ଭୁବନେଶ୍ୱର,୦୪/୦୨: ନିର୍ବାଚନ କମିଶନଙ୍କ ଗାଇଡ୍‌ ଲାଇନ୍‌ ପାଇଁ କମିସନରେଟ୍‌ ପୁଲିସରେ ଶେଷ ଅଦଳ ବଦଳ ହୋଇଛି । ଦୁଇ ଜଣ ଏସିପି, ୩ ଜଣ ଇନ୍ସପେକ୍ଟର ଓ ୭ ଜଣ ସବ୍‌  ଇନ୍ସପେକ୍ଟରଙ୍କ ବଦଳି କରାଯାଇଛି । ସହିଦନଗର ଥାନା ଭାରପ୍ରାପ୍ତ  ଅଧିକାରୀ ତଥା ଏସିପି ମନୋଜ କୁମାର ଶତପଥି ଓ ଭୁବନେଶ୍ୱର ୟୁପିଡିର ଆଇୟୁସିଏଡବ୍ଲୁରେ କାର୍ଯ୍ୟରତ ଏସିପି ଅଶୋକ କୁମାର  ଗିରିଙ୍କୁ କଟକ ଆଇୟୁସିଏଡବ୍ଲୁକୁ  ବଦଳି କରାଯାଇଛି ।  

ଇନ୍ସପେକ୍ଟର ପ୍ରମୋଦ ଲେଙ୍କାଙ୍କୁ କଟକ ଡିସିପିଙ୍କ  ଅଫିସରେ ଅବସ୍ଥାପିତ କରାଯାଇଛି । ବାଦାମବାଡ଼ି  ଥାନା ଅଧିକାରୀ ସୂର୍ଯ୍ୟାଂଶୁ ଶେଖର ପାଢ଼ୀଙ୍କୁ  ଭୁବନେଶ୍ୱରକୁ ବଦଳି କରାଯାଇଛି । କମିଶନରେଟ୍‌  ପୁଲିସ୍‌ ମୁଖ୍ୟାଳୟରେ ଥିବା ଇନ୍ସପେକ୍ଟର ଗଣେଶ ଚନ୍ଦ୍ର  ସ୍ୱାଇଁ ଓ ଭିଆର୍‌ ସେଲର ଏସ୍‌ଆଇ ସୁଧାଂଶୁ ଶେଖର  ପରିଡ଼ାଙ୍କୁ ଭୁବନେଶ୍ୱର ଟିଟିଆଇକୁ  ବଦଳି ହୋଇଛି । 

କମିଶନରେଟ୍‌ ପୁଲିସ୍‌  ମୁଖ୍ୟାଳୟ ଅଭିଯୋଗ ପ୍ରକୋଷ୍ଠରେ  ଥିବା ଏସ୍‌ଆଇ ମିନିପ୍ରଭା ସାହୁ,  କ୍ରାଇମ୍‌ ସେକ୍ସନର ଏସ୍‌ଆଇ ପଦ୍ମନାଭ ବଳିଆରସିଂହ, ଦେବେନ୍ଦ୍ର ସାହୁ,  ଆର୍‌ଏସ୍‌ଆଇ ଟ୍ରାଫିକ ସୁଶ୍ରୀ ଶର୍ମିଷ୍ଠା  ସୁନା ଓ ଆର୍‌ଏସ୍‌ଆଇ (ଆରଓ)  ବସନ୍ତ କୁମାର ଲେଙ୍କାଙ୍କୁ କଟକ ଡିସିପି  ଅଫିସକୁ ବଦଳି କରାଯାଇଛି । ସେହିପରି କଟକ  ଡିସିପି ଅଫିସ୍‌ରେ କାର୍ଯ୍ୟରତ ନରେନ୍ଦ୍ର କୁମାର  ପରିଡ଼ାଙ୍କର ଭୁବନେଶ୍ୱର ୟୁପିଡିକୁ ବଦଳି କରାଯାଇଛି ।