ନୂଆଦିଲ୍ଲୀ: ପୂର୍ବତନ କେନ୍ଦ୍ରମନ୍ତ୍ରୀ ଏବଂ ବିଜେପି ସାଂସଦ ଜୟନ୍ତ ସିହ୍ନାଙ୍କୁ କାରଣ ଦର୍ଶାଅ ନୋଟିସ୍ । ଚଳିତ ନିର୍ବାଚନରେ ସେ ଭୋଟି ଦେଇନଥିବା ବେଳେ ଦଳର ପ୍ରଚାରରେ ସାମିଲ ହୋଇନାହାନ୍ତି । ଆଉ ଏଥିପାଇଁ ତାଙ୍କ ପାଖରୁ କାରଣ ଜାଣିବାକୁ ନୋଟିସ କରିଛି ଭାରତୀୟ ଜନତା ପାର୍ଟି (ବିଜେପି) । ଦୁଇ ଦିନ ଭିତରେ ଏହାର ଉତ୍ତର ଦେବାକୁ ତାଙ୍କୁ ନିର୍ଦ୍ଦେଶ ଦିଆଯାଇଛି। ଜୟନ୍ତ ସିହ୍ନାଙ୍କ ବ୍ୟତୀତ ଧାନବାଦ ବିଧାୟକ ରାଜ ସିହ୍ନାଙ୍କୁ ମଧ୍ୟ ବିଜେପି ନୋଟିସ ଜାରି କରିଛି ।
ହଜାରିବାଗ ଲୋକସଭା ଆସନରେ ମନୀଷ ଜୟସଓ୍ୱାଲଙ୍କୁ ପ୍ରାର୍ଥୀ କରାଯିବା ପରଠାରୁ ନିର୍ବାଚନ ପ୍ରଚାର କିମ୍ବା ସାଙ୍ଗଠନିକ କାମରେ ଆପଣ କାହିଁକି ରୁଚି ଦେଖାଇଲେ ନାହିଁ। ଏପରି ନିର୍ବାଚନରେ ନିଜର ଭୋଟ ଦେବା ଅଧିକାରକୁ ମଧ୍ୟ ସାବ୍ୟସ୍ତ କାହିଁକି କଲେ ନାହିଁ ବୋଲି ଦଳ ଜୟନ୍ତ ସିହ୍ନାଙ୍କୁ ପ୍ରଶ୍ନ କରିଛି।
ଲୋକସଭା ନିର୍ବାଚନରେ ବିଜେପି ଜୟନ୍ତ ସହ୍ନାଙ୍କୁ ଟିକେଟ୍ ଦେଇନାହିଁ । ଦଳର ଏହି ନିଷ୍ପତ୍ତିକୁ ନେଇ ସେ ଅସନ୍ତୁଷ୍ଟ ଅଛନ୍ତି। ଏଥିପାଇଁ ସେ ନିର୍ବାଚନ ପ୍ରଚାରରୁ ମଧ୍ୟ ନିଜକୁ ଦୂରେଇ ରଖିଥିବା କୁହାଯାଉଛି। ତାଙ୍କର ଏହି ମନୋଭାବକୁ ଦେଖି ବିଜେପି ରାଜ୍ୟ ସଭାପତି ବାବୁଲାଲ ମାରାଣ୍ଡିଙ୍କ ନିର୍ଦ୍ଦେଶ ଅନୁଯାୟୀ ତାଙ୍କୁ ଏକ କାରଣ ଦର୍ଶାଅ ନୋଟିସ ଜାରି କରାଯାଇଛି ।
ସେହିପରି ଧାନବାଦ ବିଧାୟକଙ୍କୁ ମଧ୍ୟ ବିଜେପି କାରଣ ଦର୍ଶାଅ ନୋଟିସ୍ ଜାରି କରିଛି। ଧାନବାଦ୍ ଆସନରୁ ଦଳର ପ୍ରାର୍ଥୀଙ୍କ ବିରୋଧରେ ବିବୃତ୍ତି ଦେଇଥିବାରୁ ବିଜେପି ଧନବାଦ୍ ବିଧାୟକ ରାଜ ସିହ୍ନାଙ୍କୁ କାରଣ ଦର୍ଶାଅ ନୋଟିସ୍ ପଠାଇଥିବା ଜଣାପଡ଼ିଛି।