ନୂଆଦିଲ୍ଲୀ,୨୬।୧: ପାଖେଇ ଆସିଲାଣି ଲୋକସଭା ନିର୍ବାଚନ। ଏହା ପୂର୍ବରୁ ବିରୋଧୀ ମେଣ୍ଟକୁ ବଡ ଝଟକା । ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ୟୁ-ଟର୍ଣ୍ଣ । ଏବେ ଇଣ୍ଡିଆ ଛାଡି ଏନଡିଏ ମେଣ୍ଟରେ ଜେଡିୟୁ ସାମିଲ ହେବାର ଚର୍ଚ୍ଚା ଜୋର ଧରିଛି । ସୁତ୍ରରୁ ଜଣାପଡିଛି ଯେ, ବିହାରରେ ଜେଡିୟୁ- ଏନଡିଏ ମେଣ୍ଟ ଭିତରେ ସୃଷ୍ଟି ହୋଇଛି ଫାଟ। ନୀତୀଶ କୁମାର ଏନ୍ଡିଏନ୍ ସହିତ ସରକାର ଗଠନ କରିବାକୁ ଯାଉଛନ୍ତି। ୨୮ ଜାନୁଆରୀରେ ନବମ ଥର ମୁଖ୍ୟମନ୍ତ୍ରୀ ପଦର ଶପଥ ନେଇପାରନ୍ତି।
ଜେଡିୟୁ ନିଜର ସବୁ ବିଧାୟକଙ୍କୁ ତୁରନ୍ତା ପାଟନା ଆସିବାକୁ କହିଛି। ଦଳ ନିଜର ସବୁ କାର୍ଯ୍ୟକ୍ରମକୁ ମଧ୍ୟ ରଦ୍ଦ କରିଦେଇଛି। ୨୮ ଜାନୁଆରୀରେ ପାଟନାର ମହାରାଣା ପ୍ରତାପ ରାଲି ଥିଲା, ତାକୁ ସେ ରଦ୍ଦ କରି ଦେଇଛନ୍ତି। ବିଜେପିର ସବୁ ନେତା ଦିଲ୍ଲୀ ହାଇକମାଣ୍ଡଙ୍କ ସହିତ ଲଗାତାର ମିଟିଂ କରୁଛନ୍ତି। ଏନ୍ଡିଏର ସହଯୋଗୀ ଦଳର ନେତାଙ୍କ ସହ ମଧ୍ୟ ଆଲୋଚନା କରାଯାଉଛି। ଅନ୍ୟପଟେ ଆରଜେଡି ଶିବିରରେ ହଇଚଇ ଦେଖାଦେଇଛି । ଜେଡିୟୁ- ଆରଜେଡି ଭିତରେ ଫାଟ କାରଣ ହେଉଛି ବୁଧବାର ଏକ କାର୍ଯ୍ୟକ୍ରମରେ ନୀତୀଶ ପରୋକ୍ଷରେ ଆରଜେଡିକୁ ଟାର୍ଗେଟ କରିଥିଲେ । କାହା ନା ନେଇ ବଂଶବାଦ ପ୍ରସଙ୍ଗ ଉଠାଇଥିଲେ । ଏହା ପରେ ଉଭୟ ଦଳ ମଧ୍ୟରେ ଯେଉଁ ବିବାଦ ଥିଲା ତାହା ବଢ଼ିବାରେ ଲାଗିଛି । ଶୁକ୍ରବାର ସାଧାରଣତନ୍ତ୍ର ଦିବସ କାର୍ଯ୍ୟକ୍ରମରେ ନୀତୀଶ କୁମାର ଓତେଜସ୍ବୀ ଯାଦବଙ୍କୁ ମଞ୍ଚ ଉପରେ ଦୂରେଇ ଦୂରେଇ ବସିଥିବାର ଦେଖିବାକୁ ମିଳିଛି। ଏଥିରୁ ଅନୁମାନ କରାଯାଉଛି ଜେଡିୟୁ-ଆରଜେଡି ସମ୍ପର୍କରେ ଫାଟ ସୃଷ୍ଟି ହୋଇଛି।
ଏଥର ସହିତ ସୁଶୀଲ ମୋଦି ଉପ-ମୁଖ୍ୟମନ୍ତ୍ରୀ ହୋଇପାରନ୍ତି। ଦଳର ବରିଷ୍ଠ ନେତାଙ୍କ ସହ ରୁଦ୍ଧଦ୍ୱାର ବୈଠକ ପରେ ଚର୍ଚ୍ଚା ବଢିଯାଇଛି । ଆସନ୍ତା ୪ ତାରିଖରେ ବିହାରର ବେଟିଆରେ ଗୋଟିଏ ମଞ୍ଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ନୀତୀଶ କୁମାର ଏକାଠି ହୋଇପାରନ୍ତି ।ବିହାରରେ ଜାରି ରାଜନୈତିକ ସ୍ଥିତିକୁ ନେଇ ସୁଶୀଲ ମୋଦି ଦେଇଛନ୍ତି ବଡ଼ ବୟାନ। ସେ କହିଛନ୍ତି, ରାଜନୀତିରେ କାହା ପାଇଁ ସବୁଦିନ ପାଇଁ ଦ୍ବାର ବନ୍ଦ ହୋଇଯାଏନୀ,ଦରକାର ପଡିଲେ ତାକୁ ଖୋଲିବାକୁ ପଡେ। ରାଜନୀତି ସମ୍ଭାବନାର ଖେଳ, କିଛି ବି ହୋଇପାରେ।
