ନୂଆଦିଲ୍ଲୀ,୧୮/୧୧: ବାରାଣାସୀ ଜିଲ୍ଲା କୋର୍ଟ ଶନିବାର ଦିନ ଜ୍ଞାନବ୍ୟାପି ମସଜିଦ ପରିସରର ବୈଜ୍ଞାନିକ ସର୍ବେକ୍ଷଣ ରିପୋର୍ଟ ଦାଖଲ କରିବାକୁ ଭାରତୀୟ ପ୍ରତ୍ନତାତ୍ତ୍ୱିକ ସର୍ବେକ୍ଷଣ ରିପୋର୍ଟ ଦାଖଲ କରିବାକୁ ଆହୁରି ୧୦ ଦିନ ସମୟ ଦେଇଛନ୍ତି। ସୂଚନାଯୋଗ୍ୟ ଯେ, ରିପୋର୍ଟ ଦାଖଲ କରିବାକୁ ଏଏସ୍ଆଇକୁ ପୂର୍ବରୁ ନଭେମ୍ବର ୧୭ ପର୍ଯ୍ୟନ୍ତ ସମୟ ଦିଆଯାଇଥିଲା କିନ୍ତୁ ଶୁକ୍ରବାର ଦିନ ତାଙ୍କ ଓକିଲ କୋର୍ଟରୁ ଆଉ ୧୫ ଦିନ ମାଗିଥିଲେ। ହିନ୍ଦୁ ଦଳର ଓକିଲ ମଦନ ମୋହନ ଯାଦବଙ୍କ ଅନୁଯାୟୀ, ବୈଷୟିକ ରିପୋର୍ଟ ଗ୍ରହଣ କରାଯାଇ ନ ଥିବାରୁ ଏଏସଆଇ ଅଧିକ ସମୟ ମାଗିଥିଲା। ଶନିବାର ଦିନ ଏହି ମାମଲାର ଶୁଣାଣି କରି ଜିଲ୍ଲା ଜଜ୍ ଏ.କେ ବିଶ୍ୱେଶ ଏଏସଆଇକୁ ନଭେମ୍ବର ୨୮ ସୁଦ୍ଧା ରିପୋର୍ଟ ଦାଖଲ କରିବାକୁ କହିଛନ୍ତି।
ପଢ଼ନ୍ତୁ: 'ଗରିବଙ୍କ ପାଇଁ ମୁଁ ଜେଲ୍ ଯିବାକୁ ମଧ୍ୟ ପ୍ରସ୍ତୁତ ' … ଭରତପୁରରେ କଂଗ୍ରେସ ଉପରେ ବର୍ଷିଲେ ପ୍ରଧାନମନ୍ତ୍ରୀ ମୋଦି
ସୂଚନାଥାଉକି, ନଭେମ୍ବର ୨ ରେ, ଏଏସ୍ଆଇ କୋର୍ଟକୁ କହିଛି ଯେ ସର୍ଭେ ଶେଷ ହୋଇ ସାରିଛି, କିନ୍ତୁ ସର୍ଭେ କାର୍ଯ୍ୟରେ ବ୍ୟବହୃତ ଯନ୍ତ୍ରପାତିର ବିବରଣୀ ସହିତ ରିପୋର୍ଟ ପ୍ରସ୍ତୁତ କରିବାକୁ ଅଧିକ ସମୟ ଲାଗିପାରେ। ଏହା ପରେ ନଭେମ୍ବର ୧୭ ପର୍ଯ୍ୟନ୍ତ ଡକ୍ୟୁମେଣ୍ଟ ଦାଖଲ କରିବାକୁ କୋର୍ଟ ଅତିରିକ୍ତ ସମୟ ଦେଇଥିଲେ। ଅକ୍ଟୋବର ୫ ତାରିଖରେ କୋର୍ଟ ଏଏସଆଇକୁ ଚାରି ସପ୍ତାହ ଅଧିକ ସମୟ ଦେଇଥିଲେ ଏବଂ ସର୍ଭେର ଅବଧି ଏହାଠାରୁ ଅଧିକ ବୃଦ୍ଧି କରାଯିବ ନାହିଁ ବୋଲି ମଧ୍ୟ କହିଥିଲେ।
କୋର୍ଟଙ୍କ ଆଦେଶ ପରେ ଜ୍ଞାନବ୍ୟାପୀ ପରିସରରର ସର୍ବେକ୍ଷଣ କାମ ଆରମ୍ଭ ହୋଇଥିଲା, ଯାହାକି ତିନି ମାସରୁ ଅଧିକ ସମୟ ଧରି ଚାଲିଥିଲା। ଏଏସ୍ଆଇର ୪୦ ସଦସ୍ୟ ବିଶିଷ୍ଟ ଟିମ୍ ସର୍ବେକ୍ଷଣରେ ଗ୍ରାଉଣ୍ଡ ଅନୁପ୍ରବେଶ ରାଡାର ସିଷ୍ଟମ ସମେତ ଅନେକ ଅତ୍ୟାଧୁନିକ ଯନ୍ତ୍ରପାତିର ସାହାଯ୍ୟ ନେଇଥିଲେ। ନୂତନ ବୈଷୟିକ ଜ୍ଞାନକୌଶଳ ବ୍ୟବହାର କରି ଜ୍ଞାନବ୍ୟାପି ପରିସରରେ ନିର୍ମିତ ସଂରଚନା ଏବଂ ଏହାର ତଳ ମହଲା ସହିତ ଗମ୍ବୁଜ ଏବଂ ଉପର ମାପ କରି ଏକ ବିସ୍ତୃତ ରିପୋର୍ଟ ପ୍ରସ୍ତୁତ କରାଯାଇଛି। ଏଥିରେ ହାଇଦ୍ରାବାଦ ଏବଂ କାନପୁରର ବିଶେଷଜ୍ଞମାନେ ମଧ୍ୟ ସହଯୋଗ କରିଥିଲେ। ସର୍ଭେରେ, ଥ୍ରିଡି ଫଟୋଗ୍ରାଫି ଏବଂ ସ୍କାନିଂ ସହିତ ଡିଜିଟାଲ ମ୍ୟାପିଂ ମଧ୍ୟ କରାଯାଇଛି।
You can also read: ଭାରତରେ ଯୁଦ୍ଧ ବିମାନ ତିଆରି କରିବାର ରାସ୍ତା ସଫା, ‘ଜେନେରାଲ ଇଲେକ୍ଟ୍ରିକ୍’କୁ ଆମେରିକା ଦେଲା ସମସ୍ତ ମଞ୍ଜୁରୀ
