ପ୍ରମୁଖ ଖବର
  • ମୟୂରଭଞ୍ଜ ଗସ୍ତରେ ଯିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ରାଇରଙ୍ଗପୁର ଏବଂ ବାରିପଦାରେ ଦଳୀୟ ପ୍ରାର୍ଥୀଙ୍କ ପାଇଁ କରିବେ ପ୍ରଚାର
  • ||
  • ନିର୍ବାଚନ ପାଇଁ ଦୁଇ ଦିନ ମଦ ଦୋକାନ ଏବଂ ବାର୍‌ ବନ୍ଦ, ଭୋଟ୍‌ ଗଣତି ଦିନ ରାଜ୍ୟସାରା ମଦ ଦୋକାନ ବନ୍ଦ
  • ||
  • ଶନିବାର ତୃତୀୟ ପର୍ଯ୍ୟାୟ ମତଦାନ: ୬ ଲୋକସଭା, ୪୨ ବିଧାନସଭା ସିଟ୍‌ରେ ୪୪୭ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା
  • ||
  • ରଥଖଳା ହାଲ୍‌ଚାଲ୍‌...ସିଙ୍ଗଡ଼ା ବାଡ଼ିଆ, ପହି ବିନ୍ଧ ଅନୁକୂଳ...
  • ||
  • IPL 2024: ଦ୍ୱିତୀୟ କ୍ୱାଲିଫାୟରରେ ମୁହାଁମୁହିଁ ହେବେ ରୟାଲ୍ସ- ସନରାଇଜର୍ସ, ଟ୍ରାଭିସେକ ଯୋଡ଼ିଙ୍କୁ ଅଟକାଇବେ ସ୍ପିନ୍‌ ଟାଇଟନ
  • ||
  • ଦାନା ବାନ୍ଧୁଛି ବାତ୍ୟା ‘ରେମାଲ୍‌’: ୨୫ରେ ବାତ୍ୟା ରୂପ ନେବ, ୨୬ରେ ଭୀଷଣ ବାତ୍ୟାରେ ହେବ ପରିଣତ
  • ||

‘ଏହା ସିଷ୍ଟମ ମୁହଁରେ ଚାପୁଡା...’, କେଜ୍ରିଓ୍ବାଲଙ୍କ ନିର୍ବାଚନୀ ଭାଷଣ ନେଇ ସୁପ୍ରିମକୋର୍ଟଙ୍କ ଦ୍ବାରସ୍ତ ହେଲା ଇଡି

ନୂଆଦିଲ୍ଲୀ,୧୬।୫: ଦିଲ୍ଲୀ ମଦ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀକୁ ଚ୍ୟାଲେଞ୍ଜ ଦେଇଥିବା ଆବେଦନ ଉପରେ ଗୁରୁବାର ସୁପ୍ରିମକୋର୍ଟରେ ଶୁଣାଣି ହୋଇଛି। ଜଷ୍ଟିସ୍ ସଞ୍ଜୀବ ଖାନ୍ନା ଓ ଜଷ୍ଟିସ୍ ଦୀପଙ୍କର ଦତ୍ତାଙ୍କ ଖଣ୍ଡପୀଠ ଶୁଣାଣି କରୁଛନ୍ତି।  ଶୁଣାଣି ବେଳେ କେଜ୍ରିଓ୍ବାଲଙ୍କ ଓକିଲ ଅଭିଷେକ ମନୁ ସିଙ୍ଘଭି କହିଛନ୍ତି, ତାଙ୍କ କ୍ଲାଏଣ୍ଟଙ୍କ ଗିରଫଦାରୀ ଠିକ୍ ନଥିଲ। ଏହି କାରଣରୁ ତାଙ୍କର ରିମାଣ୍ଡ ଠିକ୍ ନଥିଲା। ଇଡି ପକ୍ଷରୁ ଆଡିସନାଲ ସଲିସିଟର ଜେନେରାଲ ଏସଭି ରାଜୁ କହିଛନ୍ତି, କେଜ୍ରିଓ୍ବାଲଙ୍କ ଗିରଫଦାରୀରେ କୌଣସି ପକ୍ରିୟାର ଉଲଂଘନ ହୋଇନାହିଁ।

ଏହାକୁ ନେଇ ସୁପ୍ରିମକୋର୍ଟ ସଲିସିଟର ଜେନେରାଲଙ୍କୁ କହିଛନ୍ତି, ଏହି ପ୍ରସଙ୍ଗ ଉବରେ ଯୁକ୍ତି କରିବାର ଆବେଦନ ଶୁଣାଣି ଯୋଗ୍ୟ ନୁହେଁ। କୋର୍ଟ କହିଛନ୍ତି, ଯଦି ଏହି ମାମଲାରେ ଧାରା ୧୯ର ଉଲଂଘନ ହୁଏ, ତେବେ କୋର୍ଟ ହସ୍ତକ୍ଷେପ କରିପାରନ୍ତି। ଏହି ମାମଲାରେ ସେ ପ୍ରଥମେ ଆବେଦନ ଦାଖଲ କରିଥିଲେ ,କିନ୍ତୁ ଆମେ ସେତେବେଳେ ଶୁଣାଣି କରିନଥିଲୁ।

ନିର୍ବାଚନ ପ୍ରଚାର ସମୟରେ କେଜ୍ରିୱାଲ ଦେଇଥିବା ବକ୍ତବ୍ୟକୁ ନେଇ ସର୍ବୋଚ୍ଚ ଅଦଲାତରେ ପହଞ୍ଚିଛି ତଦନ୍ତକାରୀ ସଂସ୍ଥା। ସୁପ୍ରିମକୋର୍ଟ ଜାମିନ ଦେବାକୁ ନେଇ ପ୍ରଚାର ସମୟରେ କେଜ୍ରିୱାଲ କହିଥିଲେ, ଏହା 'ବ୍ୟବସ୍ଥା ଗାଲକୁ ଚାପୁଡା', ଏହାକୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ସୁପ୍ରିମକୋର୍ଟରେ ପହଞ୍ଚିଛି।

 ଗୁରୁବାର ସୁପ୍ରିମକୋର୍ଟରେ ଶୁଣାଣି ହୋଇଛି। ଜଷ୍ଟିସ୍ ସଞ୍ଜିବ ଖାନ୍ନା ଓ ଜଷ୍ଟିସ୍ ଦୀପଙ୍କର ଦତ୍ତାଙ୍କ ଖଣ୍ଡପୀଠ ମାମଲାର ଶୁଣାଣି କରୁଛନ୍ତି।ଜାମିନରେ ଆସିବା ପରେ ନିର୍ବାଚନ ପ୍ରଚାରରେ ଲାଗି ପଡ଼ିଛନ୍ତି କେଜ୍ରିୱାଲ। ପ୍ରଚାର ସମୟରେ ସେ ବିରୋଧୀ ଦଳକୁ ଟାର୍ଗେଟ କରିବା ସହ କେନ୍ଦ୍ରୀୟ ତଦନ୍ତକାରୀ ସଂସ୍ଥାକୁ ମଧ୍ୟ ଆକ୍ଷେପ କରିଛନ୍ତି। ପ୍ରଚାର ବେଳେ କେଜ୍ରିୱାଲ କହିଥିଲେ, "ମୋତେ ଜାମିନ ମିଳିବା ବ୍ୟବସ୍ଥା ଗାଲକୁ ଚାପୁଡା ଲାଗିବା ଭଳି। ପଦ୍ମ ଚିହ୍ନରେ ଭୋଟ୍ ଦେଲେ ମୋତେ ପୁଣି ଜୁନ୍‌ ୨ରେ ଜେଲ୍ ଯିବାକୁ ପଡ଼ିବ। ଯଦି ଆପଣମାନେ ଆପ୍‌କୁ ଭୋଟ୍ ଦିଅନ୍ତି, ତେବେ ମୋତେ ଆଉ ଜେଲ ଯିବାକୁ ପଡ଼ିବନି।" ଏହାକୁ ନେଇ ଜଷ୍ଟିସ୍ ଖାନ୍ନା କହିଛନ୍ତି, ଆମ ନିର୍ଦେଶ ବିଲକୁଲ୍‌ ସ୍ପଷ୍ଟ। ଆମେ ଅନ୍ତରୀଣ ଜାମିନ୍‌ ମିଆଦ ଧାର୍ଯ୍ୟ କରିଛୁ, କେବେଠାରୁ କେଉଁ ପର୍ଯ୍ୟନ୍ତ କେଜ୍ରିଓ୍ବାଲଙ୍କୁ ଆଶ୍ବସ୍ତି ଦିଆଯାଇଛି। ଆରମ ନିର୍ଦେଶ ସ୍ପଷ୍ଟ ରହିଛି। କ’ଣ କିଏ କହୁଛି, ଏଥିରେ ଆମକୁ କିଛି ଫରକ ପଡେନି।  ଭଲ ହେବ ଆମେ ଆଇନଗତ ଦିଗ ଉପରେ ଯୁକ୍ତି କରିବା।‘

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.