ଭୁବନେଶ୍ୱର,୧୬/୦୪: ମେ’ ୧୫ରୁ ଝାରସୁଗୁଡା ଏବଂ ନୂଆଦିଲ୍ଲୀ ମଧ୍ୟରେ ଦୈନିକ ଡାଇରେକ୍ଟ ବିମାନ ସେବା ଯୋଗାଣ କରିବ ଇଣ୍ଡିଗୋ। ଏହା ଦ୍ୱାରା ଦେଶର ପ୍ରମୁଖ ଅଭିବୃଦ୍ଧିଶୀଳ ଶିଳ୍ପ କେନ୍ଦ୍ରକୁ ଜାତୀୟ ରାଜଧାନୀ ସହ ଯୋଡ଼ାଯାଇପାରିବ ।
ଏ ଅବସରରେ କମ୍ପାନିର ଗ୍ଲୋବାଲ ସେଲ୍ ମୁଖ୍ୟ ବିନୟ ମାଲହୋତ୍ରା କହିଛନ୍ତି, ଝାରସୁଗୁଡା-ନୂଆଦିଲ୍ଲୀ ସିଧାସଳଖ ବିମାନ ସେବା ଶୁଭାରମ୍ଭ ଘୋଷଣା କରି ଅତ୍ୟନ୍ତ ଖୁସି । ନୂଆ ବିମାନ ସେବା ଏହି ଅଞ୍ଚଳରେ ସୁଯୋଗକୁ ଆହୁରି ବ୍ୟାପକ କରିବ । ଲୋକଙ୍କୁ ନିରନ୍ତର ବିମାନ ସେବା ଯୋଗାଣ ଦିଗରେ ଉଦ୍ୟମ ଜାରି ରହିବ । ପ୍ରତିଦିନ ନୂଆଦିଲ୍ଲୀରୁ ୩.୨୦ରୁ ବିମାନ ବାହାରି ୫.୧୦ରେ ଝାରସୁଗୁଡା ପହଞ୍ଚିବ । ସେହିଭଳି ଝାରସୁଗୁଡାରୁ ସଂଧ୍ୟା ୫.୪୦ରୁ ବିମାନ ବାହାରି ଦିଲ୍ଲୀରେ ୭.୪୦ରେ ପହଞ୍ଚିବ ।
