କୋଲକାତା,୨୪/୦୫: ନିକଟରେ କୋଲକାତାରେ ବାଂଲାଦେଶୀ ସାଂସଦ ଅନୱାରୁଲ ଅଜିମ ଅନାରଙ୍କୁ ଅତି ନିର୍ମମ ଭାବେ ହତ୍ୟା କରାଯାଇଥିଲା। ତାଙ୍କ ଖଣ୍ଡବିଖଣ୍ଡିତ ଶରୀରକୁ କୋଲକତାର ଏକ ଫ୍ଳାଟରୁ ଉଦ୍ଧାର କରାଯାଇଥିଲା। କୋଲକାତାର ନ୍ୟୁଟାଉନ୍ ଅଞ୍ଚଳରେ ଅନୱାରୁଲଙ୍କୁ ହନିଟ୍ରାପ୍ରେ ଫସାଇବାକୁ ଯେଉଁ ଝିଅଟିକୁ ବ୍ୟବହାର କରାଯାଇଥିଲା, ତାକୁ ବାଂଲାଦେଶରୁ ଗିରଫ କରାଯାଇଛି। ଏହି ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଅଖ୍ତର ରଜମାନ ଶାହିନ୍ ହନିଟ୍ରାପକୁ ମାଧ୍ୟମ କରି ବାଂଲାଦେଶୀ ସାଂସଦଙ୍କୁ ଫାଶରେ ପକାଇଥିଲା। ଶାହିନ୍ ସିଲନ୍ତୀ ରେହମାନଙ୍କୁ ସାଂସଦ ଅନାରଙ୍କ ଗର୍ଲଫ୍ରେଣ୍ଡ କରିଥିଲେ। ଏକ ମେସେଜ୍ କରି ସିଲାନ୍ତି ବାଂଲାଦେଶୀ ସାଂସଦଙ୍କୁ ନ୍ୟୁଟାଉନ୍କୁ ଡକାଇଥିଲା।
ବାଂଲାଦେଶ ପୋଲିସର ସୂଚନା ମୁତାବକ, ସାଂସଦ ଅନୁଓ୍ବାରୁଲ୍ ଅଜିମ୍ ଅନଓ୍ବରଙ୍କୁ ହନିଟ୍ରାପରେ ଫସେଇ କୋଲକାତା ପ୍ଲାଟ୍କୁ ଡାକିଥିଲା ଅଭିଯୁକ୍ତ । ସେଠାରେ ପହଞ୍ଚିବା ପରେ ହତ୍ୟା କରାଯାଇଛି । ତେବେ ହନିଟ୍ରାପ ମହିଳା ଜଣକ ବାଂଲାଦେଶୀ ସାଂସଦଙ୍କ ବନ୍ଧୁର ଘନିଷ୍ଠ ବୋଲି ପୋଲିସ କହିଛି । କେବଳ ଏତିକି ନୁହେଁ ବରଂ ସାଂସଦଙ୍କ ସହିତ ଜଣେ ପୁରୁଷ ଓ ମହିଳା ଫ୍ଲାଟ୍କୁ ଯାଉଥିବାର ସିସିଟିଭି ଫୁଟେଜରେ ଦେଖିବାକୁ ମିଳିଛି। ହତ୍ୟାକାଣ୍ଡର ପର ଦିନ ମହିଳା ଓ ପୁରୁଷ ବାହାରକୁ ବାହାରିଥିଲେ ହେଲେ ସାଂସଦ ବାହାରି ନଥିଲେ । ସେଠାରେ ଅନୁଓ୍ବାରୁଲ୍ ଅଜିମ୍ ଅନଓ୍ବରଙ୍କୁ ହତ୍ୟା ପରେ ଶରୀରକୁ ଖଣ୍ଡ ଖଣ୍ଡ କରିଦେଇଥିଲା ହତ୍ୟାକାରୀ।
ବାଂଲାଦେଶ ଉଚ୍ଚ ଆୟୋଗଙ୍କ କହିବା ଅନୁଯାୟୀ, ମେ’ ୧୨ ତାରିଖରେ ସାଂସଦ ଅନୁଓ୍ବାରୁଲ୍ ଅଜିମ୍ ଅନଓ୍ବର କୋଲକାତା ଆସିଥିଲେ । ସହର ଉତ୍ତର ଅଞ୍ଚଳରେ ଥିବା ବାରାନଗରରେ ନିଜ ବନ୍ଧୁଙ୍କ ଘରେ ରହିଥିଲେ । ୧୩ ତାରିଖରେ କୌଣସି ବ୍ୟକ୍ତିଙ୍କୁ ସାକ୍ଷାତ କରିବାକୁ ଯାଇ ଆଉ ଫେରିନଥିଲେ । ୧୮ ତାରିଖରେ ତାଙ୍କ ବନ୍ଧୁ ଗୋପାଳ ବିଶ୍ବାସ ଥାନା ନିଖୋଜ ହେବା ନେଇ ଏତଲା ଦେବା ପରେ ସାଂସଦ ଅନବାରୁଲ ଅଜିମଙ୍କ ବାବଦ ଜାଣିବାକୁ ମିଳିଥିଲା । ଏବେ ଏହି ହତ୍ୟା ଘଟଣାରେ ପଶ୍ଚିମବଙ୍ଗ ସିଆଇଡି ଅଧିକ ତଦନ୍ତ କରୁଛି ।