ପ୍ରମୂଖ ଖବର
  • ଆଜି ପିତୃ ଦିବସ: ବାପାଙ୍କ ପାଇଁ ଦିନଟିଏ, ବାପା ବିଶ୍ବାସର ବରଗଛ, ଭରଷାର ଭବିଷ୍ୟତ
  • ||
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ଟି-ଟ୍ୱେଣ୍ଟି ବିଶ୍ୱକପ୍‌ ପାଇଁ ପ୍ରବୀଣଙ୍କ ନିଆରା ପ୍ରୟାସ, ପ୍ଲାଷ୍ଟିକ ବର୍ଯ୍ୟବସ୍ତୁରେ ତିଆରି କଲେ ୨୦ ଦେଶର ପତାକା

ନୂଆଦିଲ୍ଲୀ,୧୦/୦୬: ଟି-ଟ୍ୱେଣ୍ଟି ବିଶ୍ୱକପ୍‌  ପାଇଁ ଜଣେ ଭାରତୀୟ ବ୍ୟବସାୟୀଙ୍କ ଅଭିନବ  ପ୍ରୟାସ ସମ୍ପ୍ରତ୍ତି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି । ପ୍ଲାଷ୍ଟିକ  ବର୍ଯ୍ୟବସ୍ତୁରେ ୨୦ଟି ଦେଶର ଜାତୀୟ ପତାକା ତିଆରି  କରି ବିଶ୍ୱକୁ ଏକ ବହୁମୂଲ୍ୟ ବାର୍ତ୍ତା ଦେଇଛନ୍ତି । ଉକ୍ତ  ବ୍ୟବସାୟୀଙ୍କ ନାମ ହେଉଛି ପ୍ରବୀଣ ଗୁପ୍ତା । ସୁରଟ ଠାରେ ତାଙ୍କର ଏକ କମ୍ପାନୀ ରହିଛି । 

ପ୍ରବୀଣ କହିଛନ୍ତି, ବିଶ୍ୱକପ୍‌ ପାଇଁ ଆମେ  ସ୍ୱତନ୍ତ୍ର ଭାବେ ପତାକା ତିଆରି କରିଛୁ । ପ୍ଲାଷ୍ଟିକ୍‌  ବର୍ଯ୍ୟବସ୍ତୁରେ ଏହି ପତାକା ତିଆରି ହୋଇଛି ।  ଯେଉଁଥିରେ ପଲିଷ୍ଟର କପଡ଼ା ଏବଂ ପ୍ଲାଷ୍ଟିକ୍‌  ବଟଲରୁ ନିର୍ମିତ ସୂତା ରହିଛି । ଗଣେଶ ଗ୍ରୁପ୍‌  ପକ୍ଷରୁ ସୂତା ପ୍ରସ୍ତୁତ କରାଯାଇଥିଲା । ଆମର ଏହି ଅଭିନବ ପତାକା ଭାରତର ପ୍ରତିବଦ୍ଧତାକୁ  ଦର୍ଶାଉଛି ।ବର୍ଯ୍ୟବସ୍ତୁକୁ କିପରି ପୁନର୍ବ୍ୟବହାର  କରାଯାଇ ପାରିବ ତାହା ଆମେ ଏହି ପ୍ରୟାସ  ମାଧ୍ୟମରେ ବିଶ୍ୱକୁ ବାର୍ତ୍ତା ଦେବାକୁ ଚେଷ୍ଟା କରିଛୁ ।’ ପାଷ୍ଟିକ୍‌ ବର୍ଯ୍ୟବସ୍ତୁରେ ପ୍ରସ୍ତୁତ ୨୦ଟି  ପତାକା ବେଶ ଆକର୍ଷଣୀୟ ହୋଇଛି । ପ୍ରତି  ପତାକାରେ ୫୦୦ମିଟର କପଡ଼ା ଲାଗିଛି ଏବଂ  ଏହାର ଓଜନ ୧୫୦କିଲୋ ରହିଛି । ସେହି  ଅନୁସାରେ ୨୦ଟି ପତାକାର ଓଜନ ୩,୫୦୦  କିଲୋ । ଏହି ନିଆରା ପତାକା ତିଆରି ପାଇଁ  ୬୦୦ ଜଣ କର୍ମଚାରୀ ଲାଗିଥିଲେ । ଗୋଟିଏ  ପତାକା ପାଇଁ ସେମାନଙ୍କୁ ୨୪ଘଣ୍ଟା ଲାଗିଥିଲା ।

  • PrameyaOdia
  • prameya
  • T-20 World Cup
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.