ରଦୀପ ସ୍ତ୍ରୀକୁ ଛୁରା ମାଡ଼ କରି ଘଟଣାସ୍ଥଳରୁ ଫେରାର ହୋଇଯାଇଥିଲା ।
ବାସନ୍ତୀଙ୍କ ପେଟରେ ଓ ଦୁଇଟି ହାଡ଼ରେ ଆଘାତ ଲାଗିଛି । ଗୁରୁତର ଅବସ୍ଥାର ଚିତ୍କାର କରୁଥିବା ବେଳେ ସାହି ଲୋକେ ପହଞ୍ଚି ଗୁରୁତର ଅବସ୍ଥାର ଉଦ୍ଧାର କରି ତାଙ୍କୁ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ଘଟଣାର ଖବର ପାଇ ପୋଲିସ ମେଡିକାଲରେ ପହଞ୍ଚି ଘଟଣାର ତଦନ୍ତ କରୁଛି । ତେବେ ଏନେଇ ପୋଲିସର ପ୍ରତିକ୍ରିୟା ମିଳିପାରିନାହିଁ ।
