ନୂଆଦିଲ୍ଲୀ,୧୯।୪: ସାରା ଦେଶରେ ଆରମ୍ଭ ହୋଇଛି ପ୍ରଥମ ପର୍ଯ୍ୟାୟ ଲୋକସଭା ନିର୍ବାଚନ। କେଉଁଠି ମତଦାନ ସୁରୁଖୁରୁରେ ଚାଲିଛି ତ ଆଉ କେଉଁଠି ହିଂସା।ପଶ୍ଚିମବଙ୍ଗରେ ପରେ ଏବେ ମଣିପୁରରେ ଦେଖିବାକୁ ମିଳିଛି ନିର୍ବାଚନୀ ହିଂସା। ମଣିପୁରର ବିଷ୍ଣୁପୁର ଜିଲ୍ଲା ଅନ୍ତର୍ଗତ ଥମ୍ପନପୋକି କେନ୍ଦ୍ରରେ ହୋଇଛି ଗୁଳିମାଡ। ଯେଉଁଥିରେ ୩ ଜଣ ଆହତ ହୋଇଛନ୍ତି। ସେଭଳି ପୁର୍ବ ଇମ୍ଫାଲର ଥୋଙ୍ଗଜୁର ଏକ ବୁଥ୍ରେ ଇଭିଏମ୍ ମେସିନ୍ ଭଙ୍ଗାରୁଜା ହୋଇଥିବାର ଖବର ସାମନାକୁ ଆସିଛି।
मणिपुर में पोलिंग बूथ पर चली गोली, थमनपोपकी बूथ पर चलीं गोलियां #Manipur #Firing #LokSabhaElections pic.twitter.com/5e5x863ZLY
— Yug (@mittal68218) April 19, 2024
ଗୁଳିମାଡ ହେଉଥିବାର ଭିଡିଓ ସାମନାକୁ ଆସିଛି। ଶୁକ୍ରବାର ସକାଳେ ନିର୍ବାଚନ ଆରମ୍ଭ ହେବାପରେ ମୋଇରାଙ୍ଗ ନିର୍ବାଚନୀ ମଣ୍ଡଳୀର ଥମ୍ପନପୋକି କେନ୍ଦ୍ରରେ କିଛି ଅଜଣା ଲୋକ ଗୁଳିମାଡ କରିଛନ୍ତି। ଏଥିରେ ୩ ଜଣ ଆହତ ହୋଇଛନ୍ତି।ଗୁଳିମାଡ ସମୟର ୨୫ ସେକେଣ୍ଡର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ଦୁଇଟି ଗୁଳି ମାଡ ହେଉଥିବାର ସାଉଣ୍ଡ ଶୁଣିବାକୁ ମିଳୁଛି।ଉଲ୍ଲେଖନୀୟ ଯେ, ଆଜି ରାଜ୍ୟର ଦୁଇଟି ଆସନରେ ନିର୍ବାଚନ ଅନୁଷ୍ଠିତ ହେଉଛି।
ପଶ୍ଚିମବଙ୍ଗର କୁଚବିହାରରେ ଭୋଟିଂ ବେଳେ ହିଂସା, କର୍ମୀଙ୍କ ଭିତରେ ସଂଘର୍ଷ ଓ ଟେକା-ପଥର ମାଡ଼