ଲକ୍ଷ୍ନୌ,୩୦।୩: କଡ଼ା ସୁରକ୍ଷା ଭିତରେ ସରିଲା ଉତ୍ତରପ୍ରଦେଶର ମାଫିଆ ଡନ୍ ତଥା ମଉର ପୂର୍ବତନ ବିଧାୟକ ମୁଖତାର ଅନସାରୀଙ୍କ ଶେଷକୃତ୍ୟ।୬୦ ବର୍ଷୀୟ ମୁଖତାର ଅନସାରୀଙ୍କୁ ଶନିବାର ଗାଜିପୁରର କାଲିବାଗ କବ୍ରିସ୍ତାନରେ କବର ଦିଆଯାଇଛି। ଗୁରୁବାର ରାତିରେ ଜେଲ ଭିତରେ ହୃଦ୍ଘାତରେ ସେ ପ୍ରାଣ ହରାଇଥିଲେ।ତାଙ୍କ ମୃତ୍ୟୁକୁ ନେଇ ବିଭିନ୍ନ ପ୍ରକାର ବାଦ ବିବାଦ ପରେ ଶେଷରେ ଅନ୍ତିମ ସଂସ୍କାର ସରିଲା। ପରିବାର ଲୋକ ଜେଲ୍ କର୍ତ୍ତୁପକ୍ଷ ସ୍ଳୋ ପଏଜନ୍ ଦେଇଥିବାର ଅଭିଯୋଗ ଆଣିଥିଲେ।
#WATCH ग़ाज़ीपुर, उत्तर प्रदेश: मुख्तार अंसारी के भाई अफ़ज़ल अंसारी काली बाग कब्रिस्तान में उनके अंतिम संस्कार के लिए मौजूद हैं। pic.twitter.com/8iu3FjivnQ
— ANI_HindiNews (@AHindinews) March 30, 2024
ଅନସାରୀଙ୍କ ଅନ୍ତିମ ସଂସ୍କାରରେ ଭାଗ ନେବାକୁ ହଜାର ହଜାର ସଂଖ୍ୟାରେ ଲୋକ ଏକତ୍ରିତ ହୋଇଥିଲେ, କିନ୍ତୁ ପ୍ରଶାସନ କେବଳ ତାଙ୍କ ପରିବାର ଲୋକଙ୍କୁ ହିଁ ଏଥିରେ ସାମିଲ ହେବାକୁ ଅନୁମତି ଦେଇଥିଲା। ଅନ୍ତିମ ସଂସ୍କାରରେ ପରିବାର ଲୋକଙ୍କ ଭିତରେ ପୁଅ ଉମର ଅନସାରୀ ଓ ଭାଇ ଅଫଜଲଙ୍କ ବ୍ୟତୀତ ଆଉ କେହି ନଥିଲେ।
ଅନସାରୀଙ୍କ ଅନ୍ତିମ ସଂସ୍କାର ପୂର୍ବରୁ ତାଙ୍କ ପତ୍ନୀ ଶେଷଥର ପାଇଁ ତାଙ୍କ ମୁହଁ ଦେଖିପାରି ନଥିଲେ। କାରଣ ତାଙ୍କ ପତ୍ନୀ ଅଫଶାନ୍ ଅନସାରୀଙ୍କୁ ଗିରଫ ହେବାର ଭୟ ଥିଲା। ସେ ଦୀର୍ଘ ଦିନ ହେବ ଫେରାର ଅଛନ୍ତି। ଅଫଶାନଙ୍କ ବିରୋଧିରେ ଅନେକ ମାମଲା ରହିଛି। ୟୁପି ପୋଲିସ ତାଙ୍କ ବିରୋଧରେ ଲୁକ୍ ଆଉଟ୍ ନୋଟିସ୍ ଜାରି କରିବା ସହ ୭୫ ହଜାର ଟଙ୍କାର ପୁରସ୍କାର ରଖିଛି। ଅଫାଶାନ୍ଙ୍କ ବିରୋଧରେ ଜମି ହଡପଠାରୁ ନେଇ ଗ୍ୟାଙ୍ଗଷ୍ଟର ଆକ୍ଟ ପର୍ଯ୍ୟନ୍ତ ବହୁ ଗମ୍ଭୀର ମାମଲା ରହିଛି।
