ନୂଆଦିଲ୍ଲୀ,୦୬/୦୯: ଆଗାମୀ ମହିଳା ଟି-ଟ୍ୱେଣ୍ଟି ବିଶ୍ୱକପ୍‌ର ଟ୍ରଫି ଭ୍ରମଣ କାର୍ଯ୍ୟକ୍ରମ ଅନୁଯାୟୀ ଶୁକ୍ରବାର ବେଙ୍ଗାଲୁରୁରେ ଟ୍ରଫି ପହଞ୍ଚିବ । କର୍ଣ୍ଣାଟକ ଇନ୍‌ଷ୍ଟିଚ୍ୟୁଟ ଅଫ୍‌  କ୍ରିକେଟ୍‌ (କେଆଇଓସି) ସେଣ୍ଟରରେ ଟ୍ରଫି ପ୍ରଦର୍ଶିତ ହେବ । କେଆଇଓସି ହେଉଛି ଯୁବା ମହିଳା କ୍ରିକେଟରଙ୍କ ପ୍ରଶିକ୍ଷଣ କେନ୍ଦ୍ର ।  ପ୍ରଶଂସକମାନେ ଆସନ୍ତା ୭ ଓ ୮ ତାରିଖରେ ବେଙ୍ଗାଲୁରୁରର ନେକ୍ସସ ମଲ୍‌ରେ ଟ୍ରଫି ଦେଖିପାରିବେ । ଏହାପରେ ଆସନ୍ତା ୧୦ ତାରିଖରେ ବିଶ୍ୱକପ୍‌ ଟ୍ରଫି ମୁମ୍ବାଇ ଯାତ୍ରା କରିବ । ମାଲାଡ  ସ୍ଥିତ ଇନ୍‌ଫିନିଟି ମଲ୍‌ ଠାରେ ଆସନ୍ତା ୧୪ ଓ ୧୫ ତାରିଖରେ  ଟ୍ରଫି ପ୍ରଦର୍ଶିତ ହେବ । ଭାରତରେ କାର୍ଯ୍ୟକ୍ରମ ଶେଷ ହେବା  ପରେ ବିଶ୍ୱକପ୍‌ ଟ୍ରଫି ଶ୍ରୀଲଙ୍କା ଓ ବାଂଲାଦେଶ ଯାତ୍ରା କରିବ।  ଏହାପରେ ୟୁଏଇରେ ଟ୍ରଫି ଭ୍ରମଣ କାର୍ଯ୍ୟକ୍ରମ ଶେଷ ହେବ। ଆଗାମୀ ଅକ୍ଟୋବର ୩ ତାରିଖରୁ ବିଶ୍ୱକପ୍‌ ଆରମ୍ଭ ହେବ।