ଭୁବନେଶ୍ୱର, ୩।୬: ଆଜିକାଲି ଚର୍ମ ସମ୍ୱନ୍ଧୀୟ ସମସ୍ୟା ସାଧାରଣ କଥା । ଅନେକ ଲୋକ ଏଥିପାଇଁ ଚିନ୍ତିତ । ଏହି ଫଙ୍ଗଲ ଇଂଫେକ୍ସନ୍ ବେଳେବେଳେ ଏତେ ବଢ଼ିଯାଏ ଯେ, ଏହା ସମ୍ପୂର୍ଣ ଶରୀରରେ ବ୍ୟାପିଯାଏ । ଏହାଦ୍ୱାରା ଶରୀର ଲାଲ୍ ପଡ଼ି କୁଣ୍ଡାଇ ହେବା ସହ ଜଳାପୋଡ଼ା ମଧ୍ୟ ହୋଇଥାଏ । ଏହାକୁ କମାଇବାକୁ ଲୋକ ଅନେକ ପ୍ରୟାସ କରିଥାନ୍ତି, କିନ୍ତୁ ଏହା ସହଜରେ କମିନଥାଏ । ଆଜି ଆମେ କିଛି ଘରୋଇ ଉପାୟ ବିଷୟରେ ଜାଣିବା । ଯାହାଦ୍ୱାରା ଫଙ୍ଗଲ ଇଂଫେକ୍ସନ୍‌ରୁ ଆରାମ ମିଳିପାରିବ । 

ଫଙ୍ଗଲ ଇଂଫେକ୍ସନ୍ ପାଇଁ ଘରୋଇ ଉପାୟ :

ପ୍ରଥମେ ଆପଣଙ୍କୁ ନଡ଼ିଆ ତେଲର ବ୍ୟବହାର କରିବାକୁ ହେବ । ଏଥିରେ ଆଣ୍ଟିଫଙ୍ଗଲ ଏବଂ ଏଣ୍ଟିଇନଫ୍ଲାମେଟାରୀ ଗୁଣ ରହିଥାଏ । ଯାହା ଫଙ୍ଗଲ ଇଂଫେକ୍ସନ୍ ସହ ଲଢ଼ିଥାଏ । ପ୍ରଥମେ ସଂକ୍ରମିତ ଜାଗାକୁ ସଫା କରିନିଅନ୍ତୁ । ପରେ ନଡ଼ିଆ ତେଲ ନେଇ ଉକ୍ତ ସଂକ୍ରମଣ ଜାଗାରେ ଲଗାଇ ମାଲିସ କରିନିଅନ୍ତୁ । ଦିନକୁ ୨ରୁ ୩ଥର ଏପରି କରନ୍ତୁ ।

ଫଙ୍ଗଲ ଇନଫେକ୍ସନର ଚିକିତ୍ସା :

ଆପଣ ଫଙ୍ଗଲ ଇନଫେକ୍ସନରୁ ମୁକ୍ତି ପାଇବା ପାଇଁ ହଳଦୀର ବ୍ୟବହାର ମଧ୍ୟ କରିପାରିବେ । ଏଥିରେ ଆଣ୍ଟିଇନଫ୍ଲାମେଟାରୀ ଗୁଣ ରହିଥାଏ, ଯାହା ଚର୍ମ ସମ୍ୱନ୍ଧୀୟ ସମସ୍ୟାରୁ ଆରାମ ଦେଇଥାଏ । ହଳଦୀରେ ପ୍ରୋବାୟୋଟିକ ରହିଥାଏ । ଆପଣ ଏହାକୁ ସଂକ୍ରମଣ ହୋଇଥିବା ଯାଗାରେ ଲଗାଇପାରିବେ । ଏହାଛଡ଼ା ରସୁଣରେ ଆଣ୍ଟିଫଙ୍ଗଲ ଏବଂ ଆଣ୍ଟିମାଇକ୍ରୋବିୟଲ ଗୁଣ ରହିଥାଏ, ଯାହା ଫଙ୍ଗଲ ଇନଫେକ୍ସନର ଉପଚାର ପାଇଁ ବହୁମାତ୍ରାରେ ଲାଭଦାୟକ । ଏଥିପାଇଁ ଆପଣ ୨ରୁ ୩ଟି ରସୁଣକୁ ବାଟି ନିଅନ୍ତୁ । ଏହାକୁ ସଂକ୍ରମିତ ସ୍ଥାନରେ ଲଗାଇ ୧୫ରୁ ୨୦ ମିନିଟ୍ ଛାଡ଼ିଦିଅନ୍ତୁ । ପରେ ଏହାକୁ ଧୋଇ ନିଅନ୍ତୁ । ଦିନକୁ ୨ରୁ ୩ଥର ଏପରି କରନ୍ତୁ ।

ଏଲୋବେରା ଜେଲ୍‌ର ବ୍ୟବହାର :

ଏହି ରୋଗର ଚିକିତ୍ସା ପାଇଁ ଏଲୋବେରାର ବ୍ୟବହାର ମଧ୍ୟ କରିପାରିବେ । ଏଥିରେ ଆଣ୍ଟିଇନଫ୍ଲାମେଟାରୀ ଗୁଣ ରହିଥାଏ । ଯାହା ଫଙ୍ଗଲ ଇନଫେକ୍ସନ ସହ ଲଢ଼ିଥାଏ ଏବଂ ଚର୍ମକୁ ସୁସ୍ଥ ରଖିଥାଏ । ସର୍ବ ପ୍ରଥମେ ଏଲୋବେରାର ପତ୍ରରୁ ଜେଲ୍ କାଢ଼ିନିଅନ୍ତୁ । ଏହି ଜେଲ୍କୁ ସଂକ୍ରମିତ ସ୍ଥାନରେ ଲଗାନ୍ତୁ । ଏହାକୁ କିଛି ସମୟ ଶୁଖିବାକୁ ଦିଅନ୍ତୁ ଏବଂ ପରେ ଏହାକୁ ଧୋଇ ନିଅନ୍ତୁ । ଦିନକୁ ୨ରୁ ୩ ଥର ଏହାର ବ୍ୟବହାର କରନ୍ତୁ । ଏଥିରେ ଆଣ୍ଟିଫଙ୍ଗଲ ଏବଂ ଆଣ୍ଟିମାଇକ୍ରୋବିୟଲ ଗୁଣ ରହିଥାଏ, ଯାହା ଫଙ୍ଗଲ ଇନଫେକ୍ସନର ଉପଚାରରେ ସହାୟକ ହୁଏ । ଏହିସବୁ ଘରୋଇ ଉପଚାରକୁ ବ୍ୟବହାର କରି ଆପଣ ଫଙ୍ଗଲ ଇନଫେକ୍ସନରୁ ମୁକ୍ତି ପାଇପାରିବେ ।