ନୂଆଦିଲ୍ଲୀ : ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କର ମୁସ୍କିଲ ଲଗାତାର ବଢିବାରେ ଲାଗିଛି। କଥିତ ମଦ ଦୁର୍ନୀତି ମାମଲାରେ ଗିରଫଦାରୀ ପରେ ତାଙ୍କୁ ୨୮ ମାର୍ଚ୍ଚ ଯାଏ ଇଡି ହେପାଜତକୁ ପଠାଇ ଦିଆ ଯାଇଛି। ଏହି କ୍ରମରେ ଶନିବାର ସିଏମ୍ କେଜ୍ରିୱାଲ ଦିଲ୍ଲୀ ହାଇକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି। ସେ ଆବେଦନରେ ଇଡିର ଗିରଫଦାରୀ ଓ ଇଡିର ରିମାଣ୍ଡ ଉଭୟକୁ ଅବୈଧ କହିଛନ୍ତି। ଏହା ଉପରେ ସେ ୨୪ ମାର୍ଚ୍ଚ ସୁଦ୍ଧା ତୁରନ୍ତ ଶୁଣାଣି ଦାବି କରିଥିଲେ। ହେଲେ ଏବେ ହାଇକୋର୍ଟଙ୍କ ଠାରୁ ତାଙ୍କୁ ବଡ଼ ଝଟକା ଲାଗିଛି। ହାଇକୋର୍ଟ ତାଙ୍କର ମୁକ୍ତି ନେଇ ଆବେଦନକୁ ତୁରନ୍ତ ଶୁଣାଣି କରିବାକୁ ମନା କରି ଦେଇଛନ୍ତି।
'ଗିରଫଦାରୀ ଓ ରିମାଣ୍ଡ ଉଭୟ ଅବୈଧ , ତୁରନ୍ତ ମୁକ୍ତ କର..' ; ହାଇକୋର୍ଟରେ ପହଞ୍ଚିଲେ ଇଡି ଲକ୍ଅପରେ ଥିବା କେଜ୍ରିୱାଲ
ଉଲ୍ଲେଖନୀୟ ଯେ, ଆମ୍ ଆଦମୀ ପାର୍ଟି (ଆପ୍)ର ସବୁଠୁ ବଡ଼ ନେତା ଅରବିନ୍ଦ କେଜ୍ରିୱାଲ ନିଜ ଗିରଫଦାରୀ ଓ ଇଡି ହେପାଜତକୁ ନେଇ ହାଇକୋର୍ଟରେ ଚ୍ୟାଲେଞ୍ଜ ଦେଇ ଥିଲେ। କୋର୍ଟ ଏହି ମାମଲାରେ ସିଏମ୍ କେଜ୍ରିୱାଲଙ୍କ ପିଟିସନକୁ ତୁରନ୍ତ ସୂଚିବଦ୍ଧ କରିବାକୁ ମନା କରି ଦେଇଛନ୍ତି । ଏହି ମାମଲାକୁ ବୁଧବାର (ହୋଲି ଛୁଟି ପରେ) ପୁଣି ଥରେ ଖୋଲିବା ପାଇଁ ସୂଚୀବଦ୍ଧ କରାଯିବ।
କହି ରଖୁଛି କି, ମୁଖ୍ୟମନ୍ତ୍ରୀ କେଜ୍ରିୱାଲ ଗିରଫଦାରୀ ଓ ରିମାଣ୍ଡକୁ ଅବୈଧ ଦର୍ଶାଇ ତତ୍କାଳ ମୁକ୍ତି ପାଇଁ ଆବେଦନ କରି ଥିଲେ। ସେ ଆଜି ଶନିବାର ସନ୍ଧ୍ୟା ବା ଆସନ୍ତାକାଲି (୨୪ମାର୍ଚ୍ଚ ) ଯାଏ ଶୁଣାଣିର ଦାବି କରି ଥିଲେ। ଏଥିରେ ଏବେ ଏହି ମାମଲାରେ ୨୭ ମାର୍ଚ୍ଚରେ ଶୁଣାଣି ହୋଇ ପାରେ।
