ନୂଆଦିଲ୍ଲୀ: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର କ୍ରମାଗତ ଭାବେ ନିର୍ବାଚନ ରାଲିରେ ବ୍ୟସ୍ତ ଅଛନ୍ତି । ପ୍ରଧାନମନ୍ତ୍ରୀ ମୋଦୀ ମଧ୍ୟ କ୍ରମାଗତ ଭାବରେ ବିହାର ଗସ୍ତ କରୁଛନ୍ତି ଏବଂ ସାଧାରଣ ସଭାକୁ ସମ୍ବୋଧିତ କରୁଛନ୍ତି । ଏସବୁ ମଧ୍ୟରେ ସିଏମ ନୀତୀଶ ପୁଣି ଥରେ ଭାଷଣ ଦେବାବେଳେ କିଛି ଓଲଟା ପାଲଟା କହି ପକାଇଛନ୍ତି । ଆଜି(ରବିବାର) ଏକ ସମାବେଶକୁ ସମ୍ବୋଧିତ କରିବା ବେଳେ ସିଏମ୍‌ଙ୍କ ମୁହଁରୁ କିଛି ଅଲଗା କଥା ଖସି ଯାଇଥିଲା । ସେ ପ୍ରଧାନମନ୍ତ୍ରୀ ମୋଦୀଙ୍କୁ ମୁଖ୍ୟମନ୍ତ୍ରୀ ହେବାକୁ ଚାହୁଁଥିଲେ ବୋଲି କହିଥିଲେ । ଲୋକମାନଙ୍କୁ ନିବେଦନ କରି ସିଏମ୍ କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୁଖ୍ୟମନ୍ତ୍ରୀ କରାଯିବା ଉଚିତ୍ । 

ରବିବାର ଦିନ ନୀତୀଶ କୁମାର ଏନଡିଏ ପ୍ରାର୍ଥୀ ରବି ଶଙ୍କର ପ୍ରସାଦଙ୍କ ନିର୍ବାଚନ ସମାବେଶକୁ ସମ୍ବୋଧିତ କରିବା ପାଇଁ ପାଟନା ସାହିବରେ ପହଞ୍ଚିଥିଲେ । କଥାବାର୍ତ୍ତା ବେଳେ ସିଏମ ନୀତୀଶ କହିଥିଲେ ଯେ ନରେନ୍ଦ୍ର ମୋଦୀ ପୁଣିଥରେ ମୁଖ୍ୟମନ୍ତ୍ରୀ ହେବା ଉଚିତ୍ ଏବଂ ଦେଶ ସହିତ ରାଜ୍ୟର ବିକାଶ ହେବା ଉଚିତ୍। 

ଆମେ ଆପଣଙ୍କୁ କହିବୁ ଯେ, ସିଏମ ନୀତୀଶ ବିଜେପିର ବରିଷ୍ଠ ନେତା ରବି ଶଙ୍କର ପ୍ରସାଦଙ୍କୁ ଭୋଟ୍ ଦେବାକୁ ନିବେଦନ କରିଛନ୍ତି ଏବଂ କହିଛନ୍ତି ଯେ ବିହାରରେ ୪୦ ଟି ସିଟ୍ ଜିତିବା ଏବଂ ଏନଡିଏରେ ୪ ଶହ ଟି ସିଟ୍ ଜିତିବା ପାଇଁ ଆମେ ଚାହୁଁ । ଏହି ସମୟରେ ସିଏମ ନୀତୀଶ କହିଛନ୍ତି ଯେ ନରେନ୍ଦ୍ର ମୋଦୀଙ୍କୁ ପୁଣିଥରେ ମୁଖ୍ୟମନ୍ତ୍ରୀ କରାଯିବା ଉଚିତ ଏବଂ ବିହାର ସହିତ ଦେଶରେ ବିକାଶ ହେବା ଉଚିତ । ତେବେ ମୁଖ୍ୟମନ୍ତ୍ରୀଙ୍କ ମୁହଁରୁ ଏହା ଖସିଯିବା ମାତ୍ରେ  ତାଙ୍କ ଅଙ୍ଗରକ୍ଷୀ ଆସି କାନରେ କିଛି କହିଥିଲେ । ଏହା ପରେ ନୀତୀଶ କହିଛନ୍ତି ଯେ ସେ ପ୍ରଧାନମନ୍ତ୍ରୀ ଏବଂ ତାଙ୍କୁ ପୁଣିଥରେ ପ୍ରଧାନମନ୍ତ୍ରୀ କରିବାକୁ ପଡିବ ।