ସମ୍ବଲପୁର, ୨୧।୦୫ : ସମ୍ବଲପୁରରେ ଗୃହମନ୍ତ୍ରୀ ଅମିତ ଶାହଙ୍କ ପ୍ରଚାର। ଏକ ଜନସଭାରେ ସେ ସମ୍ବୋଧନ କରି କହିଛନ୍ତି ଯେ, ଦେଶରେ ବିଜେପି ଭଲ ସ୍ଥିତିରେ ରହିଛି। ୫ଟି ପର୍ଯ୍ୟାୟ ନିର୍ବାଚନ ପରେ ବିଜେପିକୁ ୩୧୦ ଆସନ ମିଳିଛି । ବାକି ୨ଟି ପର୍ଯ୍ୟାୟ ନିର୍ବାଚନ ପରେ ୪୦୦ ପାର୍ କରିବାକୁ ଲକ୍ଷ୍ୟ ରଖିଛି। ଓଡିଶାରେ ୭୫ରୁ ଅଧିକ ଆସନ ଜିତି ସରକାର କରିବୁ। 

ଶାହ ଆହୁରି ମଧ୍ୟ କହିଛନ୍ତି ଯେ, ଓଡ଼ିଶାରେ ପରିବର୍ତ୍ତନ ହେବାକୁ ଯାଉଛି। ଓଡିଶାର ଭାଷା ଏବଂ ସଂସ୍କୃତି ଆଧାରରେ ହେବ ସରକାର । ଦେଶର ସବୁଠୁ ଗରିବ ଲୋକ ଓଡ଼ିଶାରେ ଅଛନ୍ତି । ବିଜେପି ଆସିଲେ ଦକ୍ଷ ଓ ପରିଶ୍ରମୀ ଓଡ଼ିଆଙ୍କୁ ମୁଖ୍ୟମନ୍ତ୍ରୀ କରିବୁ। ଓଡ଼ିଶାରେ ଖଣିଜ ସମ୍ପଦର ଭରପୁର ବିନିଯୋଗ ହେବ। ଓଡିଶାର ୬୪୦୦ ଗାଁକୁ ରାସ୍ତା ନାହିଁ । ୮ ହଜାର ଗାଁରେ ସ୍କୁଲ ବନ୍ଦ ହୋଇଛି । ରଥଯାତ୍ରା ବନ୍ଦ କରିବାକୁ ଷଡଯନ୍ତ୍ର କରାଯାଇଥିଲା। କିନ୍ତୁ ପ୍ରଧାନମନ୍ତ୍ରୀ ଏହାକୁ କରାଇଦେଇନଥିଲେ। ଶେଷରେ ବହୁ ବାଧାବିଘ୍ନ ପରେ ରଥଯାତ୍ରା ହୋଇଥିଲା।