ପୁରୀ, ୨୩/୦୩ : ପୁରୀ ଶ୍ରୀମନ୍ଦିର ଭିତରେ ଜଣେ ମହିଳା ବିଦେଶୀ ପର୍ଯ୍ୟଟକ ପ୍ରବେଶ କରିଛନ୍ତି। ଶନିବାର ଏହି ବିଦେଶିନୀଙ୍କୁ ୨୨ ପାହାଚ ଠାରେ ସେବାୟତ ଚିହ୍ନଟ କରିଛନ୍ତି। ପରେ ସିଂହଦ୍ଵାର ଥାନା ପୁଲିସ ବିଦେଶିନୀଙ୍କୁ ଅଟକ ରଖିଛି। 

ସୂଚନାନୁଯାୟୀ, ମହିଳା ବିଦେଶୀ ପର୍ଯ୍ୟଟକ ଜଣଙ୍କ ପୋଲାଣ୍ଡ ନାଗରିକ। ସେ ଶ୍ରୀମନ୍ଦିର ଭିତରେ ବିଦେଶୀଙ୍କ ପ୍ରବେଶ ଉପରେ କଟକଣା ଥିବା ବେଳେ କେଉଁ କାରଣ ପାଇଁ ସେ ପ୍ରବେଶ କଲେ ସେନେଇ ପୁଲିସ ଅଧିକ ଅନୁସନ୍ଧାନ କରୁଛି। ବିଦେଶିନୀଙ୍କ ସହିତ ଯାଇଥିବା ଅନ୍ୟ ଜଣେ ଯୁବକଙ୍କୁ ମଧ୍ୟ ପୁଲିସ ଅଟକ ରଖିଛି। ସେ ଏକ ଦଳ ସହ ଶ୍ରୀମନ୍ଦିର ଭିତରକୁ ପଶି ଯାଇଥିବା ଜଣାପଡିଛି। ତାଙ୍କର ପାସପୋର୍ଟ ଯାଞ୍ଚ୍ କରାଯାଉଛି। ସଂପୃକ୍ତ ବିଦେଶିନୀ ୨୦୨୩ ମସିହାରେ ମଧ୍ୟ ଭାରତକୁ ଆସିଥିବା ଅତିରିକ୍ତ ଏସପି ସୁଶୀଲ ମିଶ୍ର ସୂଚନା ଦେଇଛନ୍ତି।