ମୁମ୍ବାଇ,୦୯/୦୯: କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କୁ ଆଗାମୀ ଦିନିକିଆ ବିଶ୍ୱକପ୍ ପାଇଁ ମିଳିଛି ଗୋଲ୍ଡେନ ଟିକେଟ୍ । ବିସିସିଆଇ ସମ୍ପାଦକ ଜୟ ଶାହ ନିଜେ ସଚିନଙ୍କୁ ଭେଟି ଏହି ଟିକେଟ୍ ପ୍ରଦାନ କରିଛନ୍ତି ।
କେବଳ ଖେଳ ନୁହେଁ, ବିଭିନ୍ନ ଦିଗରେ କୃତିତ୍ୱ ହାସଲ କରିଥିବା ଦେଶର ପ୍ରମୁଖ ବ୍ୟକ୍ତି ବିଶେଷଙ୍କୁ ସମ୍ମାନ ସ୍ୱରୂପ ବିସିସିଆଇ ଏଭଳି ଗୋଲ୍ଡେନ ଟିକେଟ୍ ବଣ୍ଟନ କରୁଛି । ପୂର୍ବରୁ ବଲିଉଡ୍ ସୁପରଷ୍ଟାର ଅମିତାଭ ବଚ୍ଚନଙ୍କୁ ଏହି ଟିକେଟ୍ ପ୍ରଦାନ କରିଥିଲେ ବିସିସିଆଇ ସମ୍ପାଦକ। ବିଶ୍ୱକପ୍ ଆସନ୍ତା ଅକ୍ଟୋବର ୫ ତାରିଖରୁ ଆରମ୍ଭ ହେବ। ଏନେଇ ଦେଶର ପ୍ରମୁଖ ୧୦ଟି ଭେନ୍ୟୁ ପ୍ରସ୍ତୁତ ହୋଇ ରହିଛି ।
