ଭୁବନେଶ୍ଵର, ୧୭/୧୧ : ଠିକାଦାରଙ୍କ ୧୮ ଲକ୍ଷ ଟଙ୍କା ନ ଦେଇପାରିବାରୁ ନିର୍ମାଣ ସୌଧ କୋଠାବାଡ଼ି ମୁଖ୍ୟଯନ୍ତ୍ରୀଙ୍କ କାର୍ଯ୍ୟାଳୟର ଆସବାବପତ୍ର ନିଲାମ । ନିଲାମ ପାଇଁ ମୁଖ୍ୟଯନ୍ତ୍ରୀ ଦୁଃଖବନ୍ଧୁ ବେହେରାଙ୍କ କାର୍ଯ୍ୟାଳୟରେ କୋର୍ଟ କର୍ମଚାରୀ ଉପସ୍ଥିତ ଅଛନ୍ତି। ଭୁବନେଶ୍ୱର ସିନିୟର୍ ଡିଭିଜନ୍ ସବ୍ ଜଜ୍ଙ୍କ ନିର୍ଦ୍ଦେଶ କ୍ରମେ ନିଲାମ କରାଯାଇଛି। ମୁଖ୍ୟଯନ୍ତ୍ରୀଙ୍କ ଅଫିସ୍ର କମ୍ପ୍ୟୁଟର, ପ୍ରିଣ୍ଟର, ଏସି ଆଦି ନିଲାମ କରାଯାଉଛି।
ସୂଚନାନୁଯାୟୀ, ୧୯୯୮ ମସିହାରେ ନତାଲା ନିର୍ମାଣ କରିଥିଲେ କନଷ୍ଟ୍ରକସନ୍ ଇଣ୍ଡିଆ ଠିକାଦାର ଦୀନେଶ ପାଠକ। ସରକାର ଟଙ୍କା ବାକି ରଖିବାରୁ ଠିକାଦାର କୋର୍ଟ ଯାଇଥିଲେ। ତାଙ୍କ ମାମଲାର ଶୁଣାଣି ପରେ କୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି। ପୂର୍ବରୁ ଏହି ମାମଲାରେ ମୁଖ୍ୟଯନ୍ତ୍ରୀ ଦୁଃଖବନ୍ଧୁ ବେହେରା ସମୟ ନେଇଥିଲେ । ଏପ୍ରିଲ ୨୯ ତାରିଖରେ ପୂର୍ବରୁ କୋର୍ଟ ଏହିଭଳି ନିର୍ଦ୍ଦେଶ ଦେଇଥିଲେ। ସେ ସମୟରେ ମୁଖ୍ୟଯନ୍ତ୍ରୀଙ୍କ ପକ୍ଷରୁ ସମୟ ନିଆଯାଇଥିଲା। ସମୟ ମଧ୍ୟରେ ଟଙ୍କା ପୈଠ ନକରିବାରୁ ପୁଣି କୋର୍ଟ ଏଭଳି ନିର୍ଦ୍ଦେଶ ଦେଇଛନ୍ତି ।
