ନୂଆଦିଲ୍ଲୀ: ଇଣ୍ଡିଆନ ପ୍ରିମିୟର ଲିଗ୍ ୨୦୨୪ରେ ପ୍ଲେ-ଅଫ୍ ଲାଗି ଲଢ଼େଇ ଜାରି ରହିଛି । ଆଇପିଏଲ ଶେଷ ହେବା ପୂର୍ବରୁ ଜୁନ ୧ରୁ ଆରମ୍ଭ ହେବାକୁ ଥିବା ଟି-୨୦ ବିଶ୍ବକପ ଉପରେ ସମସ୍ତଙ୍କ ନଜର ରହିଛି । ଆମେରିକା ଏବଂ ଓ୍ବେଷ୍ଟ ଇଣ୍ଡିଜରେ ଜୁନ୍ ୧ରୁ ଜୁନ ୨୯ ପର୍ଯ୍ୟନ୍ତ ବିଶ୍ବକପ ଲଢ଼େଇ ଜାରି ରହିବ । ଡେଭିଡ ମିଲର ମଧ୍ୟ ଏହି ମେଗା ଇଭେଣ୍ଟରେ ଦକ୍ଷିଣ ଆଫ୍ରିକା ପକ୍ଷରୁ ଖେଳବେ ।
ଏବେ ମିଲର ଗୁଜରାଟ ଟାଇଟନ୍ସ ପକ୍ଷରୁ ଖେଳୁଥିବା ବେଳେ ବିଶ୍ବକପ୍ରେ ବହୁ ପ୍ରତିଭାବାନ ଖେଳାଳିଙ୍କୁ ସାମ୍ନା କରିବାକୁ ସେ ବେଶ ଉତ୍ସାହିତ ଅଛନ୍ତି । ସେ ଭାରତୀୟ ବୋଲର ଜସପ୍ରୀତ ବୁମରାଙ୍କୁ ବିଶ୍ବର ପ୍ରଭାବଶାଳୀ ବୋଲର ବୋଲି କହିଛନ୍ତି । ବୁମରା ଯେ କେବଳ ତାଙ୍କ ପାଇଁ ବିପଦ ତା ନୁହେଁ ବରଂ ଅନ୍ୟ ବ୍ୟାଟରଙ୍କ ପାଇଁ ଘାତକ ସାବ୍ୟସ୍ତ ହେବେ ବୋଲି କହିଛନ୍ତି ଡେଭିଡ ମିଲର ।
ସେ କହିଛନ୍ତି ଯେ, ଭାରତୀୟ ଟିମ୍ରେ ଅନେକ ଭଲ ଖେଳାଳି ଅଛନ୍ତି । କିନ୍ତୁ ଜଣେ ବ୍ୟାଟର ଭାବରେ ବୁମରାଙ୍କୁ ସାମ୍ନା କରିବାକୁ ମୁସକିଲ୍ । ସେ ଦୀର୍ଘ ବର୍ଷ ଧରି ବିଶ୍ବସ୍ତରୀୟ ବୋଲର ରହିଆସିଛନ୍ତି । ସେ ମୋ ସହ ବିଶ୍ବକପରେ ଅନ୍ୟ ବ୍ୟାଟରଙ୍କ ପାଇଁ ବିପଦ ବୋଲି ମିଲର କହିଛନ୍ତି । ତେବେ ବିଶ୍ବକପରେ ବାଂଲାଦେଶ, ଶ୍ରୀଲଙ୍କା, ନେଦରଲାଣ୍ଡସ୍ ଏବଂ ନେପାଳ ସମେତ ଦକ୍ଷିଣ ଆଫିକ୍ରା ଗ୍ରୁପ ଡି ଟିମ୍ । ନ୍ୟୁୟର୍କରେ ଜୁନ୍ ୩ରେ ଶ୍ରୀଲଙ୍କା ବିପକ୍ଷ ମ୍ୟାଚରୁ ବିଶ୍ବକପ ଅଭିଯାନ ଆରମ୍ଭ କରିବ ଦକ୍ଷିଣ କୋରିଆ ।
