ମନମୁଣ୍ଡା ୧୫/୯: ୨୦୧୮ ମସିହାର ଏକ ନାବାଳକ ହତ୍ୟା ମାମଲାର ଶୁଣାଣି କରି କଣ୍ଟାମାଳ ଅତିରିକ୍ତ ଜିଲ୍ଲା ଦୌରା ଜଜ୍ ଶିବ ପ୍ରସାଦ ମହାପାତ୍ର ଆଜି ଅଭିଯୁକ୍ତକୁ ଆଜୀବନ କାରାଦଣ୍ଡାଦେଶ ଦେଇଛନ୍ତି। ଏତବ୍ୟତୀତ ଅଭିଯୁକ୍ତକୁ ୫୦ ହଜାର ଟଙ୍କା ଜରିମାନା ମଧ୍ୟ ଶୁଣାଇଛନ୍ତି। ଜରିମାନା ଅନାଦେୟରେ ଅଭିଯୁକ୍ତକୁ ଆହୁରି ଅଧିକ ୧ ବର୍ଷ ସଶ୍ରମ ଜେଲ ଦଣ୍ଡାଦେଶ ଭୋଗିବାକୁ ପଡ଼ିବ ବୋଲି ରାୟରେ ଉଲ୍ଲେଖ କରାଯାଇଛି। ଅଭିଯୁକ୍ତ ଜଣକ କଣ୍ଟାମାଳ ଥାନା ଶ୍ରୀମାଲ ଗ୍ରାମର ଗଡିସ ରଣା ବୋଲି ଜାଣିବାକୁ ମିଳିଛି।
କଣ୍ଟାମାଳ ଥାନା କେସ ନଂ ୨୨/୧୮ ରେ ରୁଜୁ ହୋଇ ମାମଲାଟି କଣ୍ଟାମାଳ ଏଡିଜେ କୋର୍ଟରେ ଏସ ଟି କେସ ନଂ ୫୦/୧୮ ରେ ପଞ୍ଜୀକୃତ ହୋଇ ବିଚାରାଧୀନ ଥିଲା। ୨୧ ଜଣ ସାକ୍ଷ୍ୟଙ୍କ ବୟାନ ଓ ୨୭ ଟି ପ୍ରମାଣ ସିଦ୍ଧ ଦସ୍ତାବିଜ୍ ତଥା ୩ଟି ଗୁରୁତ୍ୱପୂର୍ଣ୍ଣ ପଦାର୍ଥ ଆଧାରରେ ମାନ୍ୟବର ଅଦାଲତ ଅଭିଯୁକ୍ତକୁ ଆଇପିସି ଧାରା ୩୦୪ ପ୍ରଥମ ଭାଗରେ ଦୋଷୀ ସାବ୍ୟସ୍ତ କରି ଦୃଷ୍ଟାନ୍ତ ମୂଳକ କଠୋର ଦଣ୍ଡାଦେଶ ଶୁଣାଇଛନ୍ତି। ପ୍ରକାଶଥାଉକି, ୨୦୧୮ ମସିହା ଫେବୃଆରୀ ୩ ତାରିଖରେ ଶଙ୍କର ମାହାର ନିଜ ସାନ ପୁଅ ସୁମନ୍ତ ନିଖୋଜ ଥିବା ନେଇ କଣ୍ଟାମାଳ ଥାନାରେ ଏତଲା ଦେଇଥିଲେ। ପରବର୍ତ୍ତୀ ସମୟରେ ମହିବିଲା ଗ୍ରାମ ନିକଟସ୍ଥ ପାପିତୋଲା ଡୁଙ୍ଗୁରି ଠାରେ ନିଖୋଜ ସୁମନ୍ତ(୧୨) ର ମୃତଦେହ ମିଳିଥିଲା। ସରକାରଙ୍କ ତରଫରୁ ଅତିରିକ୍ତ ପବ୍ଲିକ ପ୍ରସିକ୍ୟୁଟର ଦୂତୀଆ ଚରଣ ସାହୁ ଏହି ମାମଲା ପରିଚାଳନା କରୁଥିଲେ। କଣ୍ଟାମାଳରେ ଅତିରିକ୍ତ ଜିଲ୍ଲା ଦୌରା ଜଜ୍ କୋର୍ଟ ହେବା ପରଠାରୁ ଅନେକ ଗୁରୁତ୍ଵପୂର୍ଣ୍ଣ ମାମଲା ତୁରନ୍ତ ଫଇସଲା ହେଉଥିବା ଦେଖିବାକୁ ମିଳିଛି।
କଣ୍ଟାମାଳ ଥାନା କେସ ନଂ ୨୨/୧୮ ରେ ରୁଜୁ ହୋଇ ମାମଲାଟି କଣ୍ଟାମାଳ ଏଡିଜେ କୋର୍ଟରେ ଏସ ଟି କେସ ନଂ ୫୦/୧୮ ରେ ପଞ୍ଜୀକୃତ ହୋଇ ବିଚାରାଧୀନ ଥିଲା। ୨୧ ଜଣ ସାକ୍ଷ୍ୟଙ୍କ ବୟାନ ଓ ୨୭ ଟି ପ୍ରମାଣ ସିଦ୍ଧ ଦସ୍ତାବିଜ୍ ତଥା ୩ଟି ଗୁରୁତ୍ୱପୂର୍ଣ୍ଣ ପଦାର୍ଥ ଆଧାରରେ ମାନ୍ୟବର ଅଦାଲତ ଅଭିଯୁକ୍ତକୁ ଆଇପିସି ଧାରା ୩୦୪ ପ୍ରଥମ ଭାଗରେ ଦୋଷୀ ସାବ୍ୟସ୍ତ କରି ଦୃଷ୍ଟାନ୍ତ ମୂଳକ କଠୋର ଦଣ୍ଡାଦେଶ ଶୁଣାଇଛନ୍ତି। ପ୍ରକାଶଥାଉକି, ୨୦୧୮ ମସିହା ଫେବୃଆରୀ ୩ ତାରିଖରେ ଶଙ୍କର ମାହାର ନିଜ ସାନ ପୁଅ ସୁମନ୍ତ ନିଖୋଜ ଥିବା ନେଇ କଣ୍ଟାମାଳ ଥାନାରେ ଏତଲା ଦେଇଥିଲେ। ପରବର୍ତ୍ତୀ ସମୟରେ ମହିବିଲା ଗ୍ରାମ ନିକଟସ୍ଥ ପାପିତୋଲା ଡୁଙ୍ଗୁରି ଠାରେ ନିଖୋଜ ସୁମନ୍ତ(୧୨) ର ମୃତଦେହ ମିଳିଥିଲା। ସରକାରଙ୍କ ତରଫରୁ ଅତିରିକ୍ତ ପବ୍ଲିକ ପ୍ରସିକ୍ୟୁଟର ଦୂତୀଆ ଚରଣ ସାହୁ ଏହି ମାମଲା ପରିଚାଳନା କରୁଥିଲେ। କଣ୍ଟାମାଳରେ ଅତିରିକ୍ତ ଜିଲ୍ଲା ଦୌରା ଜଜ୍ କୋର୍ଟ ହେବା ପରଠାରୁ ଅନେକ ଗୁରୁତ୍ଵପୂର୍ଣ୍ଣ ମାମଲା ତୁରନ୍ତ ଫଇସଲା ହେଉଥିବା ଦେଖିବାକୁ ମିଳିଛି।
