ପ୍ରମୂଖ ଖବର
  • ବିଧାନସଭା ଅଧିବେଶନର ଦ୍ବିତୀୟ ଦିନ, ଦିନ ସାଢ଼େ ୧୧ଟା ଯାଏଁ ଗୃହ ମୁଲତବି
  • ||
  • ମାହାଙ୍ଗା: ଭାରସାମ୍ୟ ହରାଇ କେନାଲକୁ ଖସିଲା କାର୍, ଯୁବକଙ୍କ ମୃତ୍ୟୁ
  • ||
  • ମୋହନ ସରକାରଙ୍କ ପ୍ରଥମ ଅଧିବେଶନ, ୨୪ରେ ଉପବାଚସ୍ପତି ନିର୍ବାଚନ, ୨୫ରେ ପୂର୍ଣ୍ଣାଙ୍ଗ ବଜେଟ୍
  • ||
  • ପ୍ୟାରିସ୍‌ ଅଲିମ୍ପିକ ୨୦୨୪: ୨୫ରୁ ତୀରନ୍ଦାଜୀ ଇଭେଣ୍ଟ, ରିକର୍ଭ ଇଭେଣ୍ଟରେ ଭାଗ ନେବେ ୬ ଭାରତୀୟ
  • ||
  • ଆସନ୍ତା ୨୬ ସୁଦ୍ଧା ଆଉ ଏକ ଲଘୁଚାପ, ତିନିଦିନ ପ୍ରବଳ ବର୍ଷା ସମ୍ଭାବନା: ଏବେ ବି ନିଅଣ୍ଟିଆ ସ୍ଥିତିରୁ ବାହାରିନି ୧୬ ଜିଲ୍ଲା
  • ||
  • ମୋଦି ୩.୦ ସରକାରର ପ୍ରଥମ ବଜେଟ୍‌, ୭ମ ଥର ପାଇଁ ବଜେଟ୍‌ ଉପସ୍ଥାପନ କରିବେ ଅର୍ଥମନ୍ତ୍ରୀ ନିର୍ମଳା ସୀତାରମଣ
  • ||

ନିଷେଧ ହୋଇପାରେ କ୍ଲୋରାମ୍ଫେନିକଲ, ନାଇଟ୍ରୋଫ୍ୟୁରାନ୍ସ ଆଣ୍ଟିବାୟୋଟିକ୍ସ, ବିଚାର ବିମର୍ଶ କରୁଛନ୍ତି ସରକାର

ନୂଆଦିଲ୍ଲୀ,୨୭/୦୬: କ୍ଲୋରାମ୍ଫେନିକଲ ଏବଂ ନାଇଟ୍ରୋଫ୍ୟୁରାନ୍ସ ବର୍ଗ ଆଣ୍ଟିବାୟୋଟିକ୍ସ ଉପରେ ନିଷେଧାଦେଶ ଲଗାଇବା ପାଇଁ ବିଚାର କରୁଛନ୍ତି ସରକାର । ଏହାର ଉତ୍ପାଦନ, ଆମଦାନି ଏବଂ ବିତରଣ ଉପରେ ଲାଗିପାରେ କଟକଣା । କୁକୁଡ଼ା ଏବଂ ପଶୁପାଳନ କ୍ଷେତ୍ରରେ ଏହି ଔଷଧଗୁଡ଼ିକ ବେଆଇନ ଭାବେ ବ୍ୟବହାର ହେଉଥିବା ସରକାରଙ୍କ ନଜରକୁ ଆସିଛି । ଆଣ୍ଟିବାୟୋଟିକ୍‌ଦ୍ୱୟ ସାଧାରଣତଃ ଲୋକଙ୍କ ଜୀବାଣୁଜନିତ ଏବଂ ମୂତ୍ର ସଂକ୍ରମଣ କ୍ଷେତ୍ରରେ ବ୍ୟବହାର ହୋଇଥାଏ । 

ଉଭୟ ଔଷଧର ଉତ୍ପାଦନ ଏବଂ ଆମଦାନି ଉପରେ ସମ୍ପୂର୍ଣ୍ଣ ବ୍ୟାନ ଲଗାଇବା ପାଇଁ ଡ୍ରଗ୍‌ସ ଟେକ୍ନିକାଲ ଆଡ୍‌ଭାଇଜରୀ ବୋର୍ଡ (ଡିଟିଏବି) ଶୀଘ୍ର କାର୍ଯ୍ୟାନୁଷ୍ଠାନ ଗ୍ରହଣ କରିବ ବୋଲି ଜଣାପଡ଼ିଛି ।  ଏ ପ୍ରସଙ୍ଗକୁ ଏବେ ଔଷଧ ଉପଦେଷ୍ଟା କମିଟି ନିକଟକୁ ପଠାଯାଇଛି । ଏହା କୁକୁଡ଼ା ଏବଂ ପଶୁଙ୍କ ଖାଦ୍ୟରେ ସପ୍ଲିମେଣ୍ଟ ଭାବେ ବ୍ୟବହାର ହେଉଥିବା କମିଟି ଜାଣିବାକୁ ପାଇଛି । ଫଳରେ ଔଷଧଗୁଡ଼ିକର ଆମଦାନି, ବିିତରଣ ଏବଂ ଯୋଗାଣ ଉପରେ କଟକଣା ଲଗାଇବାକୁ କମିଟି ସହମତି ପ୍ରକାଶ କରିଛି ।

ଏହି ପ୍ରସଙ୍ଗ ଉପରେ ମଧ୍ୟ ସାମୁଦ୍ରିକ ଉତ୍ପାଦ ରପ୍ତାନି ଉନ୍ନତିକରଣ କର୍ତ୍ତୃପକ୍ଷ (ଏମ୍‌ପେଡା) ଉଦ୍‌ବେଗ ପ୍ରକାଶ କରିଥିଲେ । ଏହା ପରେ ପଶୁ ସ୍ୱାସ୍ଥ୍ୟ ସଂକ୍ରାନ୍ତ ଉଚ୍ଚସ୍ତରୀୟ କମିଟି ଏହାକୁ ଗୁରୁତ୍ୱର ସହ ଗ୍ରହଣ କରିଥିଲା । ଏହାକୁ ବ୍ୟାନ କରିବା ଉପରେ ଏମ୍‌ପେଡା  ସହମତି ଦେବା ସହ ନିଜର ଆଭିମୁଖ୍ୟ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟକୁ ଜଣାଇଥିଲା । କମିଟି ଦେଇଥିବା ପ୍ରସ୍ତାବ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଏହା କହିଥିଲା । ଏ ନେଇ କେନ୍ଦ୍ର ସରକାର ଶୀଘ୍ର ବିଜ୍ଞପ୍ତି ଜାରି କରିପାରନ୍ତି ବୋଲି ଜଣାପଡ଼ିଛି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.