ରାଇପୁର: ଛତିଶଗଡ଼ର ସବୁଠାରୁ ବଡ଼ ବାରୁଦ ଫ୍ୟାକ୍ଟ୍ରିରେ ବିସ୍ଫୋରଣ । ଶନିବାର ସକାଳେ ଏହି ବିସ୍ଫୋରଣ ଘଟିଥିବା ବେଳେ ଚାହୁଁ ଚାହୁଁ ନିଆଁ ଏବଂ ଧୂଆଁ ଚତୁର୍ଦିଗକୁ ବ୍ୟାପିଥିବାର ଦେଖିବାକୁ ମିଳିଛି । ବେବେତରା ଜିଲ୍ଲାରୁ ୭୦ କିଲୋମିଟର ଦୂରରେ ଥିବା ବୋରସି ଗାଁରେ ଏହି ଅଘଟଣ ଘଟିଥିବା ଜଣାପଡ଼ିଛି ।
ଏହି ଦୁର୍ଘଟଣାରେ ୬ ଜଣ ଗୁରୁତର ହୋଇଛନ୍ତି । ଅନ୍ୟପଟେ ଦୁର୍ଘଟଣା ସଂପର୍କରେ ଖବର ପାଇ ଦମକଳ ବାହିନୀ ପହଞ୍ଚିଥିବା ବେଳେ ନିଆଁକୁ ଆୟତ୍ତ କରିବାକୁ ଚେଷ୍ଟା ଚଳାଇଛି । ହେଲେ ବିସ୍ଫୋରଣର କାରଣ ଜଣାପଡ଼ି ନାହିଁ । ଘଟଣାସ୍ଥଳରେ ଏସଡିଆରଏଫ ଏବଂ ପୋଲିସ ଟିମ୍ ପହଞ୍ଚିଛି ।
ବିସ୍ଫୋରଣ ଏତେ ଭୟଙ୍କର ଥିଲା ଯେ, ଏହାର ଶବ୍ଦ ବହୁ କିଲୋମିଟର ପର୍ଯ୍ୟନ୍ତ ଶୁଣିବାକୁ ମିଳିଥିଳା । ବିସ୍ଫୋରଣ ପରେ ଫ୍ୟାକ୍ଟ୍ରିରେ ଭୀଷର ଅଗ୍ନିକାଣ୍ଡ ଘଟିଛି । ଫଳରେ ଧୂଆଁ ବହୁ ଉଚ୍ଚକୁ ଉଠୁଥିବା ନେଇ ସାମ୍ନାକୁ ଆସିଥିବା ଭିଡିଓରୁ ଦେଖିବାକୁ ମିଳିଛି । ଏବେ ସୁଦ୍ଧା ବିସ୍ଫୋରଣରେ କ୍ଷୟକ୍ଷତି ସଂପର୍କରେ ସ୍ପଷ୍ଟ ସୂଚନା ମିଳିପାରି ନାହିଁ ।