ନୂଆଦିଲ୍ଲୀ: ନେପାଳର ନୁବାକୋଟରେ ଏକ ହେଲିକପ୍ଟର ଦୁର୍ଘଟଣାର ସମ୍ମୁଖୀନ ହୋଇଛି । ବିମାନରେ ଥିବା ସମସ୍ତ ପାଞ୍ଚ ଜଣ ଯାତ୍ରୀଙ୍କ ମୃତ୍ୟୁ ଘଟିଛି। କୁହାଯାଉଛି ଯେ, ରସୁୱା ଯାଉଥିବା ଏହି ହେଲିକପ୍ଟରରେ ପାଞ୍ଚ ଜଣ ଲୋକ ଥିଲେ । ଏଥିରେ ଚାରିଜଣ ଚୀନ୍ ନାଗରିକ ମଧ୍ୟ ସାମିଲ ରହିଥିଲେ । ନିକଟରେ ଜୁଲାଇ ୨୪ ରେ ନେପାଳର ତ୍ରିଭୂବନ ଅନ୍ତର୍ଜାତୀୟ ବିମାନବନ୍ଦରରେ ଏକ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା, ଯେଉଁଥିରେ ୧୮ ଜଣଙ୍କର ମୃତ୍ୟୁ ଘଟିଥିଲା । ଆଉ ଏହାର କିଛି ଦିନ ପରେ ଏବେ ଏହି ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଛି । ଏହା ଦର୍ଶାଉଛି ଯେ ନେପାଳରେ ଖରାପ ପରିଚାଳନା ହେତୁ ବିମାନ ଦୁର୍ଘଟଣା ଅତି ସାଧାରଣ ହୋଇଗଲାଣି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି ।

ଘଟଣା ଆଜି (ବୁଧବାର) ଘଟିଥିବା କୁହାଯାଉଛି । ସୂଚନାନୁସାରେ, ଏହି ହେଲିକପ୍ଟରଟି ନେପାଳର ନୁବାକୋଟର ଶିବପୁରୀ ଅଞ୍ଚଳରେ ଏକ ଦୁର୍ଘଟଣାର ସମ୍ମୁଖୀନ ହୋଇଛି । ଏଥିରେ ଏକ ଏୟାର ଡାୟନେଷ୍ଟ୍ରୀ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି । ବିମାନରେ ଥିବା ସମସ୍ତ ୫ ଜଣଙ୍କର ମୃତ୍ୟୁ ଘଟିଛି । ତ୍ରିଭୂବନ ଅନ୍ତର୍ଜାତୀୟ ବିମାନବନ୍ଦରର ଏକ ସୂତ୍ର ହିମାଳୟନ ଟାଇମ୍ସକୁ କହିଛି ଯେ, ହେଲିକପ୍ଟରଟି କାଠମାଣ୍ଡୁରୁ ସୟାଫ୍ରୁବେନସି ଅଭିମୁଖେ ଯାଉଥିଲା।