କଟକ,୧୬/୧୧: ବଡ ବଡ କାଚ ଓ ଲୁହାର ଟନେଲ୍ । ସେଥିରେ ଜଳପରୀ ସହିତ ଭଗବାନ ବିଷ୍ଣୁ । ବାଲିଯାତ୍ରାର ମୁଖ୍ୟ ଆକର୍ଷଣ ହେବାକୁ ଥିବା ଟନେଲ୍ ଆକ୍ୱାରିୟମ୍ ଖଞ୍ଜିବା ପ୍ରକ୍ରିୟା ଆରମ୍ଭ ହୋଇଛି । ଅନ୍ୟପକ୍ଷରେ ଏହାର ପ୍ରବେଶ ପଥ ଓ ଭିତରେ ଆକର୍ଷଣ ପାଇଁ ଆସିଥିବା ନକଲି କୁମ୍ଭୀର ଓ ହାତୀ ଆସିଛି । ଯାହା ପଡିଆରେ ରଖା ଯାଇଥିଲାବେଳେ ଏହାକୁ ଦେଖିବାକୁ ଭିଡ ଜମୁଛି ।
୧୫ଟି ପାର୍କିଂ ଜାଗା ପାଇଁ ଟେଣ୍ଡର ଡାକିଲା ସିଏମ୍ସି
ପ୍ରଥମ ଥର ପାଇଁ ବାଲିଯାତ୍ରାରେ ଦେଖିବାକୁ ମିଳିବ ଟନେଲ୍ ଆକ୍ୱାରିୟମ୍ । କେରଳରୁ ଟ୍ରକ୍ ଯୋଗେ ଆଣି ବାଲିଯାତ୍ରା ତଳ ପଡିଆରେ ଏହାକୁ ସ୍ଥାପନ କରାଯାଉଛି । ତେବେ ବର୍ତ୍ତମାନ ସୁଦ୍ଧା ୧୪ଟି ଟ୍ରକ୍ ଯୋଗେ ବିଭିନ୍ନ ସାମଗ୍ରୀ ଆସିଥିଲାବେଳେ ଏହାକୁ ଖଞ୍ଜିବା ପାଇଁ ୫୦ରୁ ୬୦ଜଣ ଶ୍ରମିକ ଲାଗିପଡିଛନ୍ତି । ବାକି ୧୨ଟି ଟ୍ରକ୍ରେ ସାମଗ୍ରୀ ଆସୁଛି । ଏହାସହ ୨୫ତାରିଖରେ ଉଡାଜାହାଜ ଯୋଗେ ରଙ୍ଗିନ ମାଛ ଆଣି ପରୀକ୍ଷାମୂଳକ ଭାବେ ଆରମ୍ଭ କରାଯିବ ।
