ଚେନ୍ନାଇ: ଆଇପିଏଲ-୨୦୨୪ର ସପ୍ତମ ମ୍ୟାଚ୍‌ରେ ଚେନ୍ନାଇ ସୁପର କିଙ୍ଗ୍ସର ଦମଦାର ବିଜୟ । ବ୍ୟାଟରଙ୍କ ବିସ୍ଫୋରକ ବ୍ୟାଟିଂ ପରେ ବୋଲରଙ୍କ ମାପଚୁପ ବୋଲିଂ ବଳରେ ଚେନ୍ନାଇ ସୁପର କିଙ୍ଗ୍ସ ଗୁଜରାଟ ଟାଇଟନ୍ସକୁ ୬୩ ରନରେ ପରାସ୍ତ କରିଛି । ଏକତରଫା ବିଜୟ ସହ ଚେନ୍ନାଇ ଆଇପିଏଲ୍ ୨୦୨୪ରେ କ୍ରମାଗତ ଦ୍ଵିତୀୟ ବିଜୟ ହାସଲ କରିଛି । ଏହା ସହ  ପଏଣ୍ଟ ଟେବୁଲର ଶୀର୍ଷକୁ ଉଠିଛି ସିଏସକେ । ଅନ୍ୟପଟେ ନିଜର ଦ୍ଵିତୀୟ ମ୍ୟାଚରେ ପ୍ରଥମ ପରାଜୟ ଭୋଗିଛି ଗୁଜରାଟ ଟାଇଟନ୍ସ । 

୨୦୭ ରନର ବିଶାଳ ବିଜୟ ଲକ୍ଷ୍ୟ ପିଛା କରିଥିବା ଗୁଜରାଟ ଟାଇଟନ୍ସର ଆରମ୍ଭ ନୈରାଶ୍ୟଜନକ ଥିଲା। ଓପନର ଋଦ୍ଧିମାନ ଶାହ ୨୧ ରନ କରି ଆଉଟ୍ ହୋଇଥିଲେ। ଅଧିନାୟକ ଶୁଭମନ ଗିଲ୍ ୮ରନ୍‌ କରି ଆଉଟ୍ ହୋଇଥିବା ବେଳେ ବିଜୟ ଶଙ୍କର(୧୨), ଡେଭିଡ୍ ମିଲର(୨୧), ଅଜମତୁଲ୍ଲା ଉମରଜାଇ(୧୧) ପାଭିଲିୟନ୍‌ ଫେରିଥିଲେ । ମଧ୍ୟକ୍ରମରେ ସାଇ ସୁଦର୍ଶନ ୩୭ ରନ କରିଥିଲେ । ନିମ୍ନ କ୍ରମରେ ରାହୁଲ ତେଓ୍ଵତିଆ ୬ ରନ କରି ଆଉଟ୍ ହୋଇଥିଲେ। ଚେନ୍ନାଇ ବୋଲରଙ୍କ ଶାଣିତ ବୋଲିଂ ଆଗରେ ଆତ୍ମ ସମର୍ପଣ କରିଥିଲେ ଗୁଜରାଟ ବ୍ୟାଟର । ଶେଷରେ ଦଳ ୮ ଓ୍ଵିକେଟ୍ ହରାଇ ୧୪୩ ରନ କରିପାରିଥିଲା । ମ୍ୟାଚରେ ଚେନ୍ନାଇ ୬୩ ରନର ବିଶାଳ ବିଜୟ ହାସଲ କରିଛି ।

ପ୍ରଥମେ ବ୍ୟାଟିଂ କରି ସିଏସକେ ୬ ଓ୍ଵିକେଟ୍ ହରାଇ ୨୦୬ ରନର ବିଶାଳ ସ୍କୋର କରିଥିଲା । ଶିବମ ଦୁବେ ୫୧ ରନର ଧୂଆଁଧାର ଇନିଂସ ଖେଳିଥିବା ବେଳେ ଅଧିନାୟକ ଋତୁରାଜ ଗାଏକ୍ଵାଡ଼ ଓ ରଚିନ ରବିନ୍ଦ୍ରନ ୪୬ ରନ ଲେଖାଏଁ କରିଥିଲେ। ଏହାର ଜବାବରେ ଗୁଜରାଟ ବ୍ୟାଟିଂରେ ବିଫଳ ହୋଇ ୮ ଓ୍ଵିକେଟ୍ ହରାଇ ୧୪୩ ରନ କରିପାରିଛି । ତେବେ ଆଜିର ମ୍ୟାଚ୍‌ରେ ଚେନ୍ନାଇ ଟିମ୍‌ର ଫିଲ୍ଡିଂକୁ ନେଇ ମଧ୍ୟ ପ୍ରଶଂସା କରାଯାଉଛି । ଓ୍ବିକେଟ କିପ୍‌ର ମହେନ୍ଦ୍ର ସିଂହ ଧୋନି ଗୁଜରାଟର ବିଜୟ ଶଙ୍କରଙ୍କ କ୍ୟାଚ୍‌ ଧରି ପୁଣି ଥରେ ଫ୍ୟାନଙ୍କୁ ଜଣାଇ ଦେଇଛନ୍ତି ଯେ, ସେ କେତେ ଫିଟ୍‌ ଅଛନ୍ତି ।  

𝗩𝗶𝗻𝘁𝗮𝗴𝗲 𝗠𝗦𝗗 😎

An excellent diving grab behind the stumps and the home crowd erupts in joy💛

Head to @JioCinema and @StarSportsIndia to watch the match LIVE#TATAIPL | #CSKvGT pic.twitter.com/n5AlXAw9Zg

— IndianPremierLeague (@IPL) March 26, 2024